यूहन्ना 12:16 - सिरमौरी नौवाँ नियम

¹⁶ यीशु कै चैलै ऐजी बातौ आगै ना सौमझै रैई थी; पौरौ जोबै यीशु की महिमा प्रकट हौए, तौ तिनकै याद ओऊ कै जू किछै बै यीशु कै साथै हौंव सैजौ ठीक तैशैकैई ही थियु जू पवित्र शास्त्र दो लैखै राए थियु।

Sirmouri

¹⁶ तिनके चैले तेख्णों तअ ऐजो संह्म्झी ने रंई थी, परह् जबे प्रभू यीशू के बड़ियाऐ हंदे देखी, तअ तिनके ऐजो सब च़ीत्ते आव; के पबित्र-ग्रन्थों दो ऐजो सब-कुछ़ तिन हीं के बारे दो लिखो गुओं थियों; अरह् लोगो की तियों बड़ी भीड़ ऐ सब-कुछ़ बचन के मुँताबिक ही कोरो थियों।

यूहन्ना 12:16 ပူးပေါင်းရင်းမြစ်များ

मरकुस 16:19

चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।

मरकुस 9:32

पौरौ ऐजी बात चैलै कै सौमझ दी ना ऐई, औरौ सै तैसी कैईंदु पूछणो शै डौरौ थिए।

लूका 18:34

पौरौ तिनुऐ इनु बातौ मुंजी दी ऐक बै बात नी सौमझी औरौ ऐजै बात तिनुवांदै छिपैयौंदे रौए, औरौ जू बौल राए थियु, सै तिनकै सौमझ मै ना ऐई।

लूका 24:25

तोबै तैणै दु चैलै खै बौल़ौ, “ओए रै मूर्ख नालायक लोगौ! जू किछै पौरमेशवर कै बातौ बौताणौवाल़ै पवित्र शास्त्र दो लैखै राए, तुऔं लोगौ कै तिथ पांदी बिशवाश कौरणा कैतरा मुशकिल लागौ।

लूका 24:45

तोबै तैणै पवित्र शास्त्र सौमझाणौ कारिए तिनकै मौदद कौरे।

लूका 9:45

पौरौ सै इनु बातौ कै सौमझौ नै थिए, औरौ ऐजी बातो तिनुआदी छिपीयोंदी रोई; कै सै तैसी जाणै नी पाव; औरौ सै इनु बातौ कै बारै मुंजी तैसी कैईंदु पूछणो शै डौरौ थिए।

यूहन्ना 12:23

इथपांदी यीशुए तिनुखै बौल़ौ, “कै सैजा सौमय आए गौआ, कै मुं आदमी कै बैटै कै महिमा हौंव।”

यूहन्ना 14:26

पौरौ हौंसला दैणौवाल़ा, यानी पवित्र आत्मा जैसी पिता मैरै नांव शै भेजला, सै तुऔं सौबै बातौ शिखाला, औरौ जू किछै मोऐं तुऔं बौल़ै राए, सै सौबै तुऔं याद कौरांदा।”

यूहन्ना 16:4

पौरौ मोऐं तुऔं ऐजी बातौ इथकारिए बुली, कै जोबै इनु बातौ का पूरै हौणौ का सौमय आला, तौ तुऔं याद आए जांदो, कै मोऐं तुऔं आगैई बौताए दियु थियु। मोऐं शुरुआत शै ऐजी बातौ इथकारिए ना बुली जिथुकै हांव तोंवारै साथै ही थिया।”

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

यूहन्ना 2:22

हौजौ जोबै सै मौरणौ कै बाद जियुंदा हौआ, तौ तैसकै चैलै खै याद ओऊं कै तैणै ऐजौ बौल़ै राए थियु, औरौ तिनुऐ पवित्र शास्त्र पांदी जू मसीह कै मौरेयौंदे मुंजीदै जियुंदी हौणौ कै बारै मुंजी बौतांव, औरौ जू यीशुए बौल़ै राए थियु, तिथ पांदी बिशवाश कौरा।

यूहन्ना 7:39

यीशुए ऐजै बात बौल़ै, तौ सै पवित्र आत्मा कै बारै मुंजी बौल़ै लोए थी, जू तैसी पांदी बिशवाश कौरौ सै पवित्र आत्मा कै पाणौ वाल़ै थिए; पवित्र आत्मा इबी तौड़ी ना उतरे रैई थी। जिथुखै पौरमेशवरे इबी तौड़ी यीशु कै महिमा कै प्रकट ना कौरे रैई थी।

प्रेरितो कै काम 2:33

ऐबै सै स्वर्ग दा पौरमेशवर कै सोऐं हाथौ कै सौबी दै बौड़ै इज्जत वाल़ै ठाँव पांदी बौठेयौंदा औसौ। औरौ पिताए जैशै तैणै वादा कौरे राए थिया, तैसीखै पवित्र आत्मा दै औरौ तैणै पवित्र आत्मा आमु दै, जैसी ऐलो तुऐं दैखौ औरौ शुणौए।

प्रेरितो कै काम 2:36

“इथकारिए इस्राएल देश कै सौबै लोग पाकौ जाणै पाव कै पौरमेशवरे ऐसी यीशु कै जैसी तुऐं क्रूसो पांदी चौढ़ौऊवा, प्रभु बै ठैहरोऊवा औरौ मसीह बै।”

प्रेरितो कै काम 3:13

अब्राहम, इसहाक औरौ याकूब का पौरमेशवर, अमारै पुराणिया कै पौरमेशवरे आपणै सेवक यीशु की महिमा कौरे, पौरौ तुऐं तैसी मारणौ कारिए यहूदी नेताओं कै हाथौ दा थोम्बाए दिया, औरौ जोबै राज्यपाल पिलातुसे तैसी छोड़े दैणौ का विचार कौरा, तोबै तुऐं तैसकै सामणै यीशु कै बैज्जती कौरे।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 8:1

ऐबै जू बातौ आमै बौल़ै रैई, तिनुमुंजी दै सौबी दी बौड़ै बात ऐजै औसौ, कै आमुकैंई निशोंक हौयौ ऐशणा महायहूदी पुरोहित औसौ, जू ऐबै बै स्वर्ग पांदी सौबीदै बौड़ै पौरमेशवर कै सिंहासन कै सोऐं ढौबौ बौठेयौंदा औसौ।