यूहन्ना 15:10 - सिरमौरी नौवाँ नियम

¹⁰ जै तुऐं मैरी आज्ञा कै मानलै, तौ मैरै प्यार दै बौणैयौंदे रौलै, जैशैकै मोऐं आपणै पिता पौरमेशवर की आज्ञा का पालन कौरे राए, औरौ तैसकै प्यार दा बोणेयोंदा रौंऊ।

Sirmouri

¹⁰ जे तुँऐं मेरे प्यार दे पाक्कै बंणें अंदे रंह्ले, तअ तुऐं मेरी अज्ञाँयों का पाल़्ण कर्ले; जेष्णाँ हाँव आप्णें बाबा की अज्ञाँयों का पाल़्ण करदा आऐ रूवा, अरह् तिनके प्यार दा पाक्का बंणाँ अंदा रंह्ऐ रूवा।

यूहन्ना 15:10 ပူးပေါင်းရင်းမြစ်များ

यूहन्ना 10:18

कुणिए बै मैरै जिन्दगी मुंआदे छिणै ना सौकौ, पौरौ हांव तियौं आपी ही दियु। मुखै तियौं दैणौ का औधिकार औसौ औरौ तियौं लोणो का बै औधिकार औसौ। जिथुकै ऐजै आज्ञा मुखै मैरै पिता पौरमेशवर कैईंदै भैटी रौए।”

यूहन्ना 12:49

जिथुकै मोऐं खुद आपणै औधिकार शै आपणी औरौ शी बातौ ना कौरी, पौरौ पिता पौरमेशवरे जैणै मुखै भैजै राए तैणैई मुखै आज्ञा दैय राए, कै का-का बौतौऊं, औरौ का-का सौमझौऊं।

यूहन्ना 14:15

“जै तुऐं मुं आरी प्यार कौरौ, तौ मैरी आज्ञा कै मानदै।

यूहन्ना 14:21

जू मैरी आज्ञा खै जाणौए, औरौ सै तिनु मानौए, सैजाई मुं आरी प्यार कौरौ, औरौ जू मुं आरी प्यार कौरौ तैसीआरी मैरा पिता पौरमेशवर प्यार कौरौ औरौ हांव बै तैसीआरी प्यार कौरदा, औरौ आपी कै तैसी पांदी प्रकट कौरदा।”

यूहन्ना 14:23

यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

यूहन्ना 14:31

हांव तैशैकैई कौरु जैशैकै मैरै पिता पौरमेशवरे मुखै आज्ञा दै, ताकि दुनिया कै लोगौ खै पौता चालौ कै हांव पिता पौरमेशवर आरी प्यार कौरु। बीजौ, इथै दै आमु ऐबै हांडुबै।

यूहन्ना 17:4

जू काम तुऐं मुखै कौरणौ कै दैय राए थिया, तैसी काम कै पूरा कौरेयौ मोऐं दुनिया पांदी तैरै महिमा कौरे राए।

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

यूहन्ना 8:29

मैरा भैजणौवाल़ा मैरै साथै औसौ, तैणै मुखै इकली ना छोड़े रैई जिथुखै हांव हमैशा सैजाई काम कौरु, जिथलैई सै खुश हौंव।”

यूहन्ना 8:55

तुऐं तौ तैसी ना जाणौ: पौरौ हांव तैसी जाणुए। जै हांव तैसी बुलू, कै हांव ताखै ना जाणु, तौ हांव तुऔं साए झूठा ठोरदा। पौरौ हांव तैसी जाणुए औरौ तैसकै आज्ञा मानुए।

1 कुरिन्थियों 7:19

कोसी का खतना हौए रौआ या ना हौए रैई इथलैई कुणजाई फर्क ना पौड़ौ पौरौ पौरमेशवर कै आज्ञाओं खै मानणा बैजाए जौरुरी औसौ।

1 थिस्सलुनीकियों 4:1

ओए रै मैरै बिशवाशी भाईयों आखरी दी आमै प्रभु यीशु मसीह कै नांव दै मोजबूती शै तुंआदै बिन्ती कौरु कै ऐशणा जीवन जियौ, जू पौरमेशवर कै खुश कौरौ, जैशै आमुए तुऔं शिखाए राए। तुऐं आगै दै ही ऐशैखै जियौंए, औरौ आमु तुऔं ऐशै कौरदै रौणौ कारिए हौजौ बै मौदद कौरदै।

इब्रानियों 7:26

यीशु तैशणा महायहूदी पुरोहित औसौ जैसकी आमु जौरुरत औसौ। सै पवित्र औसौ, औरौ बिना पापवाल़ा, शुध्द, औरौ पापियों कै प्रभाव शै दूर रौंव, औरौ तैसी स्वर्ग दा बै ऊबा उठाए राए।

2 पतरस 2:21

मैरा मतलब ऐजा औसौ, जिथुकै पौरमेशवर तिनु लोगौ खै जादा सौजा दैन्दा जू मसीह खै छोड़े दैंव बजाय तिनकै जिनुवै तैसी कौलोंई ना औपनेई। तिनु कारिए बड़िया हौन्दौ जै सै कौलोंई ऐजौ जाणदै ही नी कै आपणै जीवन कै धरमी तरीकै शै चलाणौ का, का मतलब हौंव। ऐबै सै जाणौए कै सोही का औसौ पौरौ तिनुऐ पौरमेशवर की आज्ञाओं खै ना औपनेई जू आमुए तिनु दैय रैई थी।

1 यूहन्ना 2:3

जै आमु पौरमेशवर कै आज्ञाओं खै मानुए, तौ तेसीयांदा ही आमु पौता चालदा कै आमु तैसीखै जाणुए।

1 यूहन्ना 2:5

पौरौ जू कुणिए पौरमेशवर कै वचन खै मानौए, तैसदा साची पौरमेशवर का प्यार सिध्द हौए रौआ। ऐशैखै ही आमु पौता चालौ कै आमै पौरमेशवर कै साथै बौणैयौंदे रौंव।

1 यूहन्ना 2:6

जू कुणिए ऐजौ बौल़ौ कै हांव पौरमेशवर कै साथै बौणेयौंदा औसौ तौ सै आपी बै तैशैखै ही जियौं जैशै यीशु मसीह जियौं थिया।

1 यूहन्ना 5:3

पौरमेशवर आरी प्यार कौरणौ का मतलब ऐजा औसौ कै आमु तैसकी आज्ञाओं खै मानु, औरौ तैसकी आज्ञाओं का पालन कौरणा चैईथा ना आथी।

प्रकाशितवाक्य 22:14

धन्‍य औसौ सैजै, जिनुवै आपणै लुस्कै कै मेम्ने कै लोऊ लैई धोए राए, औरौ इथकारिए तिनु शहर दा फाटको मुंजीदै हौयौ जाणौ का औरौ जीवन कै डाल़ो शै फल़ खाणौ का अधिकार हौंदा।