यूहन्ना 14:20 - सिरमौरी नौवाँ नियम

²⁰ जोबै हांव जियुंदा पाछु आन्दा, तोबै तुऐं जाणै पांदै, कै पिता पौरमेशवर मुं दा रौंव, औरौ तुऐं मुं दै रौलै औरौ हांव तुऔं दा रोऊं।

Sirmouri

²⁰ तेसी देसे तुँओं कैई ऐजा पता लागला, के हाँव आप्णें बाबा दा असो; अरह् तुऐं मुँह्दें असो, अरह् हाँव तुओं दा बसा अंदा असो।

यूहन्ना 14:20 ပူးပေါင်းရင်းမြစ်များ

यूहन्ना 10:38

पौरौ जै हांव कौरुए, तौ चाहै मैरा बिशवाश ना बै कौरौ, पौरौ तिनु कामौ पांदी बिशवाश कौरौ, तोबै तुऔं पौता चालदा औरौ तुऐं जाणदै कै हांव पौरमेशवर दा रौंऊ।”

यूहन्ना 14:10

हांव पिता पौरमेशवर दा औसौ औरौ पिता पौरमेशवर मुं दा औसौ। का तू इयौं बातौ पांदी बिशवाश ना कौरे? ऐजी बातौ जू हांव तुऔं बुलू, आपणी औरौ शी ना बुलू, पौरौ मैरा पिता मुं दा रौयौ सैजौई कौरौ जू सै चांवए।

यूहन्ना 14:11

मैरा ही बिशवाश कौरौ, कै हांव पौरमेशवर दा रौंऊ। नही तौ जू चौमत्कार कै काम मोऐं कौरे राए तिथकै बौजैह शै मुं पांदी बिशवाश कौरौ।”

यूहन्ना 16:23

तैसी सौमय जोबै हांव तुऔं हौजौ दैखुबा तुऐं मुं कैईंदु किछै ना पूछदै। हांव तुऔं कैंई साचौ-साचौ बुलू, जै तुऐं पिता पौरमेशवर कैईंदु किछै मांगलै, तौ सै मैरै चैलै हौणौ की बौजैह शै तुऔं दैन्दा।

यूहन्ना 16:26

तैसी सौमय तुऐं मैरै चैलै हौणौ की बौजैह शै मांगलै, तौ मुखै तुऔं कारिए पिता पौरमेशवर शै बिन्ती ना कौरणी पौड़दै।

यूहन्ना 17:11

ऐबै हांव दुनिया पांदी ना रौंदा, हांव तैरै धोरे आन्दा लागै रौआ, पौरौ मैरै चैलै इबी बै दुनिया पांदी औसौ। ओए रै पवित्र पिता, आपणै नांव कै शौकतै लैई तिनकै रक्षा कौर, जू तुऐं मुखै दैय राए, कै सैजै ऐक हौंव जैशै आमु ऐक औसौ।

यूहन्ना 17:26

मोऐं तिनुकै बौताए राए कै तू कुण औसौ, औरौ बौतांदा रौंदा कै जू प्यार तू मुं आरी कौरे, सैजा प्यार तिनुदा रौंव, औरौ हांव तिनुदा रौंऊ।”

यूहन्ना 17:7

ऐबै सै जाणै गौवै, कै जू किछै तुऐं मुखै दैय राए, सैजौ सौबै तैरै ढौबौशौ औसौ।

यूहन्ना 6:56

जू मैरा शोरीर खांव औरौ मैरा लोऊ पियौं सै मुंआरी जियुंदा बौणेयौंदा रौंव। औरौ हांव तैसीआरी जियुंदा बौणेयौंदा रोऊं।

रोमियों 16:7

अन्‍द्रुनीकुस औरौ यूनियास कै जू मैरै साथी यहूदी औसौ, औरौ मैरै साथै कैदी बै थिए औरौ चोणेयौंदे चैलै तिनु आछै शै जाणौए, औरौ ऐजै दुईनै जोणे मुं दै आगै मसीह दै आए गौवै थिए, नमशकार।

रोमियों 8:1

इयौं बौजैह शै ऐबै जू मसीह यीशु दै औसौ, तिनु पांदी सौजा कै आज्ञा ना आथी।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

2 कुरिन्थियों 12:2

हांव मसीह दा ऐक आदमी खै जाणु, चौऊदौ सालो हौए गोई, हांव ना जाणु कै सै तिथै आपणै शोरिरौदा थिया या सिरफ आपणै आत्मा दा ही थिया सिरफ पौरमेशवर ही जाणौ ऐशणा आदमै सौबिदा ऊंचे स्वर्ग तौड़ी ऊबा टिपा।

2 कुरिन्थियों 13:5

आपी खै पोरखौ, कै बिशवाश दै औसौए कै ना; आपी खै पोरखौ, ऐजौ दैखणौ कारिए कै तोंवारा बिशवाश साचा औसौए कै ना, का तुऐं आपणै बारै मुंजी ऐजौ ना जाणौ, कै यीशु मसीह तुऔं दा औसौए? नही तौ तुऐं बैकार निकल़ै रौवै।

2 कुरिन्थियों 5:17

इथकारिए जै कुणिए मसीह दा बिशवाश कौरौ तौ तैणै मसीह दा नौवाँ स्‍वभाव पाए राए: पुराणा स्‍वभाव बीती गौआ; औरौ दैखौ, सैजौ सौबै नौंओ हौए गौ।

2 कुरिन्थियों 5:19

यानी पौरमेशवरे सौबी लोगौ कै खातिर बाट बाणै लौए थै कै जू किछै मसीहे कौरे राए तैसकै दवारा शान्तै कायम कौरे सौकौ, औरौ लोगौ कै पापौ कै दोष तिनु पांदी ना लैई, औरौ पौरमेशवरे शान्तै कै बारै मुंजी तैसकै सौंदेश खै बांटणौ का काम आमु दैय राए।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

इफिसियों 2:10

जिथुकै आमै पौरमेशवर कै बाणैयोंदै औसौ, औरौ मसीह यीशु दै आमु कै नौवें लोगौ कै रुप दै इथकारिए बाणै राए, ताकि आमै तिनु भले काम कै कोरयो जीवन बीतांव जिनु कामौ कै पौरमेशवरे औगौड़ियौ शै आमु कारिए तैयार कौरे राए।

कुलुस्सियों 1:19

जिथुकै पिता पौरमेशवर कै खुशी इदै औसौ कै तैसकै सारै परिपूर्णता मसीह दै मौजूद रौ।

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

कुलुस्सियों 2:9

इथकारिए इनु लोगौ कै धौखै दै नी आव जिथुकै जोबै मसीह आदमै बौणा तोबै बै सै पूरी तरह शै पौरमेशवर थिया।

1 यूहन्ना 4:12

पौरमेशवर खै कौलोंई कुणिए ना दैखै रैई, जै आमै आपी मुंजी प्यार राखु, तौ पौरमेशवर आमुदा बौणेयौंदा रौंव औरौ तैसका प्यार आमुदा सिध्द हौंव।