यूहन्ना 10:16 - सिरमौरी नौवाँ नियम

¹⁶ मैरी ओकी बै भेड़ो औसौ, जू ऐसी बाडे़ की ना आथी मुखै तिनुकै लाणी बै जौरुरी औसौ, सै मैरी आवाज़ पोयछाणली; तोबै ऐकैई डार औरौ ऐकैई चौराईया हौंदा।

Sirmouri

¹⁶ मेरे ऊँकी भे भैड़ो असो, जुण्जी हेबी तोड़ी ईयों भैंड़शाल़ दी ने रंह्दी; ऐबे मेरे तिनू भैंड़ो भे ऊँडी आँण्णीं, अरह् तबे से भे मेरो चूचकर्णो अरह् बुलाँणों शुँण्दी ऐ; तबे मेरी बादी भैंड़ो को ऐक ही रैऊँड़ बंणी ज़ालो; अरह् ऐक ही तिन का हाँव भैंड़वाल़ा हंदा।

यूहन्ना 10:16 ပူးပေါင်းရင်းမြစ်များ

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

लूका 15:8

“यीशुए लोगौ कै ऐक उदारण दिया, जै कोसी बैटमाणिश कैंई दस चांदी कै सिक्‍कै हौंव औरौ तियांरा ऐक सिका हाँईची जांव, तौ सै दिवा बाल़ेयौ, औरौ घोरो पुंडा झाड़ू लांव औरौ तांव तौड़ी ध्यान शै जोन्दै रौंव जांव तौड़ी सैजा सिका भैटी नी जांव।

यूहन्ना 10:11

आछा चौराईया हांव ही औसौ; आछा चरवाह भेड़ो कारिए आपणी इछा शै मौरे जांव।

यूहन्ना 10:2

पौरौ जू दवारो बाटी भीतरै आंव सै भेड़ो का चौराणौवाल़ा औसौ।

यूहन्ना 10:27

मैरी भेड़ो मैरै धाव पौछेयाणौए, औरौ हांव तिनुकै जाणुए औरौ सै मैरै पाछै-पाछै दी हांडो।

यूहन्ना 10:3

तैसी कारिए रोखवाल़ा दवार खोले दैंव, औरौ भेड़ो तैसकी आवाज़ पोयछाणो, औरौ सै आपणै भेड़ो का नांव लोयो बोईदौ औरौ बायरै लोए जांव।

यूहन्ना 10:4

औरौ जोबै सै आपणी सौबै भेड़ो खै बायरै निकाल़ै पांव, तौ तिनकै औगौड़ियौ-औगौड़ियौ चालदा रौंव, औरौ भेड़ो तैसकै पौछौड़ियौ-पौछौड़ियौ हांडो जिथुखै सै तैसकै धाव पोछैयाणौए।

यूहन्ना 10:5

पौरौ सै पोराये कै पाछै दी ना हांडदी, पौरौ तिनुदी दूर दोऊड़ो जिथुकै सै पोरायो कै धाव ना पोयछाणो।”

यूहन्ना 11:52

पौरौ सिरफ तिनु कारिए ना मौरदा। सै पौरमेशवर कै ओकी संतान कारिए बै मौरदा जू इयौं दुनिया पांदी बिखरेयोंदे औसौ, ताकि तिनु कौठै कौरे सौकौ।

यूहन्ना 17:20

“हांव सिरफ इनुई चैलै कारिए बिन्ती ना कौरु, पौरौ तिनु कारिए बै बिन्ती कौरु, जू इनकै सौंदेश कै दवारा मुं पांदी बिशवाश कौरदै,

यूहन्ना 6:37

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

प्रेरितो कै काम 15:14

शमौन पतरसे सौमझौऊवे, कै पौरमेशवरे आगैई बैगानै यहूदी लोगौ पांदी कैशणै दया कौरे, औरौ तिनुमुंजी दै कैतरै खै आपणै लोग हौणौ कारिए चुणै।

