यूहन्ना 13:34 - सिरमौरी नौवाँ नियम

³⁴ हांव तुऔं ऐक बौड़ै आज्ञा दियु, कै ऐकी दुजैआरी प्यार राखैया। ऐशैखैई जैशै मोऐं तुऔं आरी प्यार राखा, तैशैकैई तुऐं बै ऐकी दुजैआरी प्यार कौरेया।

Sirmouri

³⁴ हाँव तुँओं खे ऐक नंऐं अज्ञाँ देऊँ, के ओका ओकी शो प्यार करह्; जेष्णों मुँऐं तुँओं आरी प्यार करी थो, तेष्णों ही तुँऐं भे ओका ओकी शो प्यार करह्।

यूहन्ना 13:34 ပူးပေါင်းရင်းမြစ်များ

मत्ती 5:44

पौरौ हांव तुऔं खै ऐजौ बुलू कै आपणै बौयरीआरी प्यार कौरौ औरौ आपणै सतानेवाल़ै कारिए प्रार्थना कौरौ।

यूहन्ना 15:17

इनु बातौ की आज्ञा हांव तुऔं इथकारिए दियु कै तुऐं ऐकी दुजैआरी प्यार राखौ।”

यूहन्ना 17:21

कै सैजै सौबै ऐक हौंव, जैशै तू ओए रै पिता मुं दा औसौ, औरौ हांव तांवदा औसौ, तैशैखैई सैजै बै आमु मुंजी हौंव। इथकारिए दुनिया कै लोग बिशवाश कौरौ, कै तुऐंई मुखै भैजै राए।

रोमियों 12:10

जैशणा प्यार आपणै परिवार आरी कौरौ तैशणाई प्यार ओकीआरी बै कौरौ; आपी मुंजी आदर कौरणौ दै ऐकी दूजै शै बौढ़ेयौ चालौ।

रोमियों 13:10

प्यार, पड़ोसी कै किछै बुराई ना कौरौ, जू प्यार कौरौ, सै मूसा कै कानून कै पूरा कौरौ।

रोमियों 13:8

आमु सौबी कै सिरफ ऐकी बातौ का कर्जदार हौणौ चैंई, औरौ सैजौ ऐजौ औसौ कै आमु सौबै कै ऐकी दुजैआरी प्यार राखणा चैंई; जिथुकै जू ओकीआरी प्यार राखौ, तैणै ही मूसा कै कानून पूरै कौरे राए।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

गलातियौं 6:10

इथकारिए जिथै तौड़ी मौका भैटौ, आमु सौबी लोगौ खै साथै भोलाए कौरणी चैंई; खास तौर शै साथी बिशवाशी कै साथै।

गलातियौं 6:2

तुऐं ऐकी-दूजै कै भार खै साझा कौरौ। ऐशैखैई तुऐं सैजौई कौरदै, जू मसीह चांव कै तुऐं कौरौ।

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

कुलुस्सियों 1:4

जिथुकै आमुए शौणै राए कै तुऐं लोग मसीह यीशु पांदी बिशवाश कौरौए, औरौ सौबी पवित्र लोगौ आरी प्यार राखौ।

1 थिस्सलुनीकियों 3:12

आमै ऐजै प्रार्थना कौरु कै प्रभु ऐशै कौरौ कै, जैशैखै आमै तुऔंआरी प्यार कौरु, तैशैखैई तुऐं बै ऐकी दुजैआरी प्यार कौरौ, औरौ सौबी लोगौ कै साथै तोंवारा प्यार हौजौ बै बौढ़ौ, औरौ हमैशा बौढ़दा जांव।

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

इब्रानियों 13:1

ऐकी दूजै कै फिकर कौरदै रौव जैशै प्रभु कै चैलै खै कौरणी चैंई।

याकूब 2:8

जै तुऐं पवित्र शास्त्र कै खास नियम कै मानौए, जू बौल़ौए, “आपणै पड़ोसी आरी तैशणा प्यार कौरेया,” तौ तुऐं सोही कौरौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

2 पतरस 1:7

औरौ तुऔं ना सिरफ ऐशणै तरीकै शै जीणु चैंई जू पौरमेशवर खै खुश कौरौ पौरौ तुऔं ऐकी-दुजैआरी आपणै खुद कै परिवार कै जैशणा प्यार शै बर्ताव कौरणा चैंई। औरौ तुऔं ना सिरफ ऐकी-दूजै कै साथै आपणै खुद कै परिवार कै जैशणा प्यार कौरणा चैंई, पौरौ तुऔं सौबी लोगौआरी प्यार कौरणा चैंई।

1 यूहन्ना 3:11

जू समाचार तुऐं शुरु शै शौणै राए, सै ऐजा औसौ कै आमु ऐकी दुजैआरी प्यार कौरणा चैंई।

1 यूहन्ना 3:23

औरौ तैसकै आज्ञा ऐजी औसौ कै आमै तैसकै बैटै यीशु मसीह कै नांव पांदी बिशवाश कौरो, औरौ जैशै मसीहे आमु आज्ञा दैय राए तिथकै हिसाब शै आपी मुंजी प्यार राखौ।

1 यूहन्ना 4:21

मसीह कैईंदै आमु ऐजै आज्ञा भैटी रौए, कै जू कुणिए पौरमेशवर आरी प्यार राखौ सै आपणै बिशवाशी भाईटु आरी बै प्यार राखौ।

2 यूहन्ना 1:5

ऐबै ओए रै बोईण, हांव तांव कैईंदै बिन्ती कौरु कै आमु ऐकी दुजैआरी प्यार कौरणा चैंई। ऐजै कुणजै नोऐं आज्ञा ना आथी, पौरौ सैजै आज्ञा औसौ जियौं आमै तैसी सौमय शै जाणु जोबै आमुए मसीह कै मानणा शुरु कौरे राए थिया।