यूहन्ना 13:3 - सिरमौरी नौवाँ नियम

³ यीशु ऐजौ जाणौ थिया कै पिता पौरमेशवरे तैसी सारी चीज़ौ पांदी औधिकार दैय राए औरौ हांव पौरमेशवर कै धोरे दा आए रौआ, औरौ पौरमेश्‍वर कै धोरे पाछु जांदा लागै रौआ।

Sirmouri

³ प्रभू यीशू ऐजो जाँणो थिऐ, के बाबा ऐं सब-कुछ़ मेरे हाथों दो देऐ थुओ; अरह् ऐजो भे जाँणों थिऐ, के हाँव पंण्मिश्वर कैई शा आऐ रूवा, अरह् पाछ़ू पंण्मिश्वर कैई ज़ाँदा लागा।

यूहन्ना 13:3 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

लूका 10:22

मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”

यूहन्ना 1:18

पौरमेशवर कै कोसीए कौलोंई ना दैखै रैई, सिरफ तैसकै इकलोतै बैटै दैखी राए ‍‌जू सौथी कै पौरमेशवर औसौ, औरौ पिता पौरमेशवर कै सौबिदा नेड़िक औसौ, तैणै आमु दिखाए राए, कै पौरमेशवर कैशणा औसौ।

यूहन्ना 13:1

ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 3:13

कुणिए स्वर्गो दा ना हौटै रैई, सिरफ हांव आदमी का बैटा स्वर्ग शै धैनै आए रौआ।

यूहन्ना 3:35

पिता पौरमेशवर बैटै आरी प्यार कौरौ, औरौ तैणै सौबै चीज़ौ तैसकै हाथौ दी दैय दी।

यूहन्ना 7:29

पौरौ हांव तैसीखै जाणुए; जिथुखै हांव तैसकै औरौ शा औसौ औरौ तैणै मुखै भैज राए।”

यूहन्ना 7:33

इथपांदी यीशुए बौल़ौ, “हांव दैणिक देर तौड़ी औरौ तोंवारै साथै औसौ तिथकै बाद हांव आपणै भैजणैवाल़ै पौरमेशवर कै धोरे पाछु हौटै जांदा।

यूहन्ना 8:14

यीशुए जवाब दिया, “भले ही हांव आपणै गवाही आपी दियु, तोबै बै मैरी गवाही ठीक औसौ, जिथुखै हांव जाणुए कै हांव कुकै दा आए रौआ, औरौ कुकै जाणौ, पौरौ तुऐं ना जाणौ कै हांव कुकै दा ओऊं या कुकै जोऊं।

यूहन्ना 8:42

यीशुए तिनुकै बौल़ौ, “जै पौरमेशवर तोंवारा पिता पौरमेशवर हौंदा, तौ तुऐं मुं आरी प्यार राखदै, जिथुकै हांव पौरमेशवर कै ढौबौशा आए रौआ, हांव खुद शै ना आए रैई पौरौ तैणै ही मुखै भैजै राए।

प्रेरितो कै काम 2:36

“इथकारिए इस्राएल देश कै सौबै लोग पाकौ जाणै पाव कै पौरमेशवरे ऐसी यीशु कै जैसी तुऐं क्रूसो पांदी चौढ़ौऊवा, प्रभु बै ठैहरोऊवा औरौ मसीह बै।”

1 कुरिन्थियों 15:27

जोबै पवित्र शास्त्र बौल़ौ कै पौरमेशवर सौबै ठुँ तैसकी शौकतै कै अधीन कौरे दैंदा तौ इथमुंजी पौरमेशवर शामिल ना आथी जिथुकै ऐजा पौरमेशवर ही थिया जैणै सौबै ठुँ मसीह कै शौकतै कै अधीन कौरे राए थियु।

इब्रानियों 1:2

पौरौ इनु आखरी दूसौ दी आमुआरी आपणै बैटै यीशु मसीह कै दवारा बातौ कौरी। पौरमेशवरे आपणै बैटै कै दवारा सारी दुनिया कै बाणै औरौ तैसीखै सौबी चीज़ौ का वारिस ठैहरोऊवा।