यूहन्ना 15:2 - सिरमौरी नौवाँ नियम

² सौबै शाई जू मुंदी जूड़ेयोंदी औसौ, औरौ ना फोल़ो, तौ तिनु सै काटै दैंव, औरौ जू शाई फोल़ोए, तिनु सै हौजौ छांटौ ताकि सै हौजौ बै जादा फोल़ो।

Sirmouri

² मुँह्दी लागी अंदी ऐक नाँम डाल़ी जिन्दें फ़ल़ ने लागदे, तियों से काटी दियों; अरह् जियों डाल़ी दे फ़ल़ लागो, तियों डाल़ी के से काट-छ़ाँट करह्; के तिन्दें हजो भे जादा फ़ल़ लागो।

यूहन्ना 15:2 ပူးပေါင်းရင်းမြစ်များ

मत्ती 13:12

जिथुखै जैसकैंई औसौ, तैसीखै पौरमेशवर बौहितै सौमझ दैला। पौरौ जैसकैंई किछै बै सौमझ ना आथी, तौ पौरमेशवर तैसी कैईंदै सैजै सौमझ बै उंढी कौरदा जू तैसीकैईं औसौए।

मत्ती 13:33

तैणै तिनुखै ऐक उदारण होजो शुणाया, की स्वर्ग का राज्य खमीर कै जैशणा औसौ जैसीखै कोसी बैटमाणिशै लायो बौहितै नाजो आरी मिलाए दिया औरौ हौंदै-हौंदै सै सौबै खमीर हौए गौ।

मत्ती 15:13

तैणै जोवाब दिया, “हरेक पौधा जू मैरै स्वर्गीय पिताए ना लाए रैई, उपाड़ै दैंदै।

मत्ती 21:19

औरौ अंजीर का ऐक डाल़ शोड़कै कै किनारे दैखैयो सै तिथकै धोरे हौटा, औरौ पात छोड़ेबा तिंदु किछै ना भैटणौ की बौजैह शै तैसी डाल़ो खै बौल़ौ, “ऐलो दै ऊबै तांव दै हौजौ कौलोंई फल़ ना लागदै।” औरौ अंजीरो का डाल़ तौलोंई शोकै गौआ।

मत्ती 25:29

जिथुकै जैसी कोसी कैंई किछै औसौ तैसी हौजौ दैंदै औरौ तैसीकैईं बौहितु हौए जालो; पौरौ जैसी कैंई किछै ना आथी, तैसी कैईंदु सैजौ बै जू तैसीकैईं औसौ, उंडु कौरदै।

मत्ती 3:10

इथकारिए ऐबै तुऐं पौरमेशवर कै न्याय कारिए तैयार रौया जिथुखै कुराड़ी डाल़ो कै जोड़ो पांदी राखै राए, इथकारिए जू डाल़ आछा फोल़ नै लियाला सैजा काटा जांदा औरौ आगै मुंजी बैगाया जांदा।”

मत्ती 3:12

तैसकौ छाज तैसकै हाथौ दो औसौ, औरौ सै आपणौ खल़याण आछै शै साफ कौरदा, औरौ सै आपणै गियुँ खै तौ आपणै कोठारो दै कौठै कौरदा, पौरौ भूसो खै तियौं आगी मुंजी जोल़ादा जू आग कौलोंई ना हिशदै।”

मत्ती 7:19

जू-जू डाल़ आछा फल़ ना लांव तैसीखै काटैयौ आगै मुंजी बैगाए दैंदै, ऐशैखैई झूठै पौरमेशवर कै बातौ बौताणौवाल़ै कै बै ऐशैखैई सौजा भैटदी।

मरकुस 4:20

औरौ किछै बिज़ ऐशणै औसौ जू बोड़िया जोमीनो दै छुटै, ऐजै सैजै लोग औसौ; जू पौरमेशवर का वचन शुणैबा आपणै जीवन दा अपनाएयो बौहुता फोल़ लांव। जैशैकै तीस गुणा बिज़ वाल़ै पोधै, साठ गुणा बिज़ वाल़ै, औरौ शौ गुणा बिज़ वाल़ै पोधै।

