यूहन्ना 10:18 - सिरमौरी नौवाँ नियम

¹⁸ कुणिए बै मैरै जिन्दगी मुंआदे छिणै ना सौकौ, पौरौ हांव तियौं आपी ही दियु। मुखै तियौं दैणौ का औधिकार औसौ औरौ तियौं लोणो का बै औधिकार औसौ। जिथुकै ऐजै आज्ञा मुखै मैरै पिता पौरमेशवर कैईंदै भैटी रौए।”

Sirmouri

¹⁸ कुँऐ भे मेरी जीयाँन-प्राण मुँह कैई शी आगु ने करी-द्ड़ी सक्दा, परह् मुँऐ आप्णीं जियाँन-प्राँण आप्णीं ही हिछ़या शे भेंट करी लऐं, अरह् मुँखे हजों आप्णीं जीयाँन-प्राण पाँछ़ू लणों का हंक-अधिकार भे बाबा ऐ आपु ही देऐ थुवा; जुण्जा के मुँह बाबा की ही तरफ़ शा भेटी रूवा।”

यूहन्ना 10:18 ပူးပေါင်းရင်းမြစ်များ

यूहन्ना 10:11

आछा चौराईया हांव ही औसौ; आछा चरवाह भेड़ो कारिए आपणी इछा शै मौरे जांव।

यूहन्ना 10:17

पिता पौरमेशवर इथकारिए मुं आरी प्यार कौरौ जिथुकै हांव आपणी इछा शै मौरु ताकि हांव होटेयो जियुंदी हौए सौकु।

यूहन्ना 14:31

हांव तैशैकैई कौरु जैशैकै मैरै पिता पौरमेशवरे मुखै आज्ञा दै, ताकि दुनिया कै लोगौ खै पौता चालौ कै हांव पिता पौरमेशवर आरी प्यार कौरु। बीजौ, इथै दै आमु ऐबै हांडुबै।

यूहन्ना 15:10

जै तुऐं मैरी आज्ञा कै मानलै, तौ मैरै प्यार दै बौणैयौंदे रौलै, जैशैकै मोऐं आपणै पिता पौरमेशवर की आज्ञा का पालन कौरे राए, औरौ तैसकै प्यार दा बोणेयोंदा रौंऊ।

यूहन्ना 19:11

यीशुए जोवाब दिया, “जै पौरमेशवर ताखै औधिकार नै दैय राखदा, तौ तैरा मुं पांदी कुणजाई औधिकार ना हौंदा, औरौ जैणै मुखै तैरै हाथौ दा सौंपै राए तैसका पाप जादा औसौ।”

यूहन्ना 5:26

जिथुकै जैशैकै पिता पौरमेशवर आपणै आपी दा जीवन राखौ तैशैकैई तैणै मुखै बै जू तैसका बैटा औसौ ऐजा औधिकार दैय राए कै आपी दा जीवन राखु।

यूहन्ना 5:30

“हांव आपी शै किछै ना कौरे सौकु; हांव लोगौ का न्याय तैशैकैई कौरु जैशैखै पिता पौरमेशवर मुखै तिनका न्याय कौरणौ कै बौल़ौ। औरौ मैरा न्याय सोही औसौ; जिथुकै हांव आपणै इछा नी, पौरौ आपणै भैजणैवाल़ै कै इछा चोऊं।

यूहन्ना 6:38

जिथुखै हांव स्वर्ग शै आपणै इछा कै पूरै कौरणौ कारिए धैनै ना आए रैई पौरौ मुखै भैजणौवाल़ै पौरमेशवर कै इछा पूरै कौरणौ कारिए स्वर्ग शै भैजै राए।

प्रेरितो कै काम 2:24

पौरौ हौजौ बै पौरमेशवरे तैसीखै मौत कै बंधन शै छुड़ायो मौरेयौंदे मुंजीदा जियुंदा कौरे दिया। जिथुकै ऐजौ नामुमकिन थियु कै मौत तैसीकै आपणै बोशो दा राखै सौकौ।

प्रेरितो कै काम 2:32

ऐसी यीशु खै पौरमेशवरे जियुंदी कौरा, जैसकै आमु सौबै गवाह औसौ।

प्रेरितो कै काम 3:15

औरौ तुऐं तैसी जू लोगौ कै सौदा कै जिन्दगी दैंव मारै दिया, जैसी पौरमेशवरे मौरेयौंदे मुंजीदा जियुंदा कौरे दिया; औरौ इयौं बातौ कै आमु गवाह औसौ।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 2:9

पौरौ साचौ ऐजौ औसौ कै दैणिक सौमय कारिए, यीशु का दर्जा स्‍वर्गदूतौ कै तुलना दा कम कौरे राए। ताकि पौरमेशवर कै अनुग्रह शै यीशु मसीह सौबी लोगौ कै खातिर मौरे जांव। औरौ जिथुकै यीशुए दुख सोऊवा औरौ मौरे गौआ, पौरमेशवरे तैसी महिमा औरौ आदर दिया।