यूहन्ना 1:14 - सिरमौरी नौवाँ नियम

¹⁴ औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

Sirmouri

¹⁴ बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

यूहन्ना 1:14 ပူးပေါင်းရင်းမြစ်များ

मत्ती 1:16

याकूब शै यूसुफ पौयदा हौआ, जू मरियम का घोरवाल़ा थिया, औरौ मरियम शै यीशु पौयदा हौआ, जैसीखै मसीहा बै बौल़ौए।

लूका 2:11

कै ऐलो राजा दाऊद कै बैतलहम शहर दा तुऔं कारिए ऐक उध्दार कौरणौवाल़ा जन्मे रौआ, औरौ ऐजाई मसीह प्रभु औसौ।

लूका 9:32

पतरस औरौ तैसकै साथै छोकैयौ कै नींदो दै थिए, औरौ जोबै सै आछ कौरेयौ बिज़ गौवै, तौ तैसकौ झमाकैदार पेयाशो दैखौ औरौ तिनु दु आदमी कै बै दैखै, जू तैसकै साथै खौड़ै थिए।

यूहन्ना 1:1

इयौं सारै दुनिया कै बाणणौ दै औगौड़ियौ ऐजौ थियु, जैसी वचन बौल़ै जांव, सैजा पौरमेशवर कै साथै थिया, औरौ सैजा पौरमेशवर थिया।

यूहन्ना 11:40

यीशुए तियौंखै बौल़ौ, “का मोऐं ताखै ना बुली थी कै जै तू बिशवाश कौरलै तौ तू पौरमेशवर कै महिमा कै दैखली।”

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 14:9

यीशुए तैसीखै बौल़ौ, “ओए रै फिलिप्‍पुस हांव ऐतरै दूसौ दा उंडा तोंवारै साथै औसौ, औरौ का तू मुखै ना जाणै? जैणै मुखै दैख राए तैणै पिता पौरमेशवर कै बै दैखै राए: तौ तू किथु बौल़ै कै पिता पौरमेशवर कै आमु दिखा?

यूहन्ना 17:22

औरौ सैजै महिमा जू तुऐं मुखै दै, मोऐं तिनुखै दै कै सैजै तैशैकैई ऐक हौंव जैशैकै आमुए ऐक औसौ।

यूहन्ना 17:24

ओए रै पिता, हांव चोऊं कै जिनु लोगौ खै तुऐं मुखै दैय राए, जिथै हांव औसौ, तिथै सैजै बै मैरै साथै हौंव कै सै मैरी महिमा कै दैखौ जू तुऐं मुखै दैय राए, जिथुकै तुऐं दुनिया कै बाणणौ दै औगौड़ियौ मुं आरी प्यार राखा।

यूहन्ना 18:37

राज्यपाल पिलातुसे बौल़ौ, “तौ का तू राजा औसौ? यीशुए जोवाब दिया, तू बौल़ै कै हांव राजा औसौ। मैरै जन्म लोणो औरौ दुनिया पांदी आणौ कै बौजैह ऐजै औसौ कै हांव सच कै बारै मुंजी शिखाए सौकु, औरौ सच कै मानणोवाल़ै सौबै मैरी बातौ शुणौ।

यूहन्ना 2:11

यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

यूहन्ना 3:18

जू पौरमेशवर कै बैटै पांदी बिशवाश कौरौ, तैसी पांदी कौलोंई दोष ना लाया जांव, पौरौ जू तैसी पांदी बिशवाश नै कौरला सै दोषी बौणै गौआ, इथकारिए की तैणै पौरमेशवर कै इकलोतै बैटै पांदी बिशवाश नै कौरी।

यूहन्ना 6:51

जीवन कै रोटै जू स्वर्ग शै उतरी रौए सै हांव औसौ जै कुणिए इयौं रोटी पौरैशौ खांव तौ हमैशा जियुंदा रौंदा औरौ जू रोटै हांव दुनिया कै लोगौ खै जीवन कारिए दियुंबा, सै मैरा शोरीर औसौ।”

यूहन्ना 8:32

तुऐं सौचाई जाणलै, औरौ सौचाई तुऔं खै आज़ाद कौरलै।”

प्रेरितो कै काम 13:33

कै पौरमेशवरे यीशु खै मौत शै जियुंदी कौरेयौ, सैजी कौरार अमारै सन्‍तान कारिए पोरे कौरे; जैशै भजन संहिता दो बै लैख राए, पौरमेशवरे मसीह कै बारै मुंजी बौतौऊ, ‘तू मैरा बैटा औसौ; ऐलो दा उबा हांव तैरा पिता बौणै गौआ।