यूहन्ना 10:20 - सिरमौरी नौवाँ नियम

²⁰ तिनुमुंजी दै बौहितै सारै लोग बौलदै लागै, “ऐसी दै दुष्टआत्मा औसौ, औरौ ऐजा पागल औसौ, ऐसकी नी शुणौ।”

Sirmouri

²⁰ तिनू लोगों मुँझ्शो कंई लोगे ऐं बुलो, “ऐस्दो तअ किऐ लागियों को असो; अरह् ऐस्दी तअ झ़ाल लागी रंऐ, तुऐं ऐस्की बातो कैई शुँणीं लंई?”

यूहन्ना 10:20 ပူးပေါင်းရင်းမြစ်များ

मत्ती 10:25

चैलै का गुरु कै जैशणा हौणा, औरौ नोकरो का आपणै मालिक कै जैशणा हौणा काफी औसौ; औरौ जोबै तिनुऐ मुखै घोरो कै मालिक कै शैतान बौल़ै राए तौ ऐजै मैरै घोरो कै लोगौ कै हौजौ बै बुरै नांव शै बौईददै।

मत्ती 11:18

जिथुखै यूहन्ना बपतिस्मा दाता बार बार उपवास कौरौ थिया, औरौ ना ही अंगूर का रस पीयों थिया, औरौ सै बौल़ौए कै तैसदै दुष्टआत्मा औसौ।

मत्ती 9:34

पौरौ फरीसी लोगै बौल़ौ, “सै दुष्टआत्माओं कै ठोगड़ा, औरौ शैतान कै मोदत लैई दुष्टआत्माओं खै घाड़ो।”

मरकुस 3:21

तोबै जू तैसकै कुड़बे कै थिए ऐजौ शोणेयो, सै तैसीखै घोरे निणो कै ओऊवे; जिथु सै बौल़ौ थिए कै तैसका दिमाक ठिकाणै दा ना आथी।

यूहन्ना 7:20

भीड़ौ मुंजीदा ऐकीए जवाब दिया; “तांव दै दुष्टआत्मा औसौ! ताखै कुण मारणा चांव?”

यूहन्ना 8:52

यहूदी नेताए तैसीकै बौल़ौ, “ऐबै आमुए जाणै पोऊँ कै तांव दै दुष्टआत्मा औसौ। अब्राहम मौरे गौआ, औरौ पौरमेशवर कै बातौ बौताणौवाल़ा बै मौरे गौवै औरौ तू बौल़ै, ‘जै कुणिए मैरी शिक्षा पांदी हांडला तौ सै हमैशा तौड़ी ना मौरदा।’

प्रेरितो कै काम 26:24

जोबै पौलुसे ऐशणै ढंग शै जवाब दैय लौआ थिया, तौ राज्यपाल फेस्तुसे जोर शै बौल़ौ, “ओए रै पौलुस, तू पागल औसौ। बौहितै विद्याए ताखै पागल कौरे राए।”