यूहन्ना 15:21 - सिरमौरी नौवाँ नियम

²¹ पौरौ ऐजौ सौबै ठुँ सै तोंवारै साथै कौरदै, जिथुकै तुऐं मैरै चैलै औसौ, औरौ सैजै मैरै भैजणौवाल़ै पौरमेशवर कै ना जाणौ।

Sirmouri

²¹ से ऐजो सब-कुछ तुवाँरी गंईलो मेरे कारण कर्दे, किन्देंखे के से मुँह डेयाल़्णों वाल़ा ने जाँण्दे।

यूहन्ना 15:21 ပူးပေါင်းရင်းမြစ်များ

मत्ती 10:18

तुऔं मुं कारिए राज्यपालो औरौ राजाओं कै सामणै तिनु पांदी, औरौ सौब देशो पांदी गवाह हौणौ कारिए पाहुंचाऐ जांदै।

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

मत्ती 10:39

जू आपणै जिन्दगी बौचाणौ कै कौचिश कौरला, सै सौदा कै जिन्दगी गवांए दैला, औरौ जू मैरी बौजैह शै आपणै जिन्दगी गवाऐ दैला, सै स्वर्ग दै सौदा खै जिन्दगी पाला।”

मत्ती 24:9

तोबै सैजै लोग जू तोंवारै खिलाफ औसौ कौल़ेश दैणौ खै तुऔं खै थोमाले औरौ तुऔं खै मारै दैंदै जिथुकै तुऐं मैरै चैलै औसौ इथकारिए सौबै देशो कै लोग तुऔंआरी बैर कौरलै।

मत्ती 5:11

“धन्‍य औसौ तुऐं, जोबै लोग तुऔं मैरै चैलै हौणौ की बौजैह शै तोंवारै नेंदैया कौरौ, औरौ सतालै औरौ झूठु बौल बौलेयौ तोंवारै खिलाफ सौबी भान्त की झूठी बातौ बौल़ौ।

मरकुस 13:13

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तिनुखै बौचायौ राखला।”

लूका 21:12

पौरौ इनु सौबी बातौ दै औगौड़ियौ सै मैरै नांव की बौजैह शै तुऔं पाकोड़दे, औरौ सतांदै, औरौ यहूदी सभा-घोरो दै सोंपदै औरौ ज़ेलो दै पांदै, औरौ राजाओं औरौ राज्यपालो कै सामणै लोए जांदै।

लूका 21:17

तुऐं मैरै चैलै औसौ इथकारिए सौबै लोग तुऔंआरी बैर कौरलै।

लूका 6:22

“धन्‍य औसौ, तुऐं जोबै मुं आदमी कै बैटै कै बौजैह शै लोग तुऔं आरी बैर राखदै, औरौ तुऔं निकाल़ै दैंदै, औरौ तोंवारै नेंदैया कौरदै, औरौ तोंवारा नांव बुरु जाणैयौ काटै दैंदै।”

यूहन्ना 15:24

जोबै मोऐं तिनकै बीच मुंजी ऐजै चौमत्कार कै काम कौरे राए, जू ओकी कोसीए ना कौरे रैई, इथकारिए सै पापी ठोहरदै, पौरौ ऐबै तौ तिनुऐ मुखै दैख राए कै मोऐं जू किछै कौरे राए, औरौ तोबै बै मुं आरी औरौ मैरै पिता पौरमेशवर आरी बोयर कौरौ।

यूहन्ना 16:3

ऐजौ सैजै इथकारिए कौरदै कै तिनुऐ पिता पौरमेशवर कै ना जाणी औरौ ना मुखै जाणौ।

यूहन्ना 17:25

ओए रै धरमी पिता, दुनिया कै लोगै ताखै ना जाणी, पौरौ मोऐं ताखै जाणै राए, औरौ इनु चैलै बै जाणै पाए कै तुऐंई मुखै भैजै राए।

यूहन्ना 8:19

तिनुऐ तैसीखै बौल़ौ, “तैरा पिता कुकै औसौ?” यीशुए जवाब दिया, “ना तौ तुऐं मुखै जाणौ औरौ ना मैरै पिता खै जाणौ, जै तुऐं मुखै जाणदै तौ मैरै पिता खै बै जाणदै।”

यूहन्ना 8:54

यीशुए जवाब दिया, “जै हांव आपी आपणै तारीफ कौरु, तौ मैरी किछै तारीफ ना आथी, जू मैरै तारीफ कौरौ, सै मैरा पिता औसौ, औरौ तुऐं बौल़ौ, कै सै तोंवारा पौरमेशवर औसौ।

