यूहन्ना 1:38 - सिरमौरी नौवाँ नियम

³⁸ यीशुए फेरेबा औरौ तिनुखै पाछु आन्दै बैई दैखैयो तिनुखै बौल़ौ, “की तुऐं कोसके तलाश दै औसौ?” औरौ तिनुऐ तैसीखै बौल़ौ, “ओए रै गुरुजी, तू कुकै रौए?”

Sirmouri

³⁸ प्रभू यीशू ऐ तिनू आपु पाछी आँदे देखियों पूछ़ो, “तुँऐं का चहाँव?” तिन्ऐ बुलो, “हे रब्बी मतल्व (हे गुरू जी) तुँऐं केथै रंह्?”

यूहन्ना 1:38 ပူးပေါင်းရင်းမြစ်များ

लूका 10:39

तियौंकै मरियम नांव कै ऐक बोहिण थी; सै प्रभु कै लातो धोरे बौठेयौ तैसकै शिक्षा शुणौ थै।

लूका 14:25

जोबै यीशु कै साथै बौड़ै भीड़ चालै रौए थै, तौ तैणै पाछु फेरेयो बौल़ौ।

लूका 15:20

तोबै सै तैसी देशो कै छोडे़बा आपणै बापू कै धोरे जाणौ कारिए पाछु हौटा। सै इबी दूर ही थिया कै तैसकै बापूए तैसी दैखैयो तरस खोऊवा, औरौ बैटै कै ढौबौ दौड़ैबा तैसी गल़े लोऊवा, औरौ बौहुता खुपटियोऊवा।

लूका 19:5

जोबै यीशु तैसी जौगैह पोऊंचा, जिथै जक्‍कई थिया, तौ ऊबै कै दैखैयो तैसी बौल़ौ, “ओए रै जक्‍कई, शट उदा आ; जिथुकै मुखै ऐलो तैरै घोरे आणौ जौरुरी औसौ।”

लूका 22:61

तोबै प्रभु यीशुए पाछु फेरेयो कै पतरस कै ढौबौ दैखौ औरौ पतरस कै प्रभु की सैजै बात याद आए जू तैणै बौल राए थै, “ऐलो कुकड़ै कै बांक दैणै दै आगै तू तीन बैई मुखै भाजै जांदा।”

लूका 8:38

जैसी आदमी पौरैशी दुष्टआत्मा निकल़ै रौए थी, सै तैसीयादै बिन्ती कौरदा लागा कै मुखै आपणै साथै रौणौ दै, पौरौ यीशुए तैसी विदा कौरेयौ बौल़ौ।

यूहन्ना 1:37

तोबै सैजै दुईनै चैलै तैसी शौणैबा यीशु कै साथै हौटै गौवै।

यूहन्ना 1:39

यीशुए तिनुखै बौल़ौ, “चालौ, तौ दैखलै।” तोबै तिनुऐ आयौ तैसकै रौणौ का ठाँव दैखा, औरौ तैसी दूसै सैजै तैसीआरी रौवै; तैसी सौमय बैल़खै कै चार बोजे रौवै थिए।

यूहन्ना 1:49

नतनएले तैसीखै जोवाब दिया, “ओए रै गुरुजी, तू पौरमेशवर का बैटा औसौ इस्राएल देश का महाराजा औसौ।”

यूहन्ना 12:21

तिनुऐ गलील जिले कै बैतसैदा शहर कै रौणौवाल़ै फिलिप्‍पुस कै धोरे आयौ खै बिन्ती कौरे, “साहब जी आमुए यीशु आरी भैटिणौ चोऊं।”

यूहन्ना 18:4

तोबै यीशु सैजी सौबै बातौ कै जाणैयौ जू तैसकै साथै हौणौवाल़ी थी, औगौड़ियौ जायौ खै औरौ तिनुखै पूछु, “तुऐं कोसी कै जौए लौआ?”

यूहन्ना 18:7

तोबै तैणै तिनुवांदो पूछु, “तुऐं कोसी कै जौए लौआ।” तिनुऐ बौल़ौ, “नासरत गांव कै यीशु खै।”

यूहन्ना 3:2

तैणै रातै यीशु कै धोरे आयौ बौल़ौ, “ओए रै गुरुजी, आमै जाणुए कै पौरमेशवरे ताखै आमु शिखाणौ कारिए छाड़ै राए, जिथुकै कुणिए बै इनु निशान या चौमत्कारो खै जू तू दिखाए, जै पौरमेशवर तैसकै साथै नी हौंव, तौ दिखाए ना सौकौ।”

यूहन्ना 3:26

औरौ यूहन्ना कै चैलै यूहन्ना कै धोरे आयौ बौल़ौ, “ओए रै गुरुजी, जू आदमी यरदन नोंदी कै पूरब दिशा दा तैरै साथै थिया, औरौ जैसकै बारै मुंजी तुऐं आमु बौताए राए थियु कै सै कुण औसौ; दैख सै बपतिस्मा दैंव औरौ सौबै लोग तैसकै धोरे जांदै लाग रौवै।”

यूहन्ना 4:31

ऐतरै दै चैलै यीशु आरी ऐजै बिन्ती कौरदै लागै, “ओए रै गुरुजी किछै खाए कौर।”

यूहन्ना 6:25

औरौ झीलो कै पाईलै ढौबौ जोबै सै तैसीआरी भैटियै तौ बौल़ौ, “ओए रै गुरुजी तू इथै कोलो आए रौआ।”

प्रेरितो कै काम 10:21

तोबै पतरसे धैनै ओतरेयो तिनु आदमी कै बौल़ौ, “दैखौ, जैसीखै तुऐं जौए लौआ, सै हांव ही औसौ; तोंवारै आणौ कै का बौजैह औसौ?”

प्रेरितो कै काम 10:29

इथकारिए मुखै जोबै बौईदा गौआ तौ बिना किछै पूछै आगु हौटा। ऐबै हांव पूछु कै मुखै कोसी कामौ कारिए बौएदै राए?”