यूहन्ना 11:25 - सिरमौरी नौवाँ नियम

²⁵ यीशुए तियौंखै बौल़ौ, “हांव सैजा औसौ जू मौरेयौंदे लोगौ कै जिन्दगी दै पाछु लोऊ, औरौ हांव जीवन औसौ। इथकारिए जू कुणिए मुं पांदी बिशवाश कौरौ, जै सै मौरे बै जाला, तौ बै जियुंदी रौंदा।

Sirmouri

²⁵ प्रभू यीशू ऐ बुलो, “दुज़ाल़िऐं ऊबो जीऊँणों अरह् जीवन ‘हाँव’ ही असो; जुण्जा कुँऐं मुँह गाशी बिश्वाष करला, सेजा मँर्णो गाशी भे जीऊँदी रंह्दा।

यूहन्ना 11:25 ပူးပေါင်းရင်းမြစ်များ

लूका 23:43

यीशुए तैसी बौल़ौ, “हांव ताखै साचौ बुलू कै ऐलोई तू मैरै साथै स्वर्ग दा हौंदा।”

यूहन्ना 1:4

सै सौबी जिन्दगीयों का स्रोत औसौ, औरौ सै सैजाई औसौ, जू सौबी लोगौ कै पेयाशो दैंव।

यूहन्ना 14:19

तावल़ैई दुनिया कै लोग मुखै ना दैखदै, पौरौ तुऐं मुखै दैखलै, जिथु हांव औटेयौ जियुंदा हौए जांदा, औरौ इथकारिए तुऐं बै जियुंदै रौलै।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

यूहन्ना 5:21

जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।

यूहन्ना 5:26

जिथुकै जैशैकै पिता पौरमेशवर आपणै आपी दा जीवन राखौ तैशैकैई तैणै मुखै बै जू तैसका बैटा औसौ ऐजा औधिकार दैय राए कै आपी दा जीवन राखु।

यूहन्ना 6:35

यीशुए तिनुखै बौल़ौ, “जीवन कै रोटै हांव औसौ, जू मैरै धोरे आला सै कौलोंई भूखा ना हौंदा औरौ जू मुं पांदी बिशवाश कौरला सै कौलोंई तिशा ना हौंदा।

यूहन्ना 6:44

कुणिए बै मैरै धोरे तांव तौड़ी ना आए सौकौ जांव तौड़ी मैरै भैजणौवाल़ा पिता पौरमेशवर, तैसी आपणै ढौबौ खैची ना दैंव; औरौ हांव तिनुकै आखरी दूसै हौजौ जियुंदी कौरु।

प्रेरितो कै काम 3:15

औरौ तुऐं तैसी जू लोगौ कै सौदा कै जिन्दगी दैंव मारै दिया, जैसी पौरमेशवरे मौरेयौंदे मुंजीदा जियुंदा कौरे दिया; औरौ इयौं बातौ कै आमु गवाह औसौ।

रोमियों 4:17

पवित्र शास्त्र बौल़ौ, “मोऐं ताखै बौहुती जाति का पुराणिया ठोहराए राखा” पौरमेशवर कै नोज़रो दा अब्राहम अमारा पिता औसौ। तैणै तैसी पौरमेशवर पांदी बिशवाश कौरा, जू मौरेयौंदे कै जियुंदी कौरौ औरौ तिनु चीज़ौ कै बै वजूद दी लांव जिथका वजूद ना आथी।

रोमियों 8:2

जिथुकै पवित्र आत्मा जू मसीह यीशु कै ढौबौशा आंव तुऔं जीवन दैला औरौ पाप औरौ मौत शै आज़ाद कौरदा।

1 कुरिन्थियों 15:18

जै मसीह मौरेयौंदे मुंजीदा ऊबा ना बिज़ रैई, तौ जू बिशवाशी मौरे गौवै, तिनु बौचाए ना रैई, बल्कि सै नाश हौए गौवै, औरौ सै सौदा कारिए पौरमेशवर शै जौई हौए गौवै।

1 कुरिन्थियों 15:29

जै मौरेयौंदे खै जियुंदै ना कौरलै, तौ सैजै लोग का कौरदै जू लोग निशान कै तौर पांदी मौरेयौंदे कारिए बपतिस्मा लोंव? पौरौ इथलैई तिनु कुणजाई फायदा ना हौंदा। जै मौरेयौंदे सौथी कै औटेयौ जियुंदै ना हौंदै, तौ सै तिनकै तिनु भोवारो खै किथु मानौ?

