यूहन्ना 11:52 - सिरमौरी नौवाँ नियम

⁵² पौरौ सिरफ तिनु कारिए ना मौरदा। सै पौरमेशवर कै ओकी संतान कारिए बै मौरदा जू इयौं दुनिया पांदी बिखरेयोंदे औसौ, ताकि तिनु कौठै कौरे सौकौ।

Sirmouri

⁵² ऐ सिर्फ यहूदी जात्ति खे ने, परह् ईन्देंखे भे के से खिदर-बिदर हंऐ अंदी; पंण्मिश्वर के अलाद कंट्ठी करह्।

यूहन्ना 11:52 ပူးပေါင်းရင်းမြစ်များ

लूका 15:8

“यीशुए लोगौ कै ऐक उदारण दिया, जै कोसी बैटमाणिश कैंई दस चांदी कै सिक्‍कै हौंव औरौ तियांरा ऐक सिका हाँईची जांव, तौ सै दिवा बाल़ेयौ, औरौ घोरो पुंडा झाड़ू लांव औरौ तांव तौड़ी ध्यान शै जोन्दै रौंव जांव तौड़ी सैजा सिका भैटी नी जांव।

लूका 2:32

कै सै बैगानै यहूदी कै सोचाई बौताणौ कारिए पौरमेशवर को ऐक पेयाशो औसौ, औरौ इस्राएल देश कै लोगौ कै महिमा हौंव जू तैरै आपणै औसौ।”

यूहन्ना 1:12

पौरौ जैतरै लोगै तैसी अपनोऊवा, तैणै तिनु पौरमेशवर कै सन्‍तान हौणौ का औधिकार दिया, यानी तिनु जू तैसी पांदी बिशवाश कौरौ।

यूहन्ना 1:29

ओकी दूसै यूहन्नाए यीशु खै आपणै ढौबौ आन्दै बैई दैखैयो बौल़ौ, “दैखौ, ऐजा पौरमेशवर का मेम्‍ना औसौ जू (आपी खै बलिदान कौरेयौ) दुनिया का पाप उठाणौ वाल़ा औसौ।

यूहन्ना 10:16

मैरी ओकी बै भेड़ो औसौ, जू ऐसी बाडे़ की ना आथी मुखै तिनुकै लाणी बै जौरुरी औसौ, सै मैरी आवाज़ पोयछाणली; तोबै ऐकैई डार औरौ ऐकैई चौराईया हौंदा।

यूहन्ना 12:32

औरौ हांव इयौं धरती पांदी दा ऊंचे पांदी चौढ़ाए जांदा, औरौ सौबी खै आपणै धोरे लांदा।”

प्रेरितो कै काम 18:10

जिथुकै हांव तांव साथी औसौ, औरौ कुणिए तांव पांदी चौढ़ाए कौरेयौ तैरा नुकसान ना कौरदा; जिथुकै ऐसी शहरो दै मैरै बौहितै लोग औसौ, जू मुं पांदी भोरोशा कौरदै।

रोमियों 3:29

पौरमेशवर सिरफ यहूदी लोगौ का पौरमेशवर ना आथी, पौरौ बैगानै यहूदी लोगौ का बै पौरमेशवर औसौ।

रोमियों 4:17

पवित्र शास्त्र बौल़ौ, “मोऐं ताखै बौहुती जाति का पुराणिया ठोहराए राखा” पौरमेशवर कै नोज़रो दा अब्राहम अमारा पिता औसौ। तैणै तैसी पौरमेशवर पांदी बिशवाश कौरा, जू मौरेयौंदे कै जियुंदी कौरौ औरौ तिनु चीज़ौ कै बै वजूद दी लांव जिथका वजूद ना आथी।

इफिसियों 1:5

जिथुकै पौरमेशवर आमुआरी प्यार कौरौ, इथकारिए तैणै बैजाए आगै ऐजा फोयसला कौरा कै सै आमु आपणै संतान बाणदा जिथुकै आमै यीशु मसीह कै साथै ऐक औसौ पौरमेशवरे ऐशै आपणै ही इछा औरौ खुशी कै हिसाब शै कौरे राए।

इफिसियों 3:11

पौरमेशवरे दुनिया बाणणौ दै आगै इथकै योजना बाणै, जियौं तैणै अमारै प्रभु मसीह यीशु कै दवारा पोरे कौरे।

याकूब 1:1

मोऐं याकूबे ऐजै चिट्ठी लैखै लोए। हांव पौरमेशवर औरौ प्रभु यीशु मसीह का सेवक औसौ। मोऐं ऐजै चिट्ठी इस्राएल देश कै बारौ गोत्रो कै लोगौ कारिए लैखै लोए, जू दुनिया दै बिखरे रौवै, तुऔं सौबी लोगौ कै मैरा नमशकार।

1 पतरस 1:1

हांव पतरस, जू यीशु मसीह का चोणेयौंदा चैला औसौ, मोऐं ऐजी चिट्ठी लैखै लोए, मोऐं ऐजी चिट्ठी पौरमेशवर कै चोणेयौंदे तिनु लोगौ खै लैखै लोए जू कै पुन्‍तुस, गलातिया, कप्‍पदूकिया, एशिया, औरौ बितूनिया प्रदेशो कै कैई शहरो दै प्रदेशी कै जैशणै रौंव।

1 यूहन्ना 2:2

सैजाई अमारै पापौ खै माफ कौरणौ कारिए बलिदान हौए गौआ औरौ सिरफ आमु कारिए ही नी पौरौ सारै दुनिया कै लोगौ खै पापौ कै माफी कारिए बलिदान हौए गौआ।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।

1 यूहन्ना 3:10

इनु बातौ लैई पौता चालौ पौरमेशवर कै सन्‍तान औरौ शैतान कै सन्‍तान कुण औसौ; जूणजै लोग धार्मिकता कै काम कौरौ सै पौरमेशवर कै ढौबौशै औसौ, औरौ जू आपणै भाईटु आरी प्यार कौरौ सैजैई पौरमेशवर कै ढौबौशै औसौ।

1 यूहन्ना 3:2

ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।

प्रकाशितवाक्य 5:9

तिनिए ऐजौ गीत मेम्ने यानी यीशु मसीह कै बारै मुंजी गाए लो थियु, “तू इयौं किताब कै मोहरो खै तौड़णौ औरौ इयौं खौलणौ का औधिकार राखै।” तिनुऐ ताखै बलिदान कौरे राए थिया औरौ तैरै लोऊए जू क्रूसो पांदी बौवाए राए, लोगौ खै छुड़ाए दियै ताकि सै पौरमेशवर शै सौमबंधित लोग बौणै जांव। ऐजै लोग सौब गोत्रो, सौब भाषाओं, सौब ठाँव औरौ सौब राज्यो शै औसौ।