यूहन्ना 1:15 - सिरमौरी नौवाँ नियम

¹⁵ यूहन्नाए तैसकै बारै दै गवाही दै, औरौ जोर सै बौल़ौ, “ऐजा सैजाई औसौ, जैसकै बारै दौ मोऐं बौताए राए थियु, कै जू मैरै बाद आए रौआ, सै मुं दा बै बौड़ैबा औसौ, जिथुकै सै मुं दा औगौड़ियौ बजूद दा थिया।”

Sirmouri

¹⁵ तिनू देखियों, संत्त-यूहन्ना ऐ ऐजी घोष्णाँ करी; के “ऐ सेजे ही असो! तिन के बारे दो मुँऐ बुलो थियों; के जुण्जा मुँह पाछ़ी आँणों वाल़ा असो, से मुँह शा महाँन असो; किन्देंखे के से मुँह शे आगे भे थिऐ।”

यूहन्ना 1:15 ပူးပေါင်းရင်းမြစ်များ

मत्ती 3:11

“हांव तुऔं पाणी लैई बपतिस्मा दैंदा, जिनुवै आपणै पाप छोड़ेयौ पौरमेशवर कै ढौबौ मन राए लाए, पौरौ जू मैरै बाद आणौवाल़ा औसौ, सै मुं दा शौकतीशाली औसौ; हांव तौ तैसकै जूते कै तशमै खौलणौ कै लायक बै ना आथी, सै तुऔं खै पवित्र आत्मा औरौ आगै लैई बपतिस्मा दैंदा।

मरकुस 1:7

औरौ ऐजा प्रचार कौरौ थिया, “मैरै बाद सैजा आणौवाल़ा औसौ, जू मुं दा बै शौकतीशाली औसौ; हांव तौ ऐसी लायक बै ना आथी कै ऐकी दास कै जैशै झोकैबा तैसकै बूटो कै तशमै खोले सौकु।

लूका 3:16

तौ यूहन्नाए तिनु सौबी कै जोवाब दिया, “हांव तौ तुऔं पाणी शै बपतिस्मा दियु पौरौ सै आणौवाल़ा औसौ जू मुं दा बै शौकतीशाली औसौ; हांव तौ ऐसी लायक बै आथी ना कै तैसकै जूते कै तशमै खोले सौकु, सै तुऔं खै पवित्र आत्मा औरौ आगै लैई बपतिस्मा दैंदा।

यूहन्ना 1:27

यानी जू मैरै बाद आणौवाल़ा औसौ, हांव तौ तैसकै जूते कै तशमै खौलणौ कै लायक बै ना आथी।”

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

यूहन्ना 8:58

यीशुए तिनुखै बौल़ौ, “हांव तुऔं खै साचौ-साचौ बुलू, कै अब्राहम कै पौयदा हौणौ दा आगै, हांव औसौ।”

कुलुस्सियों 1:17

औरौ मसीह ही सौब चीज़ौ कै बाणणौ शै आगै दा ही मौजूद थिया, औरौ सौब चीज़ौ तैसदी ऐक साथै काम कौरौ।

इब्रानियों 13:8

यीशु मसीह दोतियो औरौ ऐलो औरौ हमैशा ऐक जैशणा औसौ। सै कौलोंई ना बौदलौ।

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”

प्रकाशितवाक्य 2:8

स्मुरना शहर कै बिशवाशी लोगौ कै मंडली कै स्‍वर्गदूत खै ऐजौ लिख: हांव आगला औरौ आखरी औसौ, हांव एकबेई मौरे गौआ थिया। पौरौ ऐबै हांव जियुंदी औसौ, औरौ हमैशा जियुंदी रौन्दा, जू हांव ऐजौ बुलू तिथु शुणौ: