यूहन्ना 13:5 - सिरमौरी नौवाँ नियम

⁵ तोबै बासणौ दौ पाणी भोरेयो चैलै कै लात धोंदा लागा औरौ जैसी तौलिऐ लैई तैणै कमर बानै राए थै तिथी लैई घुशदा लागा।

Sirmouri

⁵ अरह् तिन्ऐं ऐकी परात्ती दो पाँणीं करियों आप्णें चैले के लात्त धुऐ, अरह् आप्णीं कंमरी दे बाँनें अंदे साफ़े लई ऊबाँदे लागे।

यूहन्ना 13:5 ပူးပေါင်းရင်းမြစ်များ

लूका 7:38

औरौ रुंदै बैई यीशु कै पौछौड़ियौ तैसकै लातो कै धोरे खौड़ै हौए गौए, औरौ तैसकै लातो कै आशुओं लैई धौयौ, औरौ आपणै मुंडौ कै बाल़ो लैई गुशदै लागै, औरौ तैसकै लातो पांदी बार-बार चूमियो तिथपांदी इत्र मोल़दै लागै।

लूका 7:44

औरौ तियौं बैटमाणिश कै ढौबौ फिरैयौ यीशुए शमौन कै बौल़ौ, “का तुऐं इयौं बैटमाणिश कै दैखै? हांव तैरै घोरे ओऊवा तुऐं अमारै भोवार कै हिसाब शै मुखै लात धोणो कारिए पाणी बै ना दी, पौरौ इयैं मैरै लात आपणै आशुओं लैई धोए दिए, औरौ आपणै बाल़ो शै साफ कौरे।”

यूहन्ना 13:10

यीशुए तैसीखै बौल़ौ, “ऐक आदमी जू नाहै गौआ तैसी सिरफ आपणै लातो कै धोणो कै जौरुरत औसौ; तैसका पूरा शोरीर साफ औसौ। औरौ तुऐं सौबै शुध्द औसौ, सिरफ ऐकी कै छोड़ेयौ।”

यूहन्ना 13:6

जोबै सै शमौन पतरस कै धोरे ओऊवा तोबै तैणै तैसी बौल़ौ, “ओए रै प्रभु, का तू मैरै लात धोंदा?”

यूहन्ना 13:8

पतरसे तैसीखै बौल़ौ, “तू मैरै लात कौलोंई ना धोए पांदा!” ऐजौ शोणेयो यीशुए तैसी बौल़ौ, “जै हांव तैरै लात ना धुं, तौ मैरा तैरै साथै कुणजाई रिशता ना हौंदा।”

यूहन्ना 19:34

पौरौ सैनिकौ मुंजीदा ऐकीए भाला तैसकै पसली दा घुपा, औरौ तैसी पौरैशौ तौलोंई लोऊ औरौ पाणी निकल़ौ।

प्रेरितो कै काम 22:16

ऐबै देर काए कौरे? बिज़, औरौ आपणै पापौ कै माफी पाणौ कारिए तैसका नांव लोयो खै बपतिस्मा लो।”

1 कुरिन्थियों 6:11

तुऔं मुंजीदै किछै लोग ऐशणै बै थिए पौरौ ऐबै प्रभु यीशु मसीह कै नांव लैई औरौ अमारै पौरमेशवर कै आत्मा लैई तोंवारै पापौ खै धोए राए, औरौ तुऔं पवित्र औरौ धरमी बाणै।

इफिसियों 5:26

ताकि सै कलीसिया कै पौरमेशवर कै वचन औरौ पाणी शै धौयौ शुध्द कौरेयौ पवित्र बाणै सौकौ।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

इब्रानियों 10:22

अमारै दिल कै मसीहे आपणै लोऊ लैई पवित्र कौरे राए ताकि आमै जाणै सौकु कै ऐबै आमु दै कुणजै गौलती ना आथी। अमारै शोरीर खै शुध्द पाणी लैई धौयौ आमु तैयार कौरे राए। इथकारिए बिशवाशी भाईयों, आमु आपणै पूरै मन औरौ ऐशणै बिशवाश कै साथै पौरमेशवर कै नेड़िक ओऊं। जू ऐबै हिली ना सौकौ

1 यूहन्ना 1:7

पौरौ जै आमै सैजौई कौरु जू सोही औसौ जैशैखै पौरमेशवर सिध्द औसौ औरौ पेयाशै कै जैशणा औसौ, तैशैखैई अमारा बर्ताव बै पेयाशै कै जैशणा सोही हौंव, तौ आमु ऐकी दूजै कै साथै रोऊं, औरौ तैसकै बैटै यीशु मसीह का लोऊ आमु सौबी पापौ शै शुध्द कौरौ।

1 यूहन्ना 5:6

ऐजा यीशु मसीह औसौ जैसी इयौं दुनिया दा पौरमेशवरे भैजै राए, औरौ यूहन्नाए बपतिस्मा दाताए तैसीकै पाणी मुंजी बपतिस्मा दिया, औरौ बाद मै सै लोऊ बौवायौ मौरे गौआ। सै ना सिरफ बपतिस्मा लोन्दा ओऊवा, पौरौ आपणा लोऊ बौवायौ क्रूस पांदी मौरणौ कारिए बै ओऊवा। पवित्र आत्मा बौतांव कै यीशु मसीह पौरमेशवर कै ढौबौशा आए रौआ थिया औरौ जू पवित्र आत्मा बौतांव सैजौ हमैशा साचौ औसौ।

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।

प्रकाशितवाक्य 7:14

मोऐं तैसीखै बौल़ौ, “ओए रै स्‍वामी, हांव ना जाणु पौरौ तू जाणै।” तैणै मुंकैई बौल़ौ, ऐजै सैजै लोग औसौ, जिनुवै बौड़ै कोष्ट महसूस कौरे। इनुवे आपणै लुस्कै कै मेम्ने कै लोऊ शै धोए पाए औरौ सै चिटै हौए गौवै, इथका मतलब ऐजा औसौ कै तिनकै पापौ कै मिटाए दिए गौवै।