यूहन्ना 13:9 - सिरमौरी नौवाँ नियम

⁹ शमौन पतरसे तैसीखै बौल़ौ, “ओए रै प्रभु तौ तू मैरै लात ही नी पौरौ हाथ बै औरौ मुंड बै धोए दै।”

Sirmouri

⁹ ईन्दें गाशी शमौन पतरस ऐ, प्रभू यीशू खे बुलो, “हे प्रभू! तबे तअ तुऐं मेरे लात्त ही ने, परह् मेरे हाथ अरह् मेरो मूँढ भे धुऐ पाव।”

यूहन्ना 13:9 ပူးပေါင်းရင်းမြစ်များ

मत्ती 27:24

जोबै पिलातुसे दैखौ, कै किछै बै बौणै ना रैई पौरौ इथकै उलटु रोल़ा बोड़दा ही गौआ, तोबै तैणै पाणी लैई भीड़ौ खै सामणै आपणै हाथ धोवे। औरौ बुलू, “हांव ऐसी धरमी खै लोऊ शै निर्दोष औसौ; तुऐंई जाणौ।”

यूहन्ना 13:10

यीशुए तैसीखै बौल़ौ, “ऐक आदमी जू नाहै गौआ तैसी सिरफ आपणै लातो कै धोणो कै जौरुरत औसौ; तैसका पूरा शोरीर साफ औसौ। औरौ तुऐं सौबै शुध्द औसौ, सिरफ ऐकी कै छोड़ेयौ।”

यूहन्ना 13:8

पतरसे तैसीखै बौल़ौ, “तू मैरै लात कौलोंई ना धोए पांदा!” ऐजौ शोणेयो यीशुए तैसी बौल़ौ, “जै हांव तैरै लात ना धुं, तौ मैरा तैरै साथै कुणजाई रिशता ना हौंदा।”

इब्रानियों 10:22

अमारै दिल कै मसीहे आपणै लोऊ लैई पवित्र कौरे राए ताकि आमै जाणै सौकु कै ऐबै आमु दै कुणजै गौलती ना आथी। अमारै शोरीर खै शुध्द पाणी लैई धौयौ आमु तैयार कौरे राए। इथकारिए बिशवाशी भाईयों, आमु आपणै पूरै मन औरौ ऐशणै बिशवाश कै साथै पौरमेशवर कै नेड़िक ओऊं। जू ऐबै हिली ना सौकौ

1 पतरस 3:21

औरौ पुराणै सौमय दा तिनका उध्दार ऐबै अमारै उध्दार का ऐक उदारण औसौ जोबै आमै बपतिस्मा लोऊँ। तौ जिथु पाणी मुंजी आमै बपतिस्मा लोऊँ, सै अमारै शोरीर शै मौल़ दूर ना कौरौ, पौरौ ऐजा ऐक निशान औसौ कै आमै पौरमेशवर शै माफी मांगै राए ताकि आगै खै अमारा मन पौरैशान नी रौंव। आमु माफी भैटी सौकौ जिथुकै यीशु मसीह औटेयौ मौरेयौंदे मुंजीदा जियुंदी हौए रौआ।