यूहन्ना 15:15 - सिरमौरी नौवाँ नियम

¹⁵ ऐलो दै ऊबै हांव तुऔं नोकर ना बौलदा, जिथुकै नोकर ना जाणौ कै तैसका मालिक का कौरौ। पौरौ मोऐं तुऔं खै दोस्त राए बौल़ै, जिथुकै मोऐं जू बातौ आपणै पिता पौरमेशवर शै शौणै रैई, सैजी सौबै तुऔं बौताए दी।

Sirmouri

¹⁵ मुँऐ तुओं दास सेंवक ने, परह् आप्णें दोस्त्त माँनी थुऐ; किन्देंखे के दास सेंवक कैई ऐजा पता ने हंदा, के तेस्का माँलिक का कर्णो वाल़ा असो; परह् मुँऐं तुँओं कैई सेजी बादी बातो बुली थंई, जुण्जी मुँऐ बाबा कैई शी शुँणीं थंऐ।

यूहन्ना 15:15 ပူးပေါင်းရင်းမြစ်များ

मत्ती 13:11

तैणै जोवाब दिया, “तुऔं खै तौ पौरमेशवरे आपणै राज्य कै भैद बौताए राए, पौरौ तिनुखै ना दैय रैई।

लूका 10:23

औरौ चैलै कै ढौबौ फिरैयौ मैसौ दौ बौल़ौ, “तुऐं सौथीखै धन्‍य औसौ, जू ऐजी सौबै बातौ आपी दैखौ,

यूहन्ना 12:26

जै कुणिए मैरी सेवा कौरणै चांव, तौ आगै तैसी मैरा चैला बौणणौ चैंई, औरौ जिथै हांव औसौ तिथै मैरा सेवक बै हौला; औरौ जू कुणिए मैरी सेवा कौरला तौ पिता पौरमेशवर बै तैसकै इज्जत कौरदा।

यूहन्ना 13:16

हांव तुऔं कै साचौ-साचौ बुलू, नोकर आपणै मालिक दा बौड़ा ना आथी; औरौ ना सौंदेश लोयो भेजेयोंदा चैला आपणै भेजणोवाल़ो शै बौड़ा ना हौंव।

यूहन्ना 15:20

याद राखौ कै मोऐं तुऔं का राव थियु बौल़ै, ‘नोकर आपणै मालिक दा बौड़ा ना आथी,’ जै तिनुऐ मुखै सोताए राए, तौ सै तुऔं खै बै सतांदै, जै सै मैरी शिक्षा कै मानदै, तौ तोंवारै बै मानलै।

यूहन्ना 16:12

“मैरै तुऔं हौजौ बै बौरिशी बातौ बोताणी, पौरौ इबी तुऐं तिथु बरदाश ना कौरे सौकौ।

यूहन्ना 17:26

मोऐं तिनुकै बौताए राए कै तू कुण औसौ, औरौ बौतांदा रौंदा कै जू प्यार तू मुं आरी कौरे, सैजा प्यार तिनुदा रौंव, औरौ हांव तिनुदा रौंऊ।”

यूहन्ना 20:17

यीशुए तियौं बौल़ौ, मैरै लातो पांदी पौड़ेयौ नी रू, जिथुकै हांव इबी तौड़ी पिता पौरमेशवर कै धोरे पाछु ना हौटै रैई, पौरौ मैरै चैलै कै धोरे जायौ कै तिनु बौलदै, कै हांव आपणै पिता औरौ तोंवारै पिता, औरौ आपणै पौरमेशवर औरौ तोंवारै पौरमेशवर कै धोरे पाछु चालै रौआ।

यूहन्ना 4:19

बैटमाणिशै तैसीखै बौल़ौ, “ओए रै प्रभु, मैरै ऐशैखै जाणियौ कै तू पौरमेशवर कै बातौ बौताणौवाल़ै औसौ।

यूहन्ना 8:26

तोंवारै बारै मुंजी मुखै बौहितु किछै बौलणौ औरौ तोंवारा न्याय कौरणा; पौरौ मैरा भैजणौवाल़ा पौरमेशवर साचा औसौ; औरौ जू मोऐं तैसीयांदो शौणै राए, सैजौई दुनिया कै लोगौ खै बुलूए।

प्रेरितो कै काम 20:27

जिथुकै मोऐं तुऔं कै सैजौ सौबै ठुँ बौताए राए जू पौरमेशवर चांव कै तुऐं जाणौ औरौ मोऐं तुंवादौ किछै ना छुपैई।

रोमियों 7:15

औरौ जू हांव कौरु तिथुकै ना जाणु, जिथुकै जू हांव चोऊं सैजौ नी कौरेया कौरु, पौरौ जिथलैई मुखै नफरत आंव, सैजौई कौरु।

