यूहन्ना 12:43 - सिरमौरी नौवाँ नियम

⁴³ जिथुकै तिनुकै पौरमेशवर कै तारीफ शै आदमी कै तारीफ जादा प्यारे लागै।

Sirmouri

⁴³ किन्देंखे के तिनके पंण्मिश्वर की आदर-ईज्त्त शी जादा, आदमी के आदर-ईज्त्त प्यारी लागो थी।

यूहन्ना 12:43 ပူးပေါင်းရင်းမြစ်များ

मत्ती 6:2

इथकारिए जौल़ौ तू दान कौरे, तौ बौड़ा दिखावा नै कौरेया, जैशैखै कपटै लोग, यहूदी सभा-घोरो औरौ बाटो पुंडा कौरौ, ताकि लोग तिनकै बौड़ाए कौरौ। हांव तुऔं खै साचौ बुलू कै तिनुऐ आपणा इनाम पाए पा।

लूका 16:15

यीशुए तिनु बौल़ौ, “तुऐं तौ आपी खै लोगौ कै सामणै सोही दिखांव, पौरौ पौरमेशवर तोंवारै मनो कै जाणौए, जिथुकै जू बुरी चीज़ौ आदमी कै नोजरी दी खास औसौ, सैजी पौरमेशवर कै सामणै बैकार औसौ।”

लूका 19:17

मालिकै तैसी बौल़ौ, ‘बौहुत बोड़िया, मैरै बिशवाश लायक नोकर तू नानड़ी-नानड़ी बातौ दा ईमानदार निकल़ा, ऐबै हांव ताखै दस नोगरो का औधिकार दैन्‍दा।’

यूहन्ना 12:26

जै कुणिए मैरी सेवा कौरणै चांव, तौ आगै तैसी मैरा चैला बौणणौ चैंई, औरौ जिथै हांव औसौ तिथै मैरा सेवक बै हौला; औरौ जू कुणिए मैरी सेवा कौरला तौ पिता पौरमेशवर बै तैसकै इज्जत कौरदा।

यूहन्ना 5:41

हांव आदमी कै तारीफ कै आश ना राखु।

यूहन्ना 5:44

तुऐं मुं पांदी बिशवाश ना कौरे सौकौ, जिथुकै तुऐं ऐकी दूजै शै तारीफ पाणै चांव, औरौ तुऐं तियौं तारीफ कै पाणौ कै कौचिश ना कौरौ जू सिरफ ऐकैई पौरमेशवर दैंव।

यूहन्ना 7:18

जू आपणै ढौबौ शो किछै बौल़ौ, सै आपणै तारीफ चांव, पौरौ जू आपणै भैजणौवाल़ै खै तारीफ चांव सैजाई भोरोशे कै लायक औसौ। औरौ तैसदी कुणजी बैईमानी ना आथी।

यूहन्ना 8:54

यीशुए जवाब दिया, “जै हांव आपी आपणै तारीफ कौरु, तौ मैरी किछै तारीफ ना आथी, जू मैरै तारीफ कौरौ, सै मैरा पिता औसौ, औरौ तुऐं बौल़ौ, कै सै तोंवारा पौरमेशवर औसौ।

रोमियों 2:29

ऐक साचा यहूदी आदमी सैजा औसौ जैसका मन पौरमेशवर कै साथै सोही औसौ। औरौ साचा खतना सिरफ मूसा कै कानून का पालन कौरणा ना आथी; पौरौ, ऐजा मन का बदलाव औसौ, जू पौरमेशवर कै आत्मा कै दवारा हौंव। ऐशणा आदमी लोगौ शै नी, पौरौ पौरमेशवर शै तारीफ पांव।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

1 कुरिन्थियों 4:5

इथकारिए जांव तौड़ी प्रभु ना आंव, तांव तौड़ी कोसी का न्याय ना कौरौ: सै सीधै तरीकै शै तिनु सौबी विचारो खै बौतांदा जू लोगौ कै धोरे औसौ जिथकै बारै मुंजी ओका कुणिए ना जाणौ। सै तिनु मकसदो खै प्रकट कौरदा जू तिनकै दिलो दै औसौ। तोबै पौरमेशवर कै ढौबौशै हरेक आदमी कै तारीफ हौन्दै।

2 कुरिन्थियों 10:18

जिथुकै जू आपणै बौढ़ाए कौरौ, सैजौ नी, पौरौ जैसकै बौढ़ाए प्रभु कौरौ, सैजाई प्रभु कै नज़र दा आछा औसौ।

1 थिस्सलुनीकियों 2:6

जौबेकै आमै मसीह कै चोणेयौंदे चैलै हौणौ कै बौजैह शै तुऔं कैईंदै मौदद पाणौ कै हकदार थिए। तोबै बै आमै आदमियों कैईंदा आदर ना चांव थिए, औरौ ना तुऔं कैईंदु, ना ओकी कैईंदु।

1 पतरस 3:4

पौरौ तुऔं भीतरो शै आणौवाल़ै नम्र औरौ शान्त बर्ताव कै सुन्दरता लैई आपी कै सुन्दर बौणणौ चैंई। ऐजी सुन्दरता कौलोंई ना मिटौ, औरौ पौरमेशवर कै नज़र दै बैजाए कीमती औसौ।