यूहन्ना 1:9 - सिरमौरी नौवाँ नियम

⁹ सैजौ जू साचौ पेयाशो औसौ जू हरेक आदमी खै पेयाशो दैंव, सै दुनिया दो आणौवाल़ौ थियु।

Sirmouri

⁹ सेजी साच्ची ज्योत्ति-प्रकाष, ऐक नाँम आदमी प्रकाषित्त-माँन करी दियों; सेजी ही ज्योत्ति-प्रकाष संईसारी दी आँणों वाल़ी थी।

यूहन्ना 1:9 ပူးပေါင်းရင်းမြစ်များ

मत्ती 6:23

पौरौ जै तैरै आख बोरै हौलै, तौ तैरा सारा शोरीर बै इन्यारा हौंदा, इथकारिए सैजौ पेयाशो जू तांव दो औसौ औरौ सै इनारौ हौंव तौ सैजौ इनारौ केतरो बौड़ौ हौंदौ।”

लूका 11:36

इथकारिए जै तैरा सौबै शोरीर पेयाशै दा औसौ, औरौ तिंदु दैणी बै इनारौ ना आथी, तौ सै सौबी जौगैह पेयाशो दैंदौ, जैशै ऐक दिवा आपणै चौमक लैई ताखै पेयाशो दैंव।”

यूहन्ना 1:4

सै सौबी जिन्दगीयों का स्रोत औसौ, औरौ सै सैजाई औसौ, जू सौबी लोगौ कै पेयाशो दैंव।

यूहन्ना 1:7

सै पेयाशै कै बारै मुंजी बौताणौ कारिए ओऊवा, ताकि सौबै लोग तैसी पेयाशै दा बिशवाश कौरौ।

यूहन्ना 12:46

हांव दुनिया कै लोगौ कारिए पेयाशै कै जैशणा आए रौआ, ताकि जू कुणिए मुं पांदी बिशवाश कौरौ, सै इनारै दै नी रौंव।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 15:1

“साची बाल हांव औसौ; औरौ मैरा पिता पौरमेशवर किसान औसौ।

यूहन्ना 6:32

यीशुए तिनुखै बौल़ौ, “हांव तुऔं खै साचौ-साचौ बुलू कै मूसाए तुऔं सैजी रोटी स्वर्ग शै ना दी पौरौ मैरा पिता पौरमेशवर तुऔं खै साची रोटै स्वर्ग शै दैंव।

यूहन्ना 7:12

औरौ तिथै भीड़ौ कै लोग तैसकै बारै मुंजी चुपी-चुपी बौरिशी बातौ बौल़ै लोई थी। किछै लोग बौल़ौ थिए कै, “सै भला आदमी औसौ।” औरौ किछै लोगै बौल़ै लो थियु, “ना, सै लोगौ खै भरमांव।”

1 यूहन्ना 1:8

जै आमै बुलूए कै आमुए किछै बै पाप ना कौरी, तौ आपी खै धौखा दियु, औरौ आमु तियौं सौचाई पांदी बिशवाश ना कौरु जू पौरमेशवर बौल़ौए कै साचौ औसौ।

1 यूहन्ना 2:8

तोबै बै जू आज्ञा हांव तुऔं खै लिखुए सैजै नोऐं आज्ञा औसौ, जिथुकै जियौं सौचाई दा यीशु खुद जिया औरौ तुऐं बै इथी मुंजी जी रौवै। जिथुकै बुरै काम मिटदै जांदै लागै रौवै औरौ सौचाई को पेयाशो ऐबै बै चौमकै रौव।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।