यूहन्ना 13:23 - सिरमौरी नौवाँ नियम

²³ तैसकै चैलै मुंजीदा ऐक जैसीआरी यीशु बैजाए प्यार राखौ थिया, यीशु कै पोशो दा बौठै रौआ थिया।

Sirmouri

²³ प्रभू यीशू का ऐक चैला, जेसी आरी से बैगे प्यार करह् थिऐ; से प्रभू यीशू की छात्ति-हिकुड़े की ढबे, कुईनी अरह् घुन्डू के सहारे बऐठी रूआ थिया।

यूहन्ना 13:23 ပူးပေါင်းရင်းမြစ်များ

लूका 16:22

ऐक दूस ऐशैकै हौं कै सैजा गरीब बै मौरे गौआ, औरौ स्‍वर्गदूतै तैसी नियौ अमारै पुराणिया अब्राहम कै धोरे आदर कै ठाँव दा पोऊंचोऊवा। औरौ सैजा सैठ बै मौरा औरौ तैसी जोमीनो दा दाबी दिया।

यूहन्ना 1:18

पौरमेशवर कै कोसीए कौलोंई ना दैखै रैई, सिरफ तैसकै इकलोतै बैटै दैखी राए ‍‌जू सौथी कै पौरमेशवर औसौ, औरौ पिता पौरमेशवर कै सौबिदा नेड़िक औसौ, तैणै आमु दिखाए राए, कै पौरमेशवर कैशणा औसौ।

यूहन्ना 11:3

तोबै तैसकै दीदीए तैसीकै बैवरा दिया, “ओए रै प्रभु दैख जैसीखै तू प्यार कौरे सै बीमार औसौ।”

यूहन्ना 11:36

तोबै यहूदी लोग बौलदै लागै, “दैखौ यीशु लाजर खै कैतरा प्यार कौरौ थिया।”

यूहन्ना 11:5

यीशु मार्था औरौ तियौंकै बोईणी आरी औरौ लाजर आरी प्यार राखौ थिया।

यूहन्ना 13:24

शमौन पतरसे तैसकै चैलै कै ढौबौ इशारे कौरेयौ पूछु, “बौता, ऐणै कोसके बारै मुंजी बौल़ै लो?”

यूहन्ना 13:25

तोबै तैणै तैशैकैई यीशु कै नेड़िक जाएयो पूछु, “ओए रै प्रभु सैजा कुण औसौ?” यीशुए जवाब दिया, “जैसी हांव रोटी का टुकड़ा तरी मुंजी डुबोयो दियु, सैजाई औसौ।”

यूहन्ना 19:26

यीशुए आपणी माँ औरौ तैसी चैलै खै जैसीआरी सै प्यार राखौ थिया आपणै धोरे खौड़ै दैखैयो आपणी माँ खै बौल़ौ, ओए रै माँ, दैख, ऐजा बैटा तैरा औसौ।

यूहन्ना 20:2

तोबै सै दोऊड़ी औरौ शमौन पतरस औरौ तैसी ओकी चैलै कै धोरे जैसीआरी यीशु प्यार राखौ थिया, आयौ कै बौल़ौ, “सै प्रभु कै लाशो खै कब्रो पौरैशा गाड़ेयो लोऐ गौवै; औरौ आमुए ना जाणु कै तैसी कुकै राख राए।”

यूहन्ना 21:20

पतरसे फिरैयौ तैसी चैलै कै पाछु आन्दै दैखा जैसीआरी यीशु प्यार राखौ थिया औरौ जू खाणौ कै सौमय तैसकै पोशो दा बौठै रौआ थिया जैणै पौछै राए थियु, “ओए रै प्रभु तैरा थोमाणौवाल़ा कुण औसौ?”

यूहन्ना 21:24

जैसी चैलै ऐजौ सौबै ठुँ दैखौ, तैणै गवाही दैय राए, ताकि तुऐं बै यीशु पांदी बिशवाश कौरे सौकौ। औरौ तैसकै गवाही साची औसौ। औरौ सै जाणौए कै सै सौचाई शै बौल़ौ।

यूहन्ना 21:7

तोबै सैजा चैला जैसीआरी यीशु प्यार कौरौ थिया, पतरस कै बौल़ौ, ऐजा तौ प्रभु औसौ, शमौन पतरसे ऐजौ शोणेयो कै सै प्रभु औसौ, तौ तैणै आपणै सैजै खोटणो बाम्बै जू तैणै काम कौरदै बैई उंढे राए थिए खोले, औरौ झीलो दै फाल़ मारै।