लूका 8:13

शोकरेड़े वाल़ै जमीन कै बिज़ ऐशणै औसौ, जोबै सै पौरमेशवर का वचन खै शोणेयो तौलोंई खुशी सै मानौए तौ औसौ, पौरौ वचन कै आपणै मनो कै भीतरै बौठणौ ना दैंव, औरौ दैणिक सौमय तौड़ी बिशवाश राखौ, औरौ परीक्षा कै सौमय सै बिशवाश शै दूर हौए जांव।

यूहन्ना 15:1

“साची बाल हांव औसौ; औरौ मैरा पिता पौरमेशवर किसान औसौ।

यूहन्ना 15:16

तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

यूहन्ना 15:3

तुऐं तौ तियौं शिक्षा की बौजैह शै जू मोऐं तुऔं दैय राए, तिथलैई तुऐं शुध्द हौए गौवै।

यूहन्ना 15:6

जै कुणिए मुं दै बौणैयौंदे ना रौंव, तौ तिनु काटैयौ फेरकाए दैंव। जोबै सै शाई शोकै जांव, तौ तिनु कौठी कौरेयौ जोल़ाए दैंव।

यूहन्ना 15:8

मैरै पिता पौरमेशवर की महिमा इथी लैई हौंव, कै तुऐं बैजाए फोल़ लांव, तोबैई तुऐं मैरै चैलै ठोहरलै।

यूहन्ना 17:12

जोबै हांव तिनकै साथै थिया, तौ मोऐं तैरै तैसी नांव लैई, जू तुऐं मुखै दैय राए तिनकै रक्षा कौरे, मोऐं तिनकै दैख-रैख कौरे औरौ विनाश कै बैटै कै छोड़ेयौ कै तिनु मुंजीदा कुणिए नाश ना होई, ताकि जू पवित्र शास्त्र दो लैखै राए, सै पूरु हौए जांव।

रोमियों 11:17

इस्राएल कै लोग ऐक आछै जैतून कै डाल़ो कै डाल़ी कै जैशणै औसौ औरौ पिता अब्राहम, इसहाक औरौ याकूब तैसी डाल़ कै जड़ कै जैशणै औसौ। बैगानै यहूदी लोग जोंगली जैतून कै डाल़ कै डाल़ी औसौ, जू कलम कौरेयौ तिनु काटैयौंदी शाई कै जौगैह दी तैसी डाल़ दी लाए राए, ऐबै सैजी शाई तैसी जड़ कै खुराक कै हकदार औसौ।

रोमियों 11:22

इथकारिए पौरमेशवर कै दया औरौ सख्ताई पांदी ध्यान दैंव! जू बिशवाश शै भौटकै! तिनु पांदी सख्ताई, पौरौ तुऔं पांदी दया हौए रौए, तुऐं तैसकै दया दै बौणैयौंदे रौव, नही, तौ काटैयौ जौई कौरे दियै जालै।

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

1 कुरिन्थियों 13:1

जै हांव आदमी औरौ स्‍वर्गदूतौ कै भाषाओं दै बातौ कौरु पौरौ जै हांव लोगौ शै प्यार ना राखु, तौ मैरा भाषण दैणा कुणजाई मतलब ना राखौ। जैशै बासणौ कै बौज़णौ कै आवाज़ कुणजाई मतलब ना दैंव।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

1 यूहन्ना 2:19

सैजै लोग जू मसीह कै दुशमन औसौ अमारा साथ छोड़ेयौ हौटै गौवै जिथुकै सै अमारै आपणै ना थी, जै सै अमारै आपणै हौंदै, तौ सै अमारै साथै ही रौंदै पौरौ सै हौटै गौवै, जिथलैई ऐजा पौता लागै गौआ कै तिनुमुंजी दै कुणिए बै अमारै आपणै ना आथी।

प्रकाशितवाक्य 3:19

हांव जैसीआरी प्यार कौरु, तैसी हांव शिखोऊं औरौ सौजा दियु ताकि सै आछै बौणै जांव। इथकारिए भोलाए कौरणौ दै लागै रौ, पाप वाल़ै काम कौरणै बंद कौरे दैव।