प्रेरितो कै काम 18:10

जिथुकै हांव तांव साथी औसौ, औरौ कुणिए तांव पांदी चौढ़ाए कौरेयौ तैरा नुकसान ना कौरदा; जिथुकै ऐसी शहरो दै मैरै बौहितै लोग औसौ, जू मुं पांदी भोरोशा कौरदै।

प्रेरितो कै काम 22:14

तोबै तैणै बौल़ौ, ‘अमारै पुराणिया खै पौरमेशवरे ताखै इथकारिए ठोराए राए, कै तू तैसखै इछा खै जाणै, औरौ तैसी धरमी यानी मसीह खै दैखै, औरौ तैसकै आवाज़ शौणै।

रोमियों 11:25

ओए रै बिशवाशी भाईयों, हांव ना चोऊं कै तुऐं ऐसी भैद शै अणजाण रौंव ऐशै ना हौंव कै तुऐं आपी पांदी घमण्‍ड कौरदै लागौ, ऐजौ साचौ औसौ कै इस्राएल देश कै किछै लोग बिशवाश कौरणौ कै तैयार ना आथी, पौरौ जोबै पौरमेशवर पांदी बिशवाश कौरणौवाल़ै बैगानै यहूदी लोगौ कै गिनती पूरै हौए जालै, तौ इस्राएल कै लोग बिशवाश कौरदै औरौ पौरमेशवर कै धोरे पाछु आए जांदै।

2 थिस्सलुनीकियों 2:13

ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

इब्रानियों 13:20

औरौ ऐबै शान्तै का पौरमेशवर, जैणै अमारै प्रभु यीशु खै मौरेयौंदे मुंजीदा औटेयौ लियोऊवा, तुऔं तिनु सौबी चीज़ौ लैई भरपूर कौरौ जिथकी तुऔं तैसकै इछा पोरे कौरणौ कारिए जौरुरत औसौ। यीशु मसीह कै शौकतै कै दवारा तैणै तुऔं मुंजी सैजौ सौबै पौयदा कौरे राए जू तैसी खुशी कौरौ। यीशु हमैशा कै कौरार कै दवारा भेड़ो का महान रोखवाल़ा बौणै गौआ, तैणै आपणी मौत शै आपणै भेड़ो कै झुंड कै साथै कौरार कै स्थापना कौरे जू हमैशा कारिए बौणैयौंदे रौंदी। आमीन।

1 पतरस 2:10

पौरमेशवर कै बातौ बौताणौवाल़ै होशे जू लैखै राए सैजौ तोंवारै बारै मुंजी साचौ औसौ। आगै तुऐं पौरमेशवर कै लोग ना थी, पौरौ ऐबै तुऐं पौरमेशवर कै लोग औसौ। आगै तुऐं पौरमेशवर कै दया खै ना जाणौ थिए पौरौ ऐबै तुऐं इयौं जाणौए जिथुकै तैणै शुरु शै ही तुऔं पांदी दया दिखाए राए।

1 पतरस 2:25

ऐक सौमय दै तुऐं तिनु भेड़ो कै जैशणै थिए जिनुऐ आपणै बाट बिसरै राए थै। पौरौ ऐबै तुऐं मसीह कै धोरे पाछु आए रौवै जू तोंवारै रोखवाल़ी कौरौ औरौ तुऔं पांदी नज़र राखौ।

1 पतरस 5:4

जोबै यीशु मसीह, जू कै अमारा प्रधान चौराईया औसौ, औटेयौ पाछु आन्दा, तोबै तुऔं ऐक सुन्दर मुकुट दैंदा जू कौलोंई बै आपणी चौमक ना खौंदा।

प्रकाशितवाक्य 3:20

शुणौ, तोंवारै मन दै रौणौ कारिए, हांव तैसी आदमी कै जैशणा औसौ जू घोर कै बायरै खौड़ा औसौ औरौ दरवाज़ा खटखटांव। जै तुऐं मैरी आवाज़ खै शुणौए औरौ मैरै खातिर आपणा मन खोलो तौ हांव भीतरै आन्दा औरौ आमु ऐकी-दूजै कै साथै संगति कौरदै।