यूहन्ना 14:10 - सिरमौरी नौवाँ नियम

¹⁰ हांव पिता पौरमेशवर दा औसौ औरौ पिता पौरमेशवर मुं दा औसौ। का तू इयौं बातौ पांदी बिशवाश ना कौरे? ऐजी बातौ जू हांव तुऔं बुलू, आपणी औरौ शी ना बुलू, पौरौ मैरा पिता मुं दा रौयौ सैजौई कौरौ जू सै चांवए।

Sirmouri

¹⁰ कियो तुऐ बिश्वाष कर्दे ने, के हाँव बाबा दा असो, अरह् बाबा मुँह्दा बसा अंदा असो? जुण्जे बचन हाँव तुँओं कैई बुलू, सेजे बचन हाँव आप्णी तरफ शे ने बुल्दा; परह् बाबा मुँह्दा बंसा अंदा असो; अरह् से मेरे जाँणें ही आप्णा काँम-काज़ पुरा करह्।

यूहन्ना 14:10 ပူးပေါင်းရင်းမြစ်များ

यूहन्ना 10:30

हांव औरौ पिता पौरमेशवर ऐक औसौ।”

यूहन्ना 10:38

पौरौ जै हांव कौरुए, तौ चाहै मैरा बिशवाश ना बै कौरौ, पौरौ तिनु कामौ पांदी बिशवाश कौरौ, तोबै तुऔं पौता चालदा औरौ तुऐं जाणदै कै हांव पौरमेशवर दा रौंऊ।”

यूहन्ना 11:26

औरौ जू मुं पांदी बिशवाश कौरेयौ जियुंदै औसौ, सै सौदा काल़ तौड़ी ना मौरदै। का तू इयौं बातौ पांदी बिशवाश कौरे?”

यूहन्ना 12:49

जिथुकै मोऐं खुद आपणै औधिकार शै आपणी औरौ शी बातौ ना कौरी, पौरौ पिता पौरमेशवरे जैणै मुखै भैजै राए तैणैई मुखै आज्ञा दैय राए, कै का-का बौतौऊं, औरौ का-का सौमझौऊं।

यूहन्ना 14:11

मैरा ही बिशवाश कौरौ, कै हांव पौरमेशवर दा रौंऊ। नही तौ जू चौमत्कार कै काम मोऐं कौरे राए तिथकै बौजैह शै मुं पांदी बिशवाश कौरौ।”

यूहन्ना 14:20

जोबै हांव जियुंदा पाछु आन्दा, तोबै तुऐं जाणै पांदै, कै पिता पौरमेशवर मुं दा रौंव, औरौ तुऐं मुं दै रौलै औरौ हांव तुऔं दा रोऊं।

यूहन्ना 14:24

जू मुं आरी प्यार ना कौरौ, सै मैरी शिक्षा कै ना मानौ, औरौ जू बातौ तुऐं शौणै रैई, सै मैरी नी पौरौ मैरै पिता पौरमेशवर की औसौ, जैणै मुखै भैज राए।”

यूहन्ना 17:8

जिथुकै जू सौंदेश तुऐं मुखै दिया, सै मोऐं तिनुखै दिया औरौ तिनुऐ तैरै सौंदेश पांदी बिशवाश कौरा, ऐबै तिनु यकीन औसौ कै हांव तैरै ढौबौशा आए रौआ। औरौ ऐजा बिशवाश कौरे राए कै तुऐंई मुखै छाड़ा।

यूहन्ना 3:2

तैणै रातै यीशु कै धोरे आयौ बौल़ौ, “ओए रै गुरुजी, आमै जाणुए कै पौरमेशवरे ताखै आमु शिखाणौ कारिए छाड़ै राए, जिथुकै कुणिए बै इनु निशान या चौमत्कारो खै जू तू दिखाए, जै पौरमेशवर तैसकै साथै नी हौंव, तौ दिखाए ना सौकौ।”

यूहन्ना 5:17

इथपांदी यीशुए तिनुखै बौल़ौ, “मैरा पौरमेशवर जू मैरा पिता औसौ हमैशा काम कौरौ, औरौ मुखै बै काम कौरणा चैंई।”

यूहन्ना 5:19

इथपांदी यीशुए तिनुखै बौल़ौ, हांव तुऔं खै साचौ-साचौ बुलू, “हांव यानी पौरमेशवर का बैटा आपी किछै ना कौरे सौकु, सिरफ सैजौई जू पिता पौरमेशवर कै कौरदै बैई दैखु, जिथुकै जिनु-जिनु काम कै सै कौरौ, तिनुखै हांव बै तैशैखैई कौरु।

यूहन्ना 7:16

यीशुए तिनु जवाब दिया, “मैरा उपदैश मैरा आपणा ना आथी, पौरौ ऐजौ पौरमेशवर कै ढौबौशौ औसौ जैणै मुखै छाड़ै राए।

यूहन्ना 8:28

तोबै यीशुए बौल़ौ, “जोबै तुऐं मुखै आदमी कै बैटै खै क्रूसो पांदी चौढ़ाल़ै, तोबै तुऐं जाणदै कै हांव सैजाई औसौ जू शुरु शै तुऔं उपदैश दैंदा औरौ बौतांदा आए रौआ कै हांव ही औसौ, औरौ आपी शै किछै ना कौरु। पौरौ जैशै मैरै पिता पौरमेशवरे मुखै शिखाए राए ऐशैखैई हांव ऐजी सौबै बातौ बुलू।

यूहन्ना 8:38

मोऐं तुऔं खै तिनु चीज़ौ खै बौताए लोई जू मोऐं आपणै पिता पौरमेशवर धोरे दैखी रैई; औरौ तुऐं सैजौई कौरदै रौंव, जू तुऐं आपणै पिता शै शौणै राए।”

यूहन्ना 8:40

अब्राहमै जू कियु, सैजौ कौरणौ कै बजाय तुऐं मुखै मारणा चांव, जिथुकै मोऐं तुंवागै साचौ बौल़ै राए जू पौरमेशवर कैईंदु शौणै राए। पौरौ अब्राहमै कौलोंई ऐशणी चीज़ौ ना कौरी।

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

2 कुरिन्थियों 5:19

यानी पौरमेशवरे सौबी लोगौ कै खातिर बाट बाणै लौए थै कै जू किछै मसीहे कौरे राए तैसकै दवारा शान्तै कायम कौरे सौकौ, औरौ लोगौ कै पापौ कै दोष तिनु पांदी ना लैई, औरौ पौरमेशवरे शान्तै कै बारै मुंजी तैसकै सौंदेश खै बांटणौ का काम आमु दैय राए।

कुलुस्सियों 1:19

जिथुकै पिता पौरमेशवर कै खुशी इदै औसौ कै तैसकै सारै परिपूर्णता मसीह दै मौजूद रौ।

कुलुस्सियों 2:9

इथकारिए इनु लोगौ कै धौखै दै नी आव जिथुकै जोबै मसीह आदमै बौणा तोबै बै सै पूरी तरह शै पौरमेशवर थिया।

1 यूहन्ना 5:7

औरौ गवाही दैणैवाल़ै तीन औसौ;