यूहन्ना 15:14 - सिरमौरी नौवाँ नियम

¹⁴ जै तुऐं मैरी आज्ञा कै मानौ तौ तुऐं मैरै दोस्त औसौ।

Sirmouri

¹⁴ जे तुऐं मेरी अज्ञाँ का पाल़्ण करह्; तअ तुऐं मेरे दोस्त्त-साथी बँण्दे।

यूहन्ना 15:14 ပူးပေါင်းရင်းမြစ်များ

मत्ती 12:50

जिथुकै जू कुणिए मैरै स्वर्ग कै पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

लूका 12:4

“पौरौ ओए रै दोस्तो हांव तुऔं बुलू, कै जू शोरीरो कै मारै सौकौ पौरौ तैसकौ जादा किछै ना कौरे सौकौ, तिनुदै ना डौरेया।

यूहन्ना 13:17

तुऐं ऐबै इनु बातौ कै जाणौए, औरौ जै तुऐं तिनु पांदी चालौ, तौ धन्‍य औसौ।

यूहन्ना 14:15

“जै तुऐं मुं आरी प्यार कौरौ, तौ मैरी आज्ञा कै मानदै।

यूहन्ना 14:21

जू मैरी आज्ञा खै जाणौए, औरौ सै तिनु मानौए, सैजाई मुं आरी प्यार कौरौ, औरौ जू मुं आरी प्यार कौरौ तैसीआरी मैरा पिता पौरमेशवर प्यार कौरौ औरौ हांव बै तैसीआरी प्यार कौरदा, औरौ आपी कै तैसी पांदी प्रकट कौरदा।”

यूहन्ना 14:28

“तुऐं शुणु, कै मोऐं तुऔं बुलो, ‘हांव जांदा लागै रौआ, औरौ तोंवारै धोरे हौजौ पाछु आन्दा।’ जै तुऐं मुं आरी प्यार कौरौ, तौ इयौं बातौ लैई खुश हौंदै, कै हांव पिता पौरमेशवर कै धोरे जांदा लागै रौआ जिथुखै पिता पौरमेशवर मुं दा बौड़ा औसौ।”

यूहन्ना 2:5

पौरौ तैसकी माँए सेवको खै बौल़ौ, “जू किछै सै तुऔं खै बौल़ौ सैजौई कौरेया।”

याकूब 2:23

औरौ पवित्र शास्त्र का ऐजा वचन पूरा हौआ, “अब्राहमै पौरमेशवर पांदी बिशवाश कौरा, औरौ तैसीकै बिशवाश कै दवारा पौरमेशवरे तैसी धरमी आदमी माना।” औरौ सै पौरमेशवर का दोस्त माना गौआ।

1 यूहन्ना 5:3

पौरमेशवर आरी प्यार कौरणौ का मतलब ऐजा औसौ कै आमु तैसकी आज्ञाओं खै मानु, औरौ तैसकी आज्ञाओं का पालन कौरणा चैईथा ना आथी।