यूहन्ना 11:4 - सिरमौरी नौवाँ नियम

⁴ ऐजौ शोणेयो खै यीशुए बौल़ौ, “इयौं बीमारी का अन्त मौत ना आथी पौरौ पौरमेशवर कै महिमा कारिए औसौ, कै ऐसकै दवारा मुं पौरमेशवर कै बैटै कै महिमा हौंव।”

Sirmouri

⁴ प्रभू यीशू ऐ ऐजो शुँणियों बुलो, “ऐजी बीमारी मंऊँती के ने आथी; परह् पंण्मिश्वर की बड़ियाई खे असो, जिन्दें के कारण पंण्मिश्वर के बैटे के बड़ियाऐं हंदी।”

यूहन्ना 11:4 ပူးပေါင်းရင်းမြစ်များ

यूहन्ना 10:38

पौरौ जै हांव कौरुए, तौ चाहै मैरा बिशवाश ना बै कौरौ, पौरौ तिनु कामौ पांदी बिशवाश कौरौ, तोबै तुऔं पौता चालदा औरौ तुऐं जाणदै कै हांव पौरमेशवर दा रौंऊ।”

यूहन्ना 11:40

यीशुए तियौंखै बौल़ौ, “का मोऐं ताखै ना बुली थी कै जै तू बिशवाश कौरलै तौ तू पौरमेशवर कै महिमा कै दैखली।”

यूहन्ना 12:28

ओए रै पिता, प्रगट कौर कै तू कैतरा महान औसौ।” तोबै स्वर्ग पौरैशी ऐक ऐशणी आवाज़ आए कै, “मोऐं प्रकट कौरे राए कै हांव कैतरा महान औसौ, औरौ हांव इयौं बातौ कै होटेयो प्रकट कौरदा।”

यूहन्ना 17:1

यीशुए आपणै चैलै खै ऐजी बातौ बुली औरौ तैणै स्वर्ग कै ढौबौ दैखौ औरौ प्रार्थना कौरे, “ओए रै पिता पौरमेशवर, सैजा सौमय आए गौआ, ऐजौ प्रगट हौंव कै पौरमेशवर कैतरा महान औसौ, कै बैटा बै तैरै महिमा कौरौ।

यूहन्ना 17:10

औरौ जू लोग मैरै औसौ सैजै सौबै तैरै औसौ; औरौ जू तैरौ औसौ सैजौ मैरौ औसौ; औरौ इथलैई मैरी महिमा प्रगट हौए रौए।

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

यूहन्ना 2:11

यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

यूहन्ना 8:54

यीशुए जवाब दिया, “जै हांव आपी आपणै तारीफ कौरु, तौ मैरी किछै तारीफ ना आथी, जू मैरै तारीफ कौरौ, सै मैरा पिता औसौ, औरौ तुऐं बौल़ौ, कै सै तोंवारा पौरमेशवर औसौ।

यूहन्ना 9:24

तोबै यहूदी नेताए तैसी आदमी खै जू आन्धा थिया, दुजाल़ियो बौएदैयौ खै तैसीखै बौल़ौ, “पौरमेशवर कै स्तुति कौरेयौ साचौ बौल़ै दै; जिथुकै आमु जाणुए कै ऐजा आदमी पापी औसौ।”

यूहन्ना 9:3

यीशुए जवाब दिया, “ना तौ ऐणै पाप कौरे राए थिया, ना ऐसकै माँ बापूए पाप कौरे रैई थी, पौरौ ऐजा इथकारिए आन्धा पौयदा हौआ ताकि पौरमेशवर कै चौमत्कार कै काम तैसी पांदी प्रगट हौंव।

रोमियों 11:11

तौ हांव बुलू का जोबै इस्राएल देश कै लोग मसीह पांदी बिशवाश ना कोरी, तौ तोबै कौलोंई ना बिशवाश कौरलै? ना! बिल्कुल नी! पौरौ तिनकै आज्ञा ना मानणौ कै बौजैह शै बैगानै यहूदी लोगौ कै उध्दार भैटदा, ताकि इस्राएल कै लोगौ कै ज़लन हौए जांव।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

फिलिप्पियों 1:20

मैरै दिल कै इछा औरौ आशा ऐजै औसौ, कै हांव कियौंई बै बातौ दा शर्मिंदा ना होऊं, पौरौ मुखै मसीह कै बारै मुंजी बौलणौ खै हिम्मत भैटौ जैशैकै मोऐं बीतैयौंदे सौमय दौ कौरे राए थियु। चाहै हांव जियुंदी रोऊं या मौरे जोऊं हांव आपणै पूरै जिन्दगी कै दवारा मसीह का आदर कौरदा रौंदा।

1 पतरस 1:21

जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।

1 पतरस 4:14

पौरौ जै मसीह कै नांव कारिए तोंवारै नेंदैया हौंव, तौ तुऐं धन्‍य औसौ; जिथुकै पौरमेशवर कै महिमा कै आत्मा तोंवारै भीतरै रौंव।