यूहन्ना 15:22 - सिरमौरी नौवाँ नियम

²² जै हांव ना आन्‍दा औरौ तिनुआरी बातौ नी कौरदा, तौ सै पापी ना ठोहरदै, पौरौ ऐबै तिनुवागे तिनकै पाप कारिए कुणजाई बाना ना आथी।

Sirmouri

²² जे हाँव ने आँदा, अरह् जे तिनखे ऐजो सब-कुछ़ ने बुल्दा; तअ से दोषी-कसूरबार ने बंण्दे थिऐ, परह् ऐबे तिन कैई आप्णें पाप छुपाणों खे किऐ भे भाँह्ना ने आथी।

यूहन्ना 15:22 ပူးပေါင်းရင်းမြစ်များ

लूका 12:46

तौ तैसी नोकरो का मालिक ऐशणै दूसै आला, जौल़ौ तैणै तैसीखै ठोल़े नै रैली। औरौ ऐकी ऐशणै सौमय दा, जैसी सौमय कै बारै मुंजी सै ना जाणौ, तोबै तैसका मालिक आए जाला औरौ तैसी सख्त सौजा दैला। औरौ तैसी नोकर कै तैसी जौगैह राखदा जिथै अबिशवाशी लोग रौंव।

यूहन्ना 12:48

जू मुखै बैकार सौमझौ, औरौ मैरी बातौ ना शुणौ तैसका न्याय कौरणौवाल़ा ऐक औसौ: यानी जू बातौ मोऐं बौल़ै रैई, सै तैसीकै न्याय कै दूसै दोषी ठोहरांदी।

यूहन्ना 15:23

जू मुं आरी बोयर राखौ, सै मैरै पिता पौरमेशवर आरी बै बोयर राखौ।

यूहन्ना 15:24

जोबै मोऐं तिनकै बीच मुंजी ऐजै चौमत्कार कै काम कौरे राए, जू ओकी कोसीए ना कौरे रैई, इथकारिए सै पापी ठोहरदै, पौरौ ऐबै तौ तिनुऐ मुखै दैख राए कै मोऐं जू किछै कौरे राए, औरौ तोबै बै मुं आरी औरौ मैरै पिता पौरमेशवर आरी बोयर कौरौ।

यूहन्ना 16:9

सै पाप कै बारै मुंजी यकीन दिलांदा कै सै मुं पांदी बिशवाश कौरणौ शै इन्कार कौरौ।

यूहन्ना 19:11

यीशुए जोवाब दिया, “जै पौरमेशवर ताखै औधिकार नै दैय राखदा, तौ तैरा मुं पांदी कुणजाई औधिकार ना हौंदा, औरौ जैणै मुखै तैरै हाथौ दा सौंपै राए तैसका पाप जादा औसौ।”

यूहन्ना 9:41

यीशुए तिनुखै बौल़ौ, “जै तुऐं आन्धै हौंदै तौ तुऐं पापी नी ठोहरदै पौरौ ऐबै बौल़ौ, कै आमै दैखुए, औरौ इथकारिए तुऔं माफी ना भैटदै।”

प्रेरितो कै काम 17:30

इथकारिए पौरमेशवरे लोगौ कै अज्ञानता कै सौमयो पांदी ध्यान ना दी, पौरौ ऐबै सौबी ठाँव दै सौबी आदमियों खै पाप कौरणै छोड़े दैणौ कै आज्ञा दैंव।

रोमियों 1:20

आमै बिना पौरमेशवर कै सौदा कै अनौखी शौकतै औरौ गुणो कै ना दैखै सौकौ। पौरौ इनु बातौ कै पौरमेशवरे दुनिया कै शुरुआत शै, आपणी बाणैयौंदी सौबी चीज़ौ कै दवारा दिखाए राए। इथकारिए तिनु लोगौ कैंई ऐजौ बौलणौ कारिए कुणजाई भाना ना आथी कै सै पौरमेशवर कै ना जाणौ।

रोमियों 2:1

इथकारिए, ओए रै ओकी पांदी दोष लाणौ वाल़ै! तुऐं चाहै कुणिए बै काए नी हौंव, भाना ना बाणै सौकौ। जियौं बातौ दा तुऐं ओकी पांदी दोष लांव, तियौंई बातौ दा आपी कै बै दोषी बाणौ, जिथुकै तुऐं, जू ओकी पांदी दोष लांव, आपी बै सैजैई काम कौरौ।

याकूब 4:17

इथकारिए जू भोलाए कौरणा जाणौए औरौ ना कौरौ, तैसी कारिए ऐजा पाप औसौ।

1 पतरस 2:16

ऐबै तुऐं पाप कै गुलाम ना आथी जिथुकै तुऐं अमारै प्रभु यीशु मसीह कै दवारा आज़ाद हौए रौवै। पौरौ तुऐं आपणी आज़ादी का इस्तैमाल बुरै काम कौरणौ कारिए भाना नी बाणौ। पौरौ पौरमेशवर कै सेवको कै जैशणा बर्ताव कौरौ।