यूहन्ना 10:3 - सिरमौरी नौवाँ नियम

³ तैसी कारिए रोखवाल़ा दवार खोले दैंव, औरौ भेड़ो तैसकी आवाज़ पोयछाणो, औरौ सै आपणै भेड़ो का नांव लोयो बोईदौ औरौ बायरै लोए जांव।

Sirmouri

³ अरह् तेस्खे सेजे भैंड़ो की शाल़ो के जंगवाल़े भे कुँवाड़ ऊँडो खुलो; अरह् सेजी भैंड़ो भे तेसी भैड़वाल़े को चूचकार्णो अरह् बुलाँणों जाँणों ऐं, अरह् जबे से आप्णी भैंड़ो के नाँव लऐ-लऐयों तिनू आप्णीं छाँनीं शी बाँईडी बऐदी पाँव, तबे से चंराँणों खे तेथै शी आगू बाँईडी नीयों।

यूहन्ना 10:3 ပူးပေါင်းရင်းမြစ်များ

यूहन्ना 10:14

आछा चौराईया हांव औसौ, जैशैखै पिता पौरमेशवर मुखै जाणौ औरौ ऐशैखैई हांव पिता पौरमेशवर कै जाणुए, तैशैकैई, हांव आपणी भेड़ो कै जाणु औरौ मैरी आपणी भेड़े मुखै जाणौए। औरौ हांव आपणी भेड़ो कारिए मौरणौ कारिए बै तैयार औसौ।

यूहन्ना 10:16

मैरी ओकी बै भेड़ो औसौ, जू ऐसी बाडे़ की ना आथी मुखै तिनुकै लाणी बै जौरुरी औसौ, सै मैरी आवाज़ पोयछाणली; तोबै ऐकैई डार औरौ ऐकैई चौराईया हौंदा।

यूहन्ना 10:4

औरौ जोबै सै आपणी सौबै भेड़ो खै बायरै निकाल़ै पांव, तौ तिनकै औगौड़ियौ-औगौड़ियौ चालदा रौंव, औरौ भेड़ो तैसकै पौछौड़ियौ-पौछौड़ियौ हांडो जिथुखै सै तैसकै धाव पोछैयाणौए।

यूहन्ना 10:9

हांव ही दवार औसौ; जै कुणिए मैरै दवारा भीतरै आला, पौरमेशवर तैसका ही उध्दार कौरला औरौ भीतरै आया जाया कौरला औरौ खाणौ कारिए घास दैला।

यूहन्ना 6:37

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

यूहन्ना 6:45

पौरमेशवर कै बातौ बौताणौवाल़ै पवित्र शास्त्र दो ऐजौ लैखै राए, ‘सै सौबै पौरमेशवर कै ढौबौशै शिखाएयौंदे हौन्दै।’ जैसी कोसीए पिता पौरमेशवर कै शुणा औरौ तैसीयांदो शिखै राए, सैजाई मैरै धोरे आन्दा।

रोमियों 8:30

तोबै जिनु कारिए पौरमेशवरे आगैई तय कौरे राए तिनु चोणे बै राए, औरौ जिनु चोणे राए, तिनु धरमी साबित कौरे राए, औरौ जिनु धरमी साबित कौरे राए, तिनकै साथै आपणै महिमा बै बांडै राए।

1 कुरिन्थियों 16:9

जिथुकै इबी बै इथै बैजाए लोग औसौ जू पौरमेशवर का वचन शुणणा चांव, औरौ मैरौ इथै रौणौ बैजाए जौरुरी औसौ। हालांकि बौहितै लोग औसौ जू मैरा विरोध कौरौ।

फिलिप्पियों 4:3

ओए रै साची सहयोगी सुजूगस, हांव तांव कैईंदै बिन्ती कौरु कै तू तिनु बैटमाणिशौ का मैल मिलाप कौरणौ मुंजी मौदद कौर, जिथुकै तिनुऐ मैरै साथै सुसमाचार फौयलणौ मुंजी क्‍लेमेंस औरौ मैरै बाकी सहयोगी कै साथै मैहनत कौरे राए जिनकै नांव जीवन कै किताबो पांदी लैखैयौंदे औसौ।

कुलुस्सियों 4:3

औरौ इथकै साथ ही साथ आमु कारिए बै प्रार्थना कौरदै रौव कै पौरमेशवर आमु कै वचन शुणणौ कारिए बाट खोले दैंव कै आमु मसीह कै तैसी भैद का बखान कौरे सौकु। हांव ऐबै कोयदखाने दा औसौ जिथुकै मोऐं ऐसी सौंदेश का प्रचार कौरे राए।

2 तीमुथियुस 2:19

पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

1 पतरस 1:12

पौरौ पौरमेशवरे इनु पौरमेशवर कै बातौ बौताणौवाल़ै खै बौतौऊं कै तिनकै सौंदेश सिरफ आपणै खातिर नी पौरौ तोंवारै खातिर थिए। सैजा सौंदेश यीशु मसीह कै बारै मुंजी सुसमाचार औसौ जू तुऐं इबी शौणै राए। पौरमेशवरे स्वर्ग पौरैशा आपणा पवित्र आत्मा भैजा कै तुऐं सुसमाचार प्रचार कौरणौ दै लोगौ कै मौदद कौरौ। ऐजौ सौबै ऐतरो अनौखौ औसौ कै इथै तौड़ी कै स्‍वर्गदूत बै बैजाए खुश हौयौ इनु चीज़ौ कै हौन्दै बैई दैखै लो।

1 यूहन्ना 4:6

आमु पौरमेशवर कै औसौ। जू पौरमेशवर खै जाणौए, सै अमारी शुणौए, जू पौरमेशवर कै ना जाणौ सै अमारै ना शुणौ, ऐशैखैई आमै सौचाई कै आत्मा औरौ झूठ कै आत्मा खै पौछेयाणै पांव।

3 यूहन्ना 1:14

पौरौ हांव आशा कौरु कै हांव तुऔंआरी तावल़ा भैटिंदा औरौ तोबै हांव आमणै-सामणै तुऔंआरी बातौ कौरदा।

प्रकाशितवाक्य 3:20

शुणौ, तोंवारै मन दै रौणौ कारिए, हांव तैसी आदमी कै जैशणा औसौ जू घोर कै बायरै खौड़ा औसौ औरौ दरवाज़ा खटखटांव। जै तुऐं मैरी आवाज़ खै शुणौए औरौ मैरै खातिर आपणा मन खोलो तौ हांव भीतरै आन्दा औरौ आमु ऐकी-दूजै कै साथै संगति कौरदै।

प्रकाशितवाक्य 7:17

जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”