यूहन्ना 10:10 - सिरमौरी नौवाँ नियम

¹⁰ चोर सिरफ भेड़ो कै चुराणो, मारणौ औरौ नाश कौरणौ कारिए ही आंव। हांव इथकारिए ओऊवा ताकि सै पूरी तरह शै जियुंदै रौंव।

Sirmouri

¹⁰ चोर कोसी ओकी काँम शा ने आँदा, से तअ सिर्फ चूरी करदा, हंत्त्या करदा, अरह् नाँष करदा आँव; परह् हाँव ईन्देंखे आऐ रूवा, के तुँओं खे जीवन भेटो; अरह् भर-पुरी का जीवन भेंटो।

यूहन्ना 10:10 ပူးပေါင်းရင်းမြစ်များ

मत्ती 18:10

दैखौ, तुऐं इनु नानड़ै मुंजीदै कोसी खै बैकार नै जाणैया, जिथुखै हांव तुऔं खै बुलू, की स्वर्ग दै तिनुखै रोखवाल़ै स्‍वर्गदूत मैरै पिता कै सामणै हाजिर रौंव।

मत्ती 18:11

जिथुखै हांव आदमी का बैटा हाँईचैयौंदी खै बौचांदा आए रौआ।

मत्ती 20:28

जैशैकै हांव आदमी का बैटा ओकी कै सेवा कौरणौ कारिए इयौं दुनिया दा आए रौआ। हांव इथकारिए ना आए रैई कै औकै लोग मैरी सेवा कौरौ, हांव कैई लोगौ कै तिनकै पापौ शै छुड़ाणो कारिए मौरणौ कै आए रौआ।”

मत्ती 21:13

औरौ तिनु बौल़ौ, “पवित्र शास्त्र दो लैखै राए; ‘मैरौ घोर प्रार्थना को घोर बौल़ै जांव’ पौरौ तुऐं तिथुकै डाकुओं लैई भोरेयोंदे गुफा बौणांव।”

मत्ती 23:13

“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं लोगौ कारिए स्वर्ग कै राज्य का दवार बन्‍द कौरौ, ना तौ आपी तिन्‍दै जांव औरौ ना तिन्‍दै ओकी कै जाणौ दैंव।

मरकुस 11:17

औरौ तिनुखै उपदैश देएबा बौल़ौ, “पवित्र शास्त्र दो लैखै राए, कै मैरा मन्दिर सौबी देशो कै लोगौ कारिए प्रार्थना का घोर बौल़ै जांव। पौरौ तुऐं इथुखै डाकुओं लैई भोरेयोंदे गुफा कै जैशणौ बाणै राए।”

लूका 19:10

जिथुकै हांव आदमी का बैटा लोगौ कै सौदा कै सौजा शै बौचाणौ औरौ तिनका उध्दार कौरदा आए रौआ।”

यूहन्ना 10:1

“हांव तुऔं कै साचौ-साचौ बुलू, कै जू कुणजाई दवार शै भेड़शाल़ दा भीतरै ना आंव, पौरौ कोसी ओकी ढौबौशा आंव, सै चोर औरौ डाकू औसौ।

यूहन्ना 10:11

आछा चौराईया हांव ही औसौ; आछा चरवाह भेड़ो कारिए आपणी इछा शै मौरे जांव।

यूहन्ना 12:47

जै कुणिए मैरी बातौ शोणेयो खै तिनुकै ना मानौ, तौ हांव तैसी दोषी ना ठैहरोऊं। जिथुकै हांव दुनिया कै लोगौ कै दोषी ठोहराणो कारिए ना ऐई, पौरौ तिनु बौचांदा आए रौआ।

यूहन्ना 12:6

तैणै ऐजै बात इथकारिए ना बुली कै तैसीखै कंगालो कै परवाह थी, पौरौ इथकारिए कै सै चोर थिया, औरौ तैसीकैईं तिनकी पौयसै की थोली थी औरौ तिंदु जू किछै पांव थिए, सै तिथु उंडु घाड़ो थिया।

यूहन्ना 3:17

जिथुकै पौरमेशवरे दुनिया कै लोगौ खै सौजा दैणौ कारिए आपणै बैटै कै दुनिया दा ना छाड़ी, पौरौ इथकारिए कै दुनिया कै लोग तैसकै दवारा मोक्ति पांव।

यूहन्ना 5:40

तोबै बै तुऐं सौदा कै जिन्दगी पाणौ कारिए मैरै धोरे आणौ ना चांव।

यूहन्ना 6:33

जिथुकै पौरमेशवर कै रोटै सैजै औसौ, जू स्वर्ग शै ओतरेयो दुनिया कै लोगौ कै जिन्दगी दैंव।”

यूहन्ना 6:51

जीवन कै रोटै जू स्वर्ग शै उतरी रौए सै हांव औसौ जै कुणिए इयौं रोटी पौरैशौ खांव तौ हमैशा जियुंदा रौंदा औरौ जू रोटै हांव दुनिया कै लोगौ खै जीवन कारिए दियुंबा, सै मैरा शोरीर औसौ।”

रोमियों 2:21

इथकारिए तुऐं, जू ओकी कै शिक्षा दैंव, आपी कै शिक्षा किथु ना दैंव? तुऐं प्रचार कौरौ, “चोरी नी कौरेया,” औरौ आपी चोरी कौरौ।

1 तीमुथियुस 1:15

ऐजै कहावत साची औसौ, जियौं पूरी तरह शै मानणी औरौ बिशवाश कौरणी चैंई कै यीशु मसीह आमु पापी लोगौ कै बौचाणौ कारिए दुनिया दा ओऊवा, जिनुमुंजी सौबिदा जादा पापी हांव औसौ।

इब्रानियों 6:17

इथकारिए पौरमेशवरे बै ऐक शौं खाए। इथकै दवारा सै तिनु लोगौ खै जिनु आरी वादा कौरे राए थिया ऐजौ दिखाणौ चांव थिया कै सै सैजौ पूरु कौरदा जिथका तैणै वादा कौरे राए थिया।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

2 पतरस 1:11

औरौ ऐजौ कै पौरमेशवर तोंवारा तैसी राज्य दा खौलेयौ स्वागत कौरदा जिथै यीशु मसीह औसौ, जू अमारा प्रभु औरौ अमारा मोक्ति दैणौवाल़ा औसौ, जू हमैशा कारिए राजा कै रुप दा राज कौरदा।