यूहन्ना 14:13 - सिरमौरी नौवाँ नियम

¹³ औरौ जू किछै तुऐं मैरै नांव शै मांगलै, सैजौई हांव कौरदा कै मुं बैटै कै दवारा पिता की महिमा हौंव।

Sirmouri

¹³ मेरे नाँव शो तुऐ जुण्जो किऐं माँगले, हाँव सेजो पुरो करूबा; जिन्दें लई बैटे के जाँणें, बाबा के बड़ियाऐ पर्गट हों।

यूहन्ना 14:13 ပူးပေါင်းရင်းမြစ်များ

मत्ती 21:22

औरौ जू किछै तुऐं प्रार्थना मुंजी बिशवाश सै मांगलै सैजौ सौबै तुऔं खै भैटी जांदो।”

मत्ती 7:7

“पौरमेशवर शै सैजौ मांगो जियौं चीज़ौ कै तुऔं जौरुरत औसौ औरौ सै तुऔं दैला; जौले तौ तुऐं पालै औरौ जै तुऐं खोट-खोटाल़े, तौ तुऔं कारिए दवार उंडु खोले जांदो।

मरकुस 11:24

इथकारिए हांव तुऔं खै बुलू, कै जू किछै तुऐं प्रार्थना कौरेयौ मांगलै तौ बिशवाश कौरेया कै पौरमेशवरे तोंवारै बिन्ती शौणै राए, तौ सै तुऔं खै जौरुर दैला।

लूका 11:9

औरौ हांव तुऔं खै बुलू, कै पौरमेशवर शै सैजौ मांगो, जियौं चीज़ौ कै तुऔं जौरुरत औसौ औरौ सै तुऔं खै दैला; जौले तौ तुऐं पालै औरौ जै तुऐं खोट-खोटाल़े, तौ तुऔं कारिए दवार उंडु खोले जांदो।

यूहन्ना 10:30

हांव औरौ पिता पौरमेशवर ऐक औसौ।”

यूहन्ना 12:44

यीशुए भीड़ कै लोगौआरी जोर शै बौल़ौ, “जू मुं पांदी भोरोशा कौरौ, सै मुं पांदी नै पौरौ मैरै भैजणौवाल़ै पौरमेशवर पांदी बिशवाश कौरौ।

यूहन्ना 13:31

जोबै यहूदा बायरै हौटै गौआ तोबै यीशुए बौल़ौ, “ऐबै मुं आदमी कै बैटै की महिमा तैसकै हौंव, औरौ ऐजौ प्रगट हौंव कै पौरमेशवर कैतरा महान औसौ।

यूहन्ना 14:14

जै तुऐं मैरै नांव शै किछै मांगलै, तौ हांव तिथु कौरदा।”

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 15:16

तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

यूहन्ना 15:7

जै तुऐं मुं दै बौणैयौंदे रौंव, औरौ मैरी शिक्षा तुऔं मुंजी बौणेयौंदी रोली, तौ जू किछै मांगलै, तिथु हांव तुऔं दैंदाए।

यूहन्ना 16:23

तैसी सौमय जोबै हांव तुऔं हौजौ दैखुबा तुऐं मुं कैईंदु किछै ना पूछदै। हांव तुऔं कैंई साचौ-साचौ बुलू, जै तुऐं पिता पौरमेशवर कैईंदु किछै मांगलै, तौ सै मैरै चैलै हौणौ की बौजैह शै तुऔं दैन्दा।

यूहन्ना 16:26

तैसी सौमय तुऐं मैरै चैलै हौणौ की बौजैह शै मांगलै, तौ मुखै तुऔं कारिए पिता पौरमेशवर शै बिन्ती ना कौरणी पौड़दै।

यूहन्ना 16:7

हौजौ बै हांव तुऔं साचौ बुलू, कै मैरौ जाणौ तुऔं कारिए आछौ औसौ, जिथुकै जै हांव ना जोऊं, तौ सैजा हौंसला दैणौवाल़ा, तोंवारै धोरे ना आन्दा, पौरौ जै हांव जोऊं, तौ तैसी तोंवारै धोरे भैजै दैंदा।