1 कुरिन्थियों 2:16

ऐजौ साचौ औसौ जिथुकै जैशैकै पवित्र शास्त्र दो बौल़ै राए, “कुणिए बै ऐजौ ना जाणै सौकौ कै प्रभु कै मनो दौ का औसौ। कुणिए तैसी शिखाए ना सौकौ।” पौरौ आमै बिशवाशी सौमझुए कै मसीह कै मनो दौ का औसौ।

गलातियौं 4:6

जिथुकै आमु पौरमेशवर कै संतान औसौ, इथकारिए तैणै आपणै बैटै कै आत्मा खै अमारै दिल दै भैजै राए, जू आत्मा पौरमेशवर खै, “ओए रै अब्बा, ओए रै पिता” बौलेयौ पुकारौ।

इफिसियों 1:9

पौरमेशवरे सैजौई कौरौ, जू तैणै ठाणै राए थियु, औरौ तियौं मैसौ कै योजना कै बारै मुंजी बौतौऊ जियौं तैणै आगै दी ही मसीह कै दवारा पूरा कौरणौ का फोयसला कौरे राए थिया।

इफिसियों 3:5

पुराणै सौमय दा, पौरमेशवरे लोगौ कै ऐजा भैद ना दिखैई, पौरौ ऐबै तैणै पवित्र आत्मा कै दवारा आपणै पवित्र चोणेयौंदे चैलै औरौ पौरमेशवर कै बातौ बौताणौवाल़ै कैई इथका खुलासा कौरा।

कुलुस्सियों 1:26

यानी तैसी भैद कै जू सदियो औरौ बीतीयौंदी पीढ़ियौ शै छिपैयौंदा रौंव, पौरौ ऐबै पौरमेशवरे तिनु आपणै पवित्र लोगौ पांदी प्रगट कौरे राए।

फिलेमोन 1:16

पौरौ ऐबै सै सिरफ तैरा सेवक नी पौरौ सेवक दा बै बौड़ा औसौ औरौ ऐबै सै तैरा प्यारा बिशवाशी भाई औसौ। हांव तैसीआरी बैजाए प्यार कौरु पौरौ ताखै तैसीआरी हौजौ बै जादा प्यार कौरणा चैंई जिथुकै सै तोंवारा सेवक औसौ औरौ मसीह दा ऐक भाई औसौ।

याकूब 1:1

मोऐं याकूबे ऐजै चिट्ठी लैखै लोए। हांव पौरमेशवर औरौ प्रभु यीशु मसीह का सेवक औसौ। मोऐं ऐजै चिट्ठी इस्राएल देश कै बारौ गोत्रो कै लोगौ कारिए लैखै लोए, जू दुनिया दै बिखरे रौवै, तुऔं सौबी लोगौ कै मैरा नमशकार।

याकूब 2:23

औरौ पवित्र शास्त्र का ऐजा वचन पूरा हौआ, “अब्राहमै पौरमेशवर पांदी बिशवाश कौरा, औरौ तैसीकै बिशवाश कै दवारा पौरमेशवरे तैसी धरमी आदमी माना।” औरौ सै पौरमेशवर का दोस्त माना गौआ।

1 पतरस 1:11

मसीह का आत्मा पौरमेशवर कै बातौ बौताणौवाल़ै दा थिया, जू मसीह खै दुखो औरौ तिनु दुखो कै भैटणौ वाल़ी महिमा कै बारै मुंजी तिनु आगै शै बौतांव थिया, तिनुऐ ऐजौ जाणणौ कै कौचिश कौरे कै आत्माए तिनु का दिखाए लौ थियु, ऐजी सौबै बातौ कोलो हौंदी औरौ ऐजी कैशै पूरी हौंदी।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

यहूदा 1:1

हांव, यहूदा तुऔं ऐजी चिट्ठी लिखु। हांव यीशु मसीह का सेवक औरौ याकूब का नानड़ा भाए औसौ। मोऐं तुऔं लोगौ खै लिख लौ, जिनु पौरमेशवरे आपी पांदी बिशवाश कौरणौ कारिए बौएदै राए। अमारा पौरमेशवर पिता तुऔंआरी प्यार कौरौ औरौ तुऐं यीशु मसीह दै ठीक ठाक औसौ।

प्रकाशितवाक्य 1:1

ऐजी किताब तिनु बातौ का जिक्र कौरौ जू पौरमेशवरे यीशु मसीह खै दिखाए राए। पौरमेशवरे तैसी दिखोऊ ताकि सै आपणै दासो खै तिनु घोटनाओ कै बारै मुंजी बौताए सौकौ जू तावल़ी ही पूरी हौंदी। यीशुए आपणै स्‍वर्गदूत खै तैसी सौंदेश कै साथै मैरै धोरे यानी आपणै दास यूहन्ना कै धोरे भैजा।