यूहन्ना 14:23 - सिरमौरी नौवाँ नियम

²³ यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

Sirmouri

²³ प्रभू यीशू ऐ तेस्खे जबाब दिता, “जुण्जा कुँऐं मुँह आरी प्यार करला, से मेरे बचन का पाल़्ण करदा; अरह् मेरा बाबा तेसी आरी प्यार करदा, अरह् आँमें तेसी कैई आऐयों तेस्की गंईलो रंह्ऊँबे।

यूहन्ना 14:23 ပူးပေါင်းရင်းမြစ်များ

यूहन्ना 10:30

हांव औरौ पिता पौरमेशवर ऐक औसौ।”

यूहन्ना 14:15

“जै तुऐं मुं आरी प्यार कौरौ, तौ मैरी आज्ञा कै मानदै।

यूहन्ना 14:17

सै पवित्र आत्मा औसौ, जू पौरमेशवर कै बारै मुंजी सच कै प्रकट कौरौ। जिथु दुनिया कै लोग अपनाए ना सौकौ, जिथुकै सै लोग तैसी ना दैखौ औरौ ना तैसीकै जाणौ: पौरौ तुऐं तैसी जाणौए, जिथुकै सै तोंवारै साथै रौंव, औरौ सै तुऔं दा हौंदा।”

यूहन्ना 14:21

जू मैरी आज्ञा खै जाणौए, औरौ सै तिनु मानौए, सैजाई मुं आरी प्यार कौरौ, औरौ जू मुं आरी प्यार कौरौ तैसीआरी मैरा पिता पौरमेशवर प्यार कौरौ औरौ हांव बै तैसीआरी प्यार कौरदा, औरौ आपी कै तैसी पांदी प्रकट कौरदा।”

यूहन्ना 14:24

जू मुं आरी प्यार ना कौरौ, सै मैरी शिक्षा कै ना मानौ, औरौ जू बातौ तुऐं शौणै रैई, सै मैरी नी पौरौ मैरै पिता पौरमेशवर की औसौ, जैणै मुखै भैज राए।”

यूहन्ना 15:10

जै तुऐं मैरी आज्ञा कै मानलै, तौ मैरै प्यार दै बौणैयौंदे रौलै, जैशैकै मोऐं आपणै पिता पौरमेशवर की आज्ञा का पालन कौरे राए, औरौ तैसकै प्यार दा बोणेयोंदा रौंऊ।

यूहन्ना 16:27

जिथुकै पिता पौरमेशवर तौ आपी बै तुऔं आरी प्यार राखौ, इथकारिए कै तुऐं मुंआरी प्यार राख राए औरौ ऐजा बै बिशवाश कौरे राए कै हांव पिता पौरमेशवर की ढौबौशा आए रौआ।

यूहन्ना 6:56

जू मैरा शोरीर खांव औरौ मैरा लोऊ पियौं सै मुंआरी जियुंदा बौणेयौंदा रौंव। औरौ हांव तैसीआरी जियुंदा बौणेयौंदा रोऊं।

यूहन्ना 8:51

हांव तुऔं कै साचौ-साचौ बुलू, कै जै कुणिए आदमी मैरी शिक्षा पांदी चाल़ला, तौ सै सौदा तौड़ी ना मौरदा।”

यूहन्ना 8:52

यहूदी नेताए तैसीकै बौल़ौ, “ऐबै आमुए जाणै पोऊँ कै तांव दै दुष्टआत्मा औसौ। अब्राहम मौरे गौआ, औरौ पौरमेशवर कै बातौ बौताणौवाल़ा बै मौरे गौवै औरौ तू बौल़ै, ‘जै कुणिए मैरी शिक्षा पांदी हांडला तौ सै हमैशा तौड़ी ना मौरदा।’

