यूहन्ना 10:2 - सिरमौरी नौवाँ नियम

² पौरौ जू दवारो बाटी भीतरै आंव सै भेड़ो का चौराणौवाल़ा औसौ।

Sirmouri

² परह् जुण्जा कुँऐ भैंड़शाल़ो को दुवार-जैडी खुलियों भींटा ज़ाँव, तअ से कुँऐ भैंड़वाल़ा ही हऐ सको।

यूहन्ना 10:2 ပူးပေါင်းရင်းမြစ်များ

मत्ती 15:11

जू आदमी कै मुँह कै भीतरै जांव, सै आदमी खै अशुध्द ना कौरौ, पौरौ जू मुँह बाटी निकल़ौ, सैजौई आदमी खै अशुध्द कौरौ।”

यूहन्ना 10:14

आछा चौराईया हांव औसौ, जैशैखै पिता पौरमेशवर मुखै जाणौ औरौ ऐशैखैई हांव पिता पौरमेशवर कै जाणुए, तैशैकैई, हांव आपणी भेड़ो कै जाणु औरौ मैरी आपणी भेड़े मुखै जाणौए। औरौ हांव आपणी भेड़ो कारिए मौरणौ कारिए बै तैयार औसौ।

यूहन्ना 10:7

तोबै यीशुए तिनुखै हौजौ बौल़ौ, “हांव तुऔं खै साचौ-साचौ बुलू, भेड़ो कौ दवार हांव ही औसौ।

यूहन्ना 10:9

हांव ही दवार औसौ; जै कुणिए मैरै दवारा भीतरै आला, पौरमेशवर तैसका ही उध्दार कौरला औरौ भीतरै आया जाया कौरला औरौ खाणौ कारिए घास दैला।

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

1 तीमुथियुस 4:14

तैसी वरदान शै जू हौणौवाल़ी बातौ कै दवारा तांव पांदी कलीसिया कै अगुवे कै हाथ राखदै सौमय ताखै भैटी रौआ थिया, तैसी लगातार ताखै इस्तैमाल कौरणा चैंई।

तीतुस 1:5

हांव ताखै इथकारिए क्रेते टापू दा छोड़ेयौ ओऊवा थिया ताकि तू तिथै की कलीसिया की मुसीबतौ कै ठीक कौरे सौकै जिनु ठीक कौरणौ का मुंकैई सौमय ना थी औरौ क्रेते टापू कै सौब शहर दै अगुवे कै चुणी पा। इथकै बारै मुंजी ताखै मैरी बौतायौंदे बातौ याद राखणी चैंई:

इब्रानियों 13:20

औरौ ऐबै शान्तै का पौरमेशवर, जैणै अमारै प्रभु यीशु खै मौरेयौंदे मुंजीदा औटेयौ लियोऊवा, तुऔं तिनु सौबी चीज़ौ लैई भरपूर कौरौ जिथकी तुऔं तैसकै इछा पोरे कौरणौ कारिए जौरुरत औसौ। यीशु मसीह कै शौकतै कै दवारा तैणै तुऔं मुंजी सैजौ सौबै पौयदा कौरे राए जू तैसी खुशी कौरौ। यीशु हमैशा कै कौरार कै दवारा भेड़ो का महान रोखवाल़ा बौणै गौआ, तैणै आपणी मौत शै आपणै भेड़ो कै झुंड कै साथै कौरार कै स्थापना कौरे जू हमैशा कारिए बौणैयौंदे रौंदी। आमीन।

1 पतरस 2:25

ऐक सौमय दै तुऐं तिनु भेड़ो कै जैशणै थिए जिनुऐ आपणै बाट बिसरै राए थै। पौरौ ऐबै तुऐं मसीह कै धोरे पाछु आए रौवै जू तोंवारै रोखवाल़ी कौरौ औरौ तुऔं पांदी नज़र राखौ।

1 पतरस 5:4

जोबै यीशु मसीह, जू कै अमारा प्रधान चौराईया औसौ, औटेयौ पाछु आन्दा, तोबै तुऔं ऐक सुन्दर मुकुट दैंदा जू कौलोंई बै आपणी चौमक ना खौंदा।

प्रकाशितवाक्य 1:20

ऐबै हांव बौतांदा कै मैरै सोऐं हाथ कै सात तारै का, का मतलब औसौ जू कै आगै पौता ना थी। इथका मतलब ऐजा औसौ: सात तारै तिनु स्‍वर्गदूतौ खै दिखांव जू सात कलीसियाओं कै रोखवाल़ी कौरौ औरौ सात दियोट सात कलीसियाओं खै दिखांव।