यूहन्ना 15:19 - सिरमौरी नौवाँ नियम

¹⁹ जै तुऐं इयौं दुनिया कै लोगौ कै जैशणै हौंदै, तौ दुनिया कै लोग आपणै आरी प्यार राखदै, पौरौ इयौं दुनिया कै लोगौ कै साथै तोंवारै संगति ना आथी, जिथुकै मोऐं तुऔं दुनिया पौरैशै चोणे राए; इथकारिए दुनिया कै लोग तुऔं आरी बोयर राखौ।

Sirmouri

¹⁹ किन्देंखे के जे तुँऐं संईसारी के हंदे, तअ संईसारी तुओं आरी बंईर ने कर्दी थी; ऐजों जाँणिंयों के तुँऐं आप्णें ही असो; किन्देंखे के मुँऐ तुओं ईयों संईसारी मुँझ्शे च़ूणी-छ़ाँटी थुऐ, ईन्देखे संईसारी तुओं आरी बंईर कर्दी।

यूहन्ना 15:19 ပူးပေါင်းရင်းမြစ်များ

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

मत्ती 24:9

तोबै सैजै लोग जू तोंवारै खिलाफ औसौ कौल़ेश दैणौ खै तुऔं खै थोमाले औरौ तुऔं खै मारै दैंदै जिथुकै तुऐं मैरै चैलै औसौ इथकारिए सौबै देशो कै लोग तुऔंआरी बैर कौरलै।

लूका 6:32

“जै तुऐं आपणै प्यार कौरणौवाल़ै आरी प्यार कौरलै, तौ तोंवारै का बौड़ाए? जिथु पापी बै आपणै प्यार राखणौवाल़ै कै साथै प्यार कौरौ।

यूहन्ना 13:18

हांव तोंवारै बारै मुंजी किछै ना बुलू: जिनु मोऐं चोणे राए, तिनु हांव जाणुए। पौरौ ऐजौ इथकारिए हौंव ताकि पवित्र शास्त्र दो जू लैखै राए सैजौ पूरु हौंव, ‘जियौं थाली दो खाणौ खोऊ तियौं थाली कै बीनै।’

यूहन्ना 15:16

तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

यूहन्ना 6:70

यीशुए तिनुखै जवाब दिया, “मोऐं ही तुऔं बारौ चैलै खै ना चोणे रैई। तोबै बै तुऔं मुंजीदा ऐक आदमी शैतान कै कब्जे दा औसौ।”

याकूब 4:4

ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।

1 पतरस 4:3

बीतै सौमय दा तुऐं दुनिया कै लोगौ कै जैशणा बुराई कौरणा दा बैजाए सौमय बोरबाद कौरे दिया औरौ तोंवारा जीवन गौलत सौमबंध, गौंदै काम, दावतो औरौ शराबीपन दा बीता औरौ पौरमेशवर मूर्तियों कै पूजा शै नफरत कौरौ औरौ तुऐं सैजौई कौरौ।

1 यूहन्ना 3:12

आदम कै बैटै कैन कै जैशणै ना बौणौ जू तैसी दुष्ट शैतान शै थिया, औरौ जैणै आपणै भाई खै मारै दिया। तैणै आपणै भाई कै कियों बौजैह शै मारै दिया? जिथुकै तैसकै काम बुरै थिए, औरौ तैसकै भाई कै काम धार्मिकता कै थिए।

प्रकाशितवाक्य 12:17

इथकै बाद सैजा अजगर तियौं बैटमाणिशौ पांदी बैजाए गुस्सा हौआ। इथकारिए अजगरे बैटमाणिशौ कै वंश कै खिलाफ लोड़ाए कै घोषणा कौरे दै। यानी तिनु लोगौ कै खिलाफ जू पौरमेशवर कै आज्ञाओं खै मानौ औरौ यीशु कै दवारा शिखाए गोई साची शिक्षाओं कै मानणौ दै मोजबूत बौणैयौंदे रौव।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।