यूहन्ना 8:55

तुऐं तौ तैसी ना जाणौ: पौरौ हांव तैसी जाणुए। जै हांव तैसी बुलू, कै हांव ताखै ना जाणु, तौ हांव तुऔं साए झूठा ठोरदा। पौरौ हांव तैसी जाणुए औरौ तैसकै आज्ञा मानुए।

प्रेरितो कै काम 17:23

जिथुकै मोऐं घोमै-फिरीयो तुंआरी पूज़णो की चीज़ौ दैख लोई थी, तौ ऐक ऐशणी वेदी बै भैटी, जिथपांदी लैख राए थियु, ‘अणजाणै ईशवर कारिए।’ इथकारिए जिनु तुऐं बिना जाणै पूजौ, हांव तुऔं तैसका समाचार शुणौऊं।

प्रेरितो कै काम 26:9

“मोऐं बै सौमझै राए थियु की नासरत गांव कै यीशु कै खिलाफ मुखै बौहुत कुछ कौरणौ चैंई।”

प्रेरितो कै काम 3:17

“औरौ ऐबै ओए रै भाईयों हांव जाणुए कै तुऐं औरौ तुंआरै नेताए यीशु कै अणजाणै दा मारै दिया, जिथुकै तुऔं पोता ना थी कै सै मसीह थिया।

प्रेरितो कै काम 4:17

इयौं बातौ का समाचार हौजौ जादा ना फोयलै जांव, आमु इनु झिड़कोऊगे, कै सै ऐसी नांव शै हौजौ कोसी बै आदमी आरी बातौ नी कौरेया।

प्रेरितो कै काम 5:41

सै इयौं बातौ लैई खुशी हौयौ महासभा कै सामणै दै आगु हौटै, कै आमु यीशु कै खातिर बैजत हौणौ कै लायक तौ ठौहरै।

प्रेरितो कै काम 9:14

औरौ इथै बै ऐसीकै मुख्य यहूदी पुरोहितो कै ढौबौशा औधिकार भैटी रौआ कै जू लोग तांव पांदी बिशवाश कौरौ, तिनु सौबी खै बांनैयौ यरूशलेम शहर दै लोए जांव।”

प्रेरितो कै काम 9:16

औरौ हांव तैसीखै बौतांदा, कै लोगौ खै मैरै बारै मुंजी प्रचार कौरणौ कै बौजैह शै तैसी कैशणा-कैशणा दुख झैल़णा पौड़दा।”

रोमियों 1:28

जिथुकै तिनुऐ पौरमेशवर कै अपनाणा मूर्खता सौमझै, इथकारिए पौरमेशवरे बै सैजै सौबै बुरै काम कौरणौ कै तिनु तिनकै निकम्मे मन कै हालत दै छोड़े दियै।

1 कुरिन्थियों 15:34

होशो दै आव औरौ पाप कौरणा छोड़े दैव, ऐजौ मोऐं तुऔं खै बैज्जित कौरणौ कारिए ही बौल़ै लौ, जिथुकै तुऔं मुंजीदा कोसी का पौरमेशवर कै साथै सोही रिशता ना आथी।

1 कुरिन्थियों 2:8

इयौं दुनिया कै हाकिमै पौरमेशवर कै योजना खै ना सौमझी, जिथुकै जै सै जाणदै, तौ तेज़ोमय प्रभु खै क्रूसो पांदी नै चौढ़ांदै।

2 थिस्सलुनीकियों 1:8

जू पौरमेशवर खै ना पौछेयाणौ, औरौ जू अमारै प्रभु यीशु मसीह कै बारै मुंजी सुसमाचार कै स्वीकार ना कौरौ सै तिनुकै सौजा दैंदा।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।

3 यूहन्ना 1:7

जिथुकै ऐजै लोग मसीह कै नांव कै लोगौ मुंजी फोयलाणो कारिए घुमदै लागै रौवै थिए, औरौ अबिशवाशी लोगौ कैईंदै किछै मौदद ना लोंव।

प्रकाशितवाक्य 2:3

तुऐं सब्र शै दुख खै सैहन कौरे जिथुकै तू मुं पांदी बिशवाश कौरे औरौ तोबै बै मुं पांदी तैरा बिशवाश मोजबूत औसौ।