2 कुरिन्थियों 6:16

औरौ मूर्तो का पौरमेशवर कै मन्दिरो दा कुणजाई ठाँव ना आथी। जिथुकै आमु तौ जियुंदै पौरमेशवर कै मन्दिर औसौ; जैशैखै पौरमेशवरे पवित्र शास्त्र दो बौल़ै राए, “हांव इनु लोगौ कै साथै रौंदा औरौ तिनुमुंजी हांडेया कौरदा; औरौ हांव तिनका पौरमेशवर हौंदा, औरौ ऐजै मैरै लोग हौंदै।”

इफिसियों 3:17

ताकि तैसी पांदी बिशवाश कौरणौ कै दवारा मसीह तोंवारै भीतरै हमैशा कारिए बौसै जांव। औरौ हांव प्रार्थना कौरु कै पौरमेशवर कै प्यार दै तुऐं मोजबूत हौयौ औरौ औड़ेयौंदे रौयौ,

1 यूहन्ना 2:24

जू साचा सौंदेश तुऐं तोबै शुणा जोबै तुऐं मसीह पांदी बिशवाश कौरे राए थिया, सैजाई तुऔं दा बौणेयौंदा रौंव; औरौ जै सैजा सौंदेश तुऔं दा बौणेयौंदा रौंव तौ तुऐं बै बैटै दै औरौ पिता पौरमेशवर दै बौणैयौंदे रौलै।

1 यूहन्ना 2:5

पौरौ जू कुणिए पौरमेशवर कै वचन खै मानौए, तैसदा साची पौरमेशवर का प्यार सिध्द हौए रौआ। ऐशैखै ही आमु पौता चालौ कै आमै पौरमेशवर कै साथै बौणैयौंदे रौंव।

1 यूहन्ना 4:4

ओए रै प्यारे नानड़िया, तुऐं पौरमेशवर कै लोग औसौ, औरौ तुऐं तिनु झूठै पौरमेशवर कै बातौ बौताणौवाल़ै पांदी जय पाए राए; जिथुकै जू पवित्र आत्मा तुऔं दै औसौ सै शैतान शै बौड़ै औसौ जू इयौं दुनिया कै लोगौ पांदी राज कौरौ।

1 यूहन्ना 5:3

पौरमेशवर आरी प्यार कौरणौ का मतलब ऐजा औसौ कै आमु तैसकी आज्ञाओं खै मानु, औरौ तैसकी आज्ञाओं का पालन कौरणा चैईथा ना आथी।

2 यूहन्ना 1:6

औरौ साचा प्यार ऐजाई औसौ कै जोबै आमु पौरमेशवर कै आज्ञा कै मानदै बैई काम कौरु। तैसी सौमय शै जोबै तुऐं यीशु मसीह कै मानणा शुरु कौरा तोबै शै ही तुऐं शौणै राए कै पौरमेशवरे आज्ञा दैय राए कै तुऔं सौदा ऐकी दुजैआरी प्यार कौरणा चैंई।

प्रकाशितवाक्य 21:22

मोऐं कुणजाई मन्दिर ना दैखी जिथुकै सौबिदा बौड़ा शौकतीशाली पौरमेशवर औरौ मेम्ना तैसी शहर दै औसौ। इथकारिए तिथै मन्दिर कै किछै जौरुरत ना आथी।

प्रकाशितवाक्य 21:3

तोबै मोऐं ऐक आवाज़ शौणै जू पौरमेशवर कै सिंहासन पौरैशै जोर शै आए, “दैख, ऐबै पौरमेशवर लोगौ मुंजी आपणा घोर बाणदा औरौ सै तिनकै साथै रौंदा, औरौ सै तैसकै लोग हौंदै, सै तिनु आपणै लोगौ कै रुप दै अपनांदा औरौ सै तिनकै साथै रौंदा, औरौ लोग बै तैसी आपणै पौरमेशवर कै रुप दै अपनाया कौरदै।

प्रकाशितवाक्य 22:3

जैसी कोसी आदमी या चीज़ौ पांदी पौरमेशवर का शराप औसौ सैजै शहर दै ना हौन्दै। पौरमेशवर औरौ मेम्ने का सिंहासन शहर दा हौंदा, औरौ तैसकै सेवक तैसकै सेवा कौरदै।