यूहन्ना 14:28 - सिरमौरी नौवाँ नियम

²⁸ “तुऐं शुणु, कै मोऐं तुऔं बुलो, ‘हांव जांदा लागै रौआ, औरौ तोंवारै धोरे हौजौ पाछु आन्दा।’ जै तुऐं मुं आरी प्यार कौरौ, तौ इयौं बातौ लैई खुश हौंदै, कै हांव पिता पौरमेशवर कै धोरे जांदा लागै रौआ जिथुखै पिता पौरमेशवर मुं दा बौड़ा औसौ।”

Sirmouri

²⁸ तुँऐं मुँह ऐजो बुल्दे शुँणा, के ‘हाँव ज़ादा लागा, अरह् हजो पाछु तुओं कैई आऊँबा।’ जे तुँऐं मुँह आरी प्यार कर्दे, तअ ईयों बातो शुँणियों बैजाऐ खुशी हंदे; किन्देंखे के हाँव बाबा कैई ज़ाँदा लागा, जुण्जे के मुँह शे बैजाऐ महाँन बड़े असो।

यूहन्ना 14:28 ပူးပေါင်းရင်းမြစ်များ

मत्ती 12:18

“दैखौ, ऐजा मैरा सेवक औसौ, जैसीखै मोऐं चोणे राए, मैरा प्यारा, जैसी शै मैरा मन खुशी औसौ: हांव आपणा पवित्र आत्मा तैसी पांदी पोऊंबा औरौ सै सौबी बैगानै यहूदी लोगौ खै न्याय का समाचार प्रचार कौरदा।

यूहन्ना 10:38

पौरौ जै हांव कौरुए, तौ चाहै मैरा बिशवाश ना बै कौरौ, पौरौ तिनु कामौ पांदी बिशवाश कौरौ, तोबै तुऔं पौता चालदा औरौ तुऐं जाणदै कै हांव पौरमेशवर दा रौंऊ।”

यूहन्ना 13:16

हांव तुऔं कै साचौ-साचौ बुलू, नोकर आपणै मालिक दा बौड़ा ना आथी; औरौ ना सौंदेश लोयो भेजेयोंदा चैला आपणै भेजणोवाल़ो शै बौड़ा ना हौंव।

यूहन्ना 14:12

“हांव तुऔं खै साचौ-साचौ बुलू, कै जू मुं पांदी बिशवाश राखौ, ऐजै काम जू हांव कौरु सैजै बै कौरदै, बल्कि इदै बै बौड़ै काम कौरदै, जिथु हांव पिता पौरमेशवर कै धोरे जांदा लागै रौआ।

यूहन्ना 14:18

“हांव तुऔं कै निमाएड़े ना छोड़दा, हांव तोंवारै धोरे पाछु आन्‍दा।

यूहन्ना 16:7

हौजौ बै हांव तुऔं साचौ बुलू, कै मैरौ जाणौ तुऔं कारिए आछौ औसौ, जिथुकै जै हांव ना जोऊं, तौ सैजा हौंसला दैणौवाल़ा, तोंवारै धोरे ना आन्दा, पौरौ जै हांव जोऊं, तौ तैसी तोंवारै धोरे भैजै दैंदा।

यूहन्ना 20:17

यीशुए तियौं बौल़ौ, मैरै लातो पांदी पौड़ेयौ नी रू, जिथुकै हांव इबी तौड़ी पिता पौरमेशवर कै धोरे पाछु ना हौटै रैई, पौरौ मैरै चैलै कै धोरे जायौ कै तिनु बौलदै, कै हांव आपणै पिता औरौ तोंवारै पिता, औरौ आपणै पौरमेशवर औरौ तोंवारै पौरमेशवर कै धोरे पाछु चालै रौआ।

यूहन्ना 20:21

यीशुए तिनुखै हौजौ बौल़ौ, तुऔं शान्तै भैटौ; जैशैखै मैरै पिता पौरमेशवरे मुखै दुनिया पांदी भैजै राए ऐशैकैई मोऐं बै तुऔं दुनिया पांदी भैजै लोऐ।

यूहन्ना 5:18

यीशु कै ऐशै बौलणौ कै बौजैह शै यहूदी नेता यीशु खै मारणौ कै कौचिश कौरदै लागै, कै सै ना सिरफ विशांव कै दूसौ कै नियम खै तौड़ौ, पौरौ पौरमेशवर खै आपणा पिता बौलेबा, आपी खै पौरमेशवर जैशणा बौणौ।

यूहन्ना 7:33

इथपांदी यीशुए बौल़ौ, “हांव दैणिक देर तौड़ी औरौ तोंवारै साथै औसौ तिथकै बाद हांव आपणै भैजणैवाल़ै पौरमेशवर कै धोरे पाछु हौटै जांदा।

1 कुरिन्थियों 11:3

पौरौ हांव चोऊं कै तुऐं सौबै बातौ जाणै पाव कै सौबी मर्दो कौ मुंड मसीह औसौ, औरौ सौबी घोरवाल़ी कौ मुंड तियौंका घोरवाल़ा औसौ, औरौ मसीह कौ मुंड पौरमेशवर औसौ।

1 पतरस 1:8

तुऐं यीशु खै कौलोंई ना दैखै रैई, पौरौ तोबै बै तुऐं तैसीआरी प्यार कौरौ। तुऐं तैसी इबी ना दैखौ, पौरौ तुऐं तैसी पांदी बिशवाश कौरौ। इथकारिए, तुऐं आनन्द औरौ महिमा शै बैजाए खुशी हौं जिथु शोब्दो लैई ब्यान ना कौरियौ।

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”