2 कुरिन्थियों 4:14

जिथुकै आमै जाणुए, जैणै प्रभु यीशु खै मौरेयौंदे मुंजीदा जियुंदी कौरा, पौरमेशवर आमु बै यीशु कै साथै रौणौ कारिए जियुंदी कौरदा औरौ तुऔं लोगौ कै साथै आमुखै बै आपणै पौरमेशवर कै सामणै खौड़ा कौरदा।

फिलिप्पियों 1:23

हांव ना जाणु कै कोसी खै चुणु; जी तौ चांव कै मौरे जोऊं औरौ मसीह कै धोरे जायौ रोऊं, ऐजौ बैजाए आछौ औसौ।

फिलिप्पियों 3:10

औरौ मसीह कै हौजौ जादा जाणणा मैरा मकसद औसौ। ताकि तैसकै मौरेयौंदे मुंजीदै जियुंदी हौणौ कै अनौखी शौकतै कै महसूस कौरे सौकु, औरौ तैसकै दुख दा शामिल हौयौ तैसकै मौत दा तैसकै जैशणा बौणै जोऊं मौत दै तैसकै जैशणै बौणैयौं तैसकै दुखो बुगणो का सहयोगी बौणै जोऊं।

1 थिस्सलुनीकियों 4:14

जै आमै बिशवाश कौरु, कै यीशु मौरा, औरौ जियुंदी बै हौए गौआ, तौ तैशैखैई पौरमेशवर तिनुखै जू यीशु दै मौरे गौवै, औटेयौ जियुंदी कौरदा, औरौ यीशु मसीह कै साथै स्वर्ग दै पाछु निंदा।

प्रकाशितवाक्य 1:18

हांव एकबेई मौरे गौआ थिया पौरौ ऐबै हांव जियुंदी औसौ औरौ हांव हमैशा जियुंदी रौंदा। दैख हांव युग-युग जियुंदी औसौ; मुंकैई मौत औरौ पताल़ की चाबी औसौ।”

प्रकाशितवाक्य 20:5

ऐजै लोग जियुंदी कौरे जाणै वाल़ौ मुंजी सौबीदै आगै जियुंदी कौरे जांदै, औरौ ऐजै लोग खास कौरेयौ धन्‍य औरौ पवित्र औसौ। ओकी मौत कै तिनु पांदी कुणजै शौकतै ना आथी। सै पौरमेशवर कै औरौ मसीह कै पुरोहित हौंदै औरौ मसीह कै साथै ऐक हजार साल तौड़ी राज्य कौरदै। ऐसी ऐक हजार साल शै आगै कोसी ओकी मौरेयौंदे लोगौ खै मौरेयौंदे मुंजीदै जियुंदी ना कौरी।

प्रकाशितवाक्य 21:4

औरौ पौरमेशवर तिनकै आखी पौरैशै सौब आशु घोशै दैंदा; औरौ कुणिए बै आदमी कौलोंई बै दुख महसूस ना कौरदा या रुंदा या दर्द कै महसूस ना कौरदा औरौ ना ही मौत रौंदै, जिथुकै पुराणै दुनिया कै सौबै चीज़ौ गायब हौए गोई।”

प्रकाशितवाक्य 22:1

तोबै स्‍वर्गदूतै मुखै ऐक नोंदी दिखाए जिंदु जिन्दगी कौ पाणी थियु। पाणी साफ कांचो कै जैशणौ चौमकौ थियु। ऐजौ पौरमेशवर औरौ मेम्ने कै सिंहासन शै बौंहदौ लाग रौ थियु।

प्रकाशितवाक्य 22:17

पौरमेशवर का आत्मा औरौ मेम्ने कै दुल्हन यीशु कैई बौल़ौ, “ताखै पाकौ आणौ चैंई।” सौबै जू ऐजौ शुणु, तैसी बै ऐजौ बौलणौ चैंई, “आ!” जू कुणिए बै तिशा औसौ, सै इथै आव। सैजौ पाणी पियौ जू जीवन दैंव, जू कै तिनु सौबी कै मुफ्त दौ भैटौ जू इथुकै पिणु चांव।