यूहन्ना 10:30 - सिरमौरी नौवाँ नियम

³⁰ हांव औरौ पिता पौरमेशवर ऐक औसौ।”

Sirmouri

³⁰ ‘हाँव अरह् बाबा ऐक जीऊँ असो।’”

यूहन्ना 10:30 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

यूहन्ना 10:29

मैरा पिता पौरमेशवर, जैणै तिनुखै मुखै दैय राए, सै सौबिदा बौड़ा औसौ, औरौ कुणिए बै इनुखै पिता पौरमेशवर खै हाथौ पौरैशी छीणै ना सौकौ।

यूहन्ना 10:36

तौ जोबै हांव ऐजौ बुलू, ‘हांव पौरमेशवर का बैटा औसौ।’ तौ तुऐं मुखै काए बौल़ौ, ‘तू नेंदैया कौरे।’ इथकारिए मोऐं बुलू, ‘हांव सैजाई औसौ जैसी पिता पौरमेशवरे जौई कौरा औरौ मुखै दुनिया पांदी भैज राए।’

यूहन्ना 14:23

यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

यूहन्ना 14:9

यीशुए तैसीखै बौल़ौ, “ओए रै फिलिप्‍पुस हांव ऐतरै दूसौ दा उंडा तोंवारै साथै औसौ, औरौ का तू मुखै ना जाणै? जैणै मुखै दैख राए तैणै पिता पौरमेशवर कै बै दैखै राए: तौ तू किथु बौल़ै कै पिता पौरमेशवर कै आमु दिखा?

यूहन्ना 16:15

जू किछै पिता पौरमेशवर कौ औसौ, सैजौ सौबै मैरौ औसौ; इथकारिए मोऐं बौल़ौ, कै तैसी मैरी ढौबौशौ जू भैट रौं, सैजाई तुऔं बोताला।”

यूहन्ना 17:10

औरौ जू लोग मैरै औसौ सैजै सौबै तैरै औसौ; औरौ जू तैरौ औसौ सैजौ मैरौ औसौ; औरौ इथलैई मैरी महिमा प्रगट हौए रौए।

यूहन्ना 5:17

इथपांदी यीशुए तिनुखै बौल़ौ, “मैरा पौरमेशवर जू मैरा पिता औसौ हमैशा काम कौरौ, औरौ मुखै बै काम कौरणा चैंई।”

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

यूहन्ना 8:58

यीशुए तिनुखै बौल़ौ, “हांव तुऔं खै साचौ-साचौ बुलू, कै अब्राहम कै पौयदा हौणौ दा आगै, हांव औसौ।”

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

1 यूहन्ना 5:7

औरौ गवाही दैणैवाल़ै तीन औसौ;