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 5:19

इथपांदी यीशुए तिनुखै बौल़ौ, हांव तुऔं खै साचौ-साचौ बुलू, “हांव यानी पौरमेशवर का बैटा आपी किछै ना कौरे सौकु, सिरफ सैजौई जू पिता पौरमेशवर कै कौरदै बैई दैखु, जिथुकै जिनु-जिनु काम कै सै कौरौ, तिनुखै हांव बै तैशैखैई कौरु।

यूहन्ना 7:37

हौजौ तैयारो कै आखरी दूस, जू मुख्य दूस औसौ यीशु खौड़ा हौआ औरौ जोर शै बौल़ौ, “जै कुणिए तिशा औसौ तौ मैरै धोरे आव औरौ पियौ।

1 कुरिन्थियों 14:13

इयौं बौजैह शै जू जौई-जौई भाषा पांव, तौ सै प्रार्थना कौरौ, कै जू सै बौल़ौ तिथका मतलब खुद सौमझाए पांव।

इफिसियों 2:18

मसीह की बौजैह शै, आमै सौबै ऐकैई पवित्र आत्मा कै दवारा पिता कै धोरे आए सौकु।

इफिसियों 3:12

मसीह कै साथै अमारै जुड़णौ कै बौजैह शै औरौ तैसी पांदी अमारै बिशवाश की बौजैह शै, ऐबै आमु पौरमेशवर कै सामणै हिम्मत औरौ आत्मविशवास शै आए सौकु।

इफिसियों 3:14

इथकारिए हांव, पौलुस, तोंवारै खातिर पिता पौरमेशवर शै प्रार्थना कौरु।

फिलिप्पियों 4:13

मसीह जू मुखै शौकतै दैंव तैसकै मौदद शै हांव सौबै ठुँ कौरे सौकु।

कुलुस्सियों 3:17

जू किछै तुऐं बौल़ौए या कौरौए सैजौ सौबै प्रभु यीशु मसीह कै नांव लैई कौरेया कौरौ, औरौ तैसकै दवारा पौरमेशवर पिता का धन्यवाद कौरौ।

इब्रानियों 13:15

इथकारिए आओ आमै आपणै ओठो लैई पौरमेशवर कै स्तुति कौरदै रौंव। ऐजौ तैसखै खातिर अमारा बलिदान औसौ, यानी तिनु ओठो का फोल़ जू तैसकै नांव कै मानौ औरौ पौरमेशवर कै खातिर हमैशा चौढ़ाया कौरौ।

इब्रानियों 4:15

जिथुकै ऐजा महायहूदी पुरोहित, जू यीशु मसीह औसौ, अमारी हरेक कमजोरी खै सौमझौ; यानी यीशुए अमारी जैशणी हर भान्त की परीक्षा का सामणा कौरा, पौरौ तैणै कुणजाई बै पाप ना कौरी।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

याकूब 1:5

पौरौ जै तुऔं मुंजी दै कोसी कै बुध्‍दि की कमी हौंव, तौ पौरमेशवर कैईंदी मांगो, जू आमु दी बिना गौलती जौए सौबी कै बौड़ी दया शै दैंव; औरौ पौरमेशवर तुऔं कै बै दैला।

याकूब 5:16

इथकारिए तुऐं आपी मुंजी ऐकी दूजै कै सामणै आपणै-आपणै पापौ खै मानै पाव, औरौ ऐकी दूजै कारिए प्रार्थना कौरौ, जिथलैई तुऐं ठीक हौए जांव, औरौ धरमी आदमी कै प्रार्थना जादा शौकतीशाली हौंव औरौ तिथकै अनौखै नतीजै भैटौ।

1 यूहन्ना 3:22

औरौ जू किछै आमै पौरमेशवर शै मांगुए, सैजौ आमु तैसी कैईंदु भैटौए; जिथुकै आमै पौरमेशवर की आज्ञाओं खै मानुए; औरौ जू पौरमेशवर कै भाँवए आमै सैजौई कौरु।

1 यूहन्ना 5:14

आमु पौरमेशवर कै सामणै जू हिम्मत हौंव, सै ऐजी औसौ, कै जै आमु तैसकै इछा कै हिसाब शै मांगुए, तौ सै अमारी शुणौए।