यूहन्ना 1:34 - सिरमौरी नौवाँ नियम

³⁴ मोऐं आपी दैखौ, औरौ हांव तुऔं कैई साचौ बुलू, की ऐजाई पौरमेशवर का बैटा औसौ।”

Sirmouri

³⁴ आपु मुँऐ ऐजो देखों, अरह् हाँव ईन्दें का गुवाह्-शाज़्त असो; के ऐजा ही पंण्मिश्वर का बैटा असो।”

यूहन्ना 1:34 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 16:16

शमौन पतरसे जोवाब दिया, “कै तू जीवते पौरमेशवर का बैटा मसीह औसौ।”

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मत्ती 26:63

पौरौ यीशु मेसो ही रौआ, औरौ किछै बै जोवाब ना दी। तोबै महायहूदी पुरोहिते तैसीखै हौजौ बौल़ौ, “हांव ताखै जियुंदी पौरमेशवर कै शौं दियु कै जै तू पौरमेशवर का बैटा मसीह औसौ, तौ आमुकैंई बौल़ै दै?”

मत्ती 27:40

औरौ ऐजौ बौल़ै लो थियु, “का रै मन्दिरो का ढाल़णौवाल़ा, औरौ ती दूसौ दा बाणणौवाल़ा! जै तू पौरमेशवर का बैटा औसौ, तौ क्रूसो पांदी दा उदा ओतरेयो आपी खै बौचा।”

मत्ती 27:43

तैणै पौरमेशवर पांदी भोरोशा राखा, जै सै ऐसीखै चांव, तौ ऐबै ऐसीखै छुड़ाए दैंव, पौरौ तैणै बौल़ौ, ‘हांव पौरमेशवर का बैटा औसौ।’”

मत्ती 27:54

तोबै सूबेदार औरौ जिनिए तैसकै साथै यीशु कै रोखवाल़ी कौरे लोए थै, भुईचोल़ औरौ जू किछै हौए रौ थियु, दैखैबा डौरे गौवै, औरौ बौल़ौ, “सौथीखै ऐजा आदमी, पौरमेशवर का बैटा थिया।”

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

मत्ती 4:3

तोबै शैतानै तैसकै धोरे आयौ बौल़ौ, “जै तू सौथी कै पौरमेशवर का बैटा औसौ तौ इयौं बातौ कै साबित कौरणौ कारिए आदैश दै कै ऐजै पाथर रोटी बौणै जांव ताकि तू इनु खाए सौकै।”

मत्ती 4:6

औरौ तैसीखै बौल़ौ, “जै तू सौथी कै पौरमेशवर का बैटा औसौ तौ इयौं बातौ कै साबित कौरणौ कारिए आपी खै इथैदा उदा छुड़ा; जिथुखै पवित्र शास्त्र दो लैखै राए, कै सै तैरै बारै मुंजी आपणै स्‍वर्गदूतौ खै आज्ञा दैंदा, औरौ सै ताखै हाथौ हाथ थाम्बै दैंदै; कोदी ऐशै नै हौंव कै तैरै लातो दा पाथरो लैई ढैस लागौ।”

मत्ती 8:29

औरौ दैखौ, तिनुऐ लैरौ मारैबा बौल़ौ, “ओए रै पौरमेशवर का बैटा, अमारै तांवआरी कुणजाई लैणा दैणा ना आथी? औरौ का तू सौमय दा आगै आमुखै दुख दैंदा इथै आए रौआ?”

मरकुस 1:1

पौरमेशवर का बैटा यीशु मसीह कै बारै मुंजी सुसमाचार कै शुरुआत ऐशैखै औसौ।

मरकुस 1:11

तोबै पौरमेशवरे स्वर्ग पौरैशौ यीशु खै बौल़ौ, “तू मैरा लाड़कु बैटा औसौ, हांव तांवदा खुश औसौ।”

लूका 1:35

स्‍वर्गदूतै तियौं जोवाब दिया, “पवित्र आत्मा तांव पांदी उतौरदा औरौ सौबीदै बौड़ै पौरमेशवर कै अनौखी शौकतै तांव पांदी छाया कौरदै; इथकारिए जू तांव पौरैशा पौयदा हौंदा सै पवित्र बैटा हौंदा औरौ सै पौरमेशवर का बैटा बोला जाला।

लूका 3:22

औरौ पवित्र आत्मा शोरीरो कै रुप दा कबूतर कै जैशणै तैसी पांदी उतरा औरौ पौरमेशवरे स्वर्ग पौरैशौ यीशु खै बौल़ौ, “तू मैरा प्यारा बैटा औसौ हांव तांवदा खुश औसौ।”

यूहन्ना 1:18

पौरमेशवर कै कोसीए कौलोंई ना दैखै रैई, सिरफ तैसकै इकलोतै बैटै दैखी राए ‍‌जू सौथी कै पौरमेशवर औसौ, औरौ पिता पौरमेशवर कै सौबिदा नेड़िक औसौ, तैणै आमु दिखाए राए, कै पौरमेशवर कैशणा औसौ।

यूहन्ना 1:49

नतनएले तैसीखै जोवाब दिया, “ओए रै गुरुजी, तू पौरमेशवर का बैटा औसौ इस्राएल देश का महाराजा औसौ।”

यूहन्ना 10:30

हांव औरौ पिता पौरमेशवर ऐक औसौ।”

यूहन्ना 10:36

तौ जोबै हांव ऐजौ बुलू, ‘हांव पौरमेशवर का बैटा औसौ।’ तौ तुऐं मुखै काए बौल़ौ, ‘तू नेंदैया कौरे।’ इथकारिए मोऐं बुलू, ‘हांव सैजाई औसौ जैसी पिता पौरमेशवरे जौई कौरा औरौ मुखै दुनिया पांदी भैज राए।’

यूहन्ना 11:27

मार्थाए तैसीखै बौल़ौ, “हां ओए रै प्रभु, हांव बिशवाश कौरु, कै पौरमेशवर का बैटा मसीह जू दुनिया पांदी आणौवाल़ा थिया, सै तू ही औसौ।”

यूहन्ना 19:7

यहूदी नेताए तैसीकै जोवाब दिया, अमारा बै ऐक कानून औसौ औरौ तिनु कानून कै हिसाब शै मोहर दैणौ कै लायक औसौ जिथुकै ऐजा आपी कै पौरमेशवर का बैटा बौल़ौ।

यूहन्ना 20:28

ऐजौ शोणेयो थोमाए जोवाब दिया “ओए रै मैरै प्रभु, ओए रै मैरै पौरमेशवर!”

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

यूहन्ना 6:69

औरौ आमै तांव पांदी बिशवाश कौरे राए औरौ जाणै गौवै, कै पौरमेशवर का पवित्र जन तू ही औसौ, औरौ सै मसीहा औसौ जैसीकै पौरमेशवरे भैजै राए।”

रोमियों 1:4

औरौ पवित्र आत्मा कै अनौखी शौकतै लैई सै मौरेयौंदे मुंजीदा जियुंदी हौणौ की बौजैह शै तियौं शौकतै कै साथै पौरमेशवर का बैटा साबित हौआ औरौ सैजा यीशु मसीह अमारा प्रभु औसौ।

2 कुरिन्थियों 1:19

जिथुकै पौरमेशवर का बैटा यीशु मसीह जैसका अमारै दवारा यानी मैरै औरौ सीलास औरौ तीमुथियुस कै दवारा तोंवारै बीच मुंजी प्रचार हौआ; यीशु मसीह दै कौलोंई “हां” औरौ कौलोंई “ना” ऐजी दुईनै बातौ ना हौंव।

इब्रानियों 7:3

पवित्र शास्त्र दै तैसकै माँ-बापू, औरौ पुराणिया या तैसकै जन्म या तैसकै मौत कै बारै मुंजी किछै बै ना लैखै रैई। सै सौदा कारिए ऐक महा पुरोहित औसौ। इथकारिए सै पौरमेशवर कै बैटै कै जैशणा औसौ।

1 यूहन्ना 2:23

जू कुणिए पौरमेशवर कै बैटै कै मौना कौरौ तैसीकैईं पिता पौरमेशवर बै ना आथी, जू बैटै खै मानै पांव, तैसीकैईं पिता पौरमेशवर बै औसौए।

1 यूहन्ना 3:8

जू कुणिए आदमी लगातार पाप कौरदा रौंव सै शैतान कै ढौबौशा औसौ, जिथुकै शैतान शुरु ही सै पाप कौरदा आए रौआ। पौरमेशवर का बैटा इथकारिए ओऊवा कै शैतान कै कामौ खै नाश कौरौ।

1 यूहन्ना 4:9

जू प्यार पौरमेशवर आमुआरी कौरौ, सै ऐशैखै प्रगट हौंव कै पौरमेशवरे आपणै इकलौतै बैटै खै दुनिया पांदी छाड़ै राए कै आमै तैसकै दवारा सौदा कै जिन्दगी पांव।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

2 यूहन्ना 1:9

जै कुणिए आदमी लगातार मसीह की शिक्षा कै ना मानौ पौरौ तिथमुंजी किछै हौजौ जोड़े दैंव सै पौरमेशवर कै साथै बौणेयौंदा ना आथी। पौरौ जू कुणिए आदमी लगातार तैसकी शिक्षा कै मानदा रौंव सै पिता पौरमेशवर कै साथै जोड़ेयौंदा रौंव।

प्रकाशितवाक्य 2:18

थुआतीरा शहर कै कलीसिया कै स्‍वर्गदूत कै ऐजौ लिख: “पौरमेशवर कै बैटै कै ढौबौशा ऐजा सौंदेश औसौ जैसकी आखी आगी कै लोपटो कै जैशणी चौमकै रोए थी औरौ जैसकै लात पीतलो कै जैशणै चौमकै रौए, जू तैज गरम आगी दै चौमकौ; हांव ताखै ऐजौ बुलू: