यूहन्ना 12:32 - सिरमौरी नौवाँ नियम

³² औरौ हांव इयौं धरती पांदी दा ऊंचे पांदी चौढ़ाए जांदा, औरौ सौबी खै आपणै धोरे लांदा।”

Sirmouri

³² अरह् जबे मुँह, धर्ती गाच्छ़ा ऊबा थागला, तअ तबे हाँव बादे लोग आपू कैई खीचियों आँणू बा।”

यूहन्ना 12:32 ပူးပေါင်းရင်းမြစ်များ

यूहन्ना 1:7

सै पेयाशै कै बारै मुंजी बौताणौ कारिए ओऊवा, ताकि सौबै लोग तैसी पेयाशै दा बिशवाश कौरौ।

यूहन्ना 12:34

तिथपांदी लोग बौलदै लागै, “कै आमुए पवित्र शास्त्र दै ऐजी बातौ शुणी, कै मसीह सौदा जियुंदी रौंदा, तौ तुऐं काए बौल़ौ, कै आदमी कै बैटै कै ऊंचे पांदी चौढ़ाए जाणा जौरुरी औसौ? ऐ‍‍‍‍‍जा आदमी का बैटा कुण औसौ।

यूहन्ना 18:32

ऐजौ इथकारिए हौंव, कै यीशु की सैजी बातौ पूरी हौं जू तैणै इशारे दैयौ खै बुली थी, कै तैसकै मौत कैशैखै हौंदै।

यूहन्ना 19:17

तोबै सैनिक यीशु खै लोऐ गौवै। औरौ तिनुऐ तैसलैई आपणौ क्रूस आपी टिपोऊ औरौ तैसी यरूशलेम शहर शै बायरै जिथु खोपड़ी कै जौगैह बौल़ौ तियौं जौगैह पांदी लोए गौवै, जिथु इब्रानी भाषा दो “गुलगुता” बौल़ौ।

यूहन्ना 3:14

औरौ जैशैखै मूसाए शुनशान जौगैह दा पितलो कै शोंगोऊं कै खोम्बे पांदी चौढ़ौऊवा, तैशैखैई जौरुरी औसौ कै हांव आदमी का बैटा बै क्रूसो पांदी चौढ़ाया जोऊं।

यूहन्ना 6:44

कुणिए बै मैरै धोरे तांव तौड़ी ना आए सौकौ जांव तौड़ी मैरै भैजणौवाल़ा पिता पौरमेशवर, तैसी आपणै ढौबौ खैची ना दैंव; औरौ हांव तिनुकै आखरी दूसै हौजौ जियुंदी कौरु।

यूहन्ना 8:28

तोबै यीशुए बौल़ौ, “जोबै तुऐं मुखै आदमी कै बैटै खै क्रूसो पांदी चौढ़ाल़ै, तोबै तुऐं जाणदै कै हांव सैजाई औसौ जू शुरु शै तुऔं उपदैश दैंदा औरौ बौतांदा आए रौआ कै हांव ही औसौ, औरौ आपी शै किछै ना कौरु। पौरौ जैशै मैरै पिता पौरमेशवरे मुखै शिखाए राए ऐशैखैई हांव ऐजी सौबै बातौ बुलू।

गलातियौं 3:13

मसीह अमारै बौजैह शै क्रूसो पांदी मौरा तौ तैणै शराप खै आपी पांदी लोयो आमु मूसा कै कानून कै शराप शै बौचाए राए। जिथुकै पवित्र शास्त्र दो लैखै राए कै, “शरापित औसौ सै जू क्रूसो पांदी मारै दिया जाला।”

1 तीमुथियुस 2:6

मसीहे पाप औरौ मौत कै शौकतै शै सौबी लोगौ खै आज़ाद कौरणौ कारिए आपी खै बलिदान कौरा। तैसकै मौत कै दवारा, पौरमेशवरे सोही सौमय पांदी सबूत दिया कै सै सौबी लोगौ खै बौचाणा चांव।

इब्रानियों 2:9

पौरौ साचौ ऐजौ औसौ कै दैणिक सौमय कारिए, यीशु का दर्जा स्‍वर्गदूतौ कै तुलना दा कम कौरे राए। ताकि पौरमेशवर कै अनुग्रह शै यीशु मसीह सौबी लोगौ कै खातिर मौरे जांव। औरौ जिथुकै यीशुए दुख सोऊवा औरौ मौरे गौआ, पौरमेशवरे तैसी महिमा औरौ आदर दिया।

1 पतरस 2:24

जोबै मसीह मौरा, तौ अमारै पापौ कै बौजैह शै क्रूस पांदी तैसकै शोरीर खै सौजा दै। तैणै ऐशै इथकारिए कौरौ ताकि आमु पाप कौरणा बंद कौरे दियु औरौ धरमी जीवन जिणा शुरु कौरे दियु औरौ तिनु जख्मौ कै बौजैह शै जू मसीहे झैलै, आमै आत्मा, प्राण औरौ शोरीर दै ठीक हौए गौवै।

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।

1 यूहन्ना 2:2

सैजाई अमारै पापौ खै माफ कौरणौ कारिए बलिदान हौए गौआ औरौ सिरफ आमु कारिए ही नी पौरौ सारै दुनिया कै लोगौ खै पापौ कै माफी कारिए बलिदान हौए गौआ।

प्रकाशितवाक्य 5:9

तिनिए ऐजौ गीत मेम्ने यानी यीशु मसीह कै बारै मुंजी गाए लो थियु, “तू इयौं किताब कै मोहरो खै तौड़णौ औरौ इयौं खौलणौ का औधिकार राखै।” तिनुऐ ताखै बलिदान कौरे राए थिया औरौ तैरै लोऊए जू क्रूसो पांदी बौवाए राए, लोगौ खै छुड़ाए दियै ताकि सै पौरमेशवर शै सौमबंधित लोग बौणै जांव। ऐजै लोग सौब गोत्रो, सौब भाषाओं, सौब ठाँव औरौ सौब राज्यो शै औसौ।