यूहन्ना 1:42 - सिरमौरी नौवाँ नियम

⁴² अन्द्रियासे शमौन खै यीशु कै धोरे लियोऊवा, यीशुए तैसीखै ध्यान शै दैखा औरौ बौल़ौ, “तू यूहन्ना का बैटा शमौन औसौ, तू कैफा यानी पतरस बौला जाला।”

Sirmouri

⁴² अरह् तबे अन्द्रियास ऐ आप्णा सुरा भाऐ शमौन प्रभू यीशू कैई आँणा। प्रभू यीशू ऐ तेसी सुवाँ करियों देखा अरह् बुलो, “तू यूहन्ना का बैटा शमौन असो: तू केफा मतल्व पतरस ऐत्त्लो शुभो ताँव खे ऐजो ही नाँव बुलो ज़ाँदो।”

यूहन्ना 1:42 ပူးပေါင်းရင်းမြစ်များ

मत्ती 10:2

बारौ चोणेयौंदे चैलै कै नांव ऐजै औसौ: आगला शमौन जैसकौ नांव तैणै पतरस राखौ, औरौ तैसका भाई अन्द्रियास; जब्दी का बैटा याकूब औरौ तैसका भाई यूहन्ना।

मरकुस 3:16

ऐजै सैजै बारौ चैलै औसौ जिनु यीशुए ठोहराए राए: शमौन जैसकौ नांव तैणै पतरस राखौ।

लूका 5:8

ऐजौ दैखैयो शमौन पतरस यीशु कै लातो पांदी पौड़ेयौ बौल़ौ, “ओए रै प्रभु मैरै धोरे दा आगु जा, जिथुकै हांव पापी आदमी औसौ!”

लूका 6:14

औरौ सै ऐजै औसौ: शमौन जैसकौ नांव तैणै पतरस बै राखौ, औरौ तैसका भाई अन्द्रियास, औरौ याकूब औरौ यूहन्ना औरौ फिलिप्‍पुस औरौ बरतुल्मै,

यूहन्ना 13:18

हांव तोंवारै बारै मुंजी किछै ना बुलू: जिनु मोऐं चोणे राए, तिनु हांव जाणुए। पौरौ ऐजौ इथकारिए हौंव ताकि पवित्र शास्त्र दो जू लैखै राए सैजौ पूरु हौंव, ‘जियौं थाली दो खाणौ खोऊ तियौं थाली कै बीनै।’

यूहन्ना 21:2

शमौन पतरस, औरौ थोमा जैसीखै दिदुमुस बै बौल़ौ, औरौ गलील जिले कै काना नगर का नतनएल, औरौ जब्दी कै दौ बैटै औरौ तैसकै चैलै मुंजीदै दो औकै आदमी कौठै थिए।

यूहन्ना 4:16

यीशुए तियौंखै बौल़ौ, “जा, आपणै घोरवाल़ै खै इथै बौईद।”

1 कुरिन्थियों 1:12

मैरै बौलणौ का मतलब ऐजा औसौ, कै तुऔं मुंजीदै कुणिए तौ आपी खै बौल़ौए, “हांव पौलुस का चैला औसौ,” कुणिए बौल़ौ “हांव अपुल्लोस का चैला औसौ,” तौ कुणिए बौल़ौ “हांव पतरस (कैफा) का चैला, या हांव मसीह का चैला औसौ।”

1 कुरिन्थियों 15:5

औरौ आगै पतरस (कैफा) खै तोबै बारौ चैलै खै ऐक साथै दैखिया।

1 कुरिन्थियों 3:22

इथकारिए हांव पौलुस, औरौ अपुल्लोस, औरौ पतरस (कैफा) का औसौ इयौं दुनिया कै चीज़ौ, चाहै तुऐं जियुंदी रौंव, या मौरे जांव, का इबी का सौमय, का आणौवाल़ा सौमय, जिथुकै पौरमेशवरे सौबै ठुँ तोंवारै भोलाए कारिए दैय राए।

1 कुरिन्थियों 9:5

जिथुकै औकै चोणेयौंदे चैलै औरौ याकूब, यहूदा औरौ पतरस (कैफा) आपणी घोरवाल़ी खै आपणै साथै लौए जांव, जौल़ौ सै यात्रा कौरौ, तौ मुंकैई बै ऐजा औधिकार औसौ।

गलातियौं 1:18

तोबै ती सालो कै बाद हांव चोणेयौंदे चैलै, पतरस (कैफा) आरी भैटिणौ कारिए यरूशलेम शहर खै हौटा, औरौ तैसकै धोरे पोंद्रो दूसौ तौड़ी रौआ।

गलातियौं 2:11

जोबै ऐक दूस पतरस अन्‍ताकिया शहर दा ओऊवा, तौ मोऐं लोगौ खै सामणै तैसी फिटका, जिथुखै सै सोही काम ना कौरौ थिया।

गलातियौं 2:9

जू आदमी कलीसिया कै अगुवे सौमझै जांव थिए याकूब, पतरस (कैफा) औरौ यूहन्ना तिनुऐ दया का सैजा वरदान पौछेयाणा जू मुखै भैटी रौआ। तिनुऐ मुखै औरौ बरनबास खै आपणै साथी सौमझेयौ आमु संगति का सोंवा हाथ दिया। सै इयौं बातौ दै शामिल होवे कै आमु बैगानै यहूदी लोगौ कै धोरे जोऊं औरौ सै यहूदी लोगौ कै धोरे।