यूहन्ना 13:13 - सिरमौरी नौवाँ नियम

¹³ तुऐं मुखै गुरु, औरौ प्रभु बौल़ौ, ठीक ही बौल़ौ, जिथुकै हांव तोंवारा गुरु औरौ प्रभु औसौ।

Sirmouri

¹³ तुँऐं मुँखे गुरू, अरह् प्रभू बुलो, ऐजो ठीक असो, किन्देंखे के ‘हाँव सेजा ही असो’।

यूहन्ना 13:13 ပူးပေါင်းရင်းမြစ်များ

मत्ती 20:28

जैशैकै हांव आदमी का बैटा ओकी कै सेवा कौरणौ कारिए इयौं दुनिया दा आए रौआ। हांव इथकारिए ना आए रैई कै औकै लोग मैरी सेवा कौरौ, हांव कैई लोगौ कै तिनकै पापौ शै छुड़ाणो कारिए मौरणौ कै आए रौआ।”

लूका 10:28

तैणै तैसी बौल़ौ, “तुऐं ठीक जोवाब दैय राए, ऐजौई कौर, तौ ताखै सौदा का जीवन भैटला।”

लूका 6:46

“जोबै तुऐं मैरौ बौलेयौंदो ना मानौ तौ काए मुखै, ‘ओए रै प्रभु, ओए रै प्रभु,’ बौल़ौ?

लूका 7:43

शमौने जोवाब दिया, “मैरै सौमझ शै सैजा, जैसका तैणै जादा कर्जा माफ कौरा।” यीशुए शमौन खै बौल़ौ, “तुऐं ठीक बौल़ौ।”

यूहन्ना 11:2

ऐजै सैजै मरियम थी जियैं बाद मै प्रभु कै लातो पांदी इत्र रितायौ खै तैसकै लातो खै आपणै बाल़ो लैई गौशै राए थिए, तियौंका भाई लाजर बीमार थिया।

यूहन्ना 11:28

ऐजौ बौलेयौ खै मार्था आपणै घोरे हौटै गौए, औरौ आपणै बोईण मरियम खै चुपकै शै बौएदैयौ बौल़ौ, “गुरु इथी औसौ, औरौ ताखै बौएदै लोए।”

यूहन्ना 11:3

तोबै तैसकै दीदीए तैसीकै बैवरा दिया, “ओए रै प्रभु दैख जैसीखै तू प्यार कौरे सै बीमार औसौ।”

1 कुरिन्थियों 12:3

इथकारिए हांव चोऊं कै तुऐं सौमझौ कै जू कुणिए पौरमेशवर कै आत्मा कै अगुवाई लैई बौल़ौ, सै ना बौल़ौ कै यीशु शरापित औसौ; सिरफ पवित्र आत्मा ही औसौ जू कोसी कै बै बौलणौ कारिए काबिल बाणै सौकौ, कै यीशु प्रभु औसौ।

इफिसियों 6:9

ऐशैखैई ओए रै मालिक, तुऐं बै तिनु धमकियां नी दैंव पौरौ आपणै दास कै प्रति आछै बौणौ। जिथुकै तुऐं जाणौए, कै तिनका औरौ तोंवारा दुईनै का मालिक स्वर्ग दा औसौ, औरौ सै कोसी का पक्ष ना कौरौ।

फिलिप्पियों 2:11

औरौ पौरमेशवर पिता कै महिमा कारिए सौबै लोग अंगीकार कौरे पाव कै यीशु मसीह ही प्रभु औसौ।

फिलिप्पियों 3:8

जिथुकै हांव मसीह यीशु प्रभु कै जाणणा चोऊं जू बाकी सौबी चीज़ौ शै कीमती औसौ औरौ हांव सौबी चीज़ौ कै बैकार सौमझु। जिथकै बौजैह शै मोऐं सौबी चीज़ौ कै छोड़े दी औरौ तिनु साट कोबाड़ सौमझु ताकि हांव मसीह कै जादा जाणै पोऊँ।

याकूब 2:19

ताखै बिशवाश औसौ कै ऐकैई पौरमेशवर औसौ; तू आछौ कौरे, दुष्टआत्मा बै ऐशणा बिशवाश राखौ, औरौ कामणैयौ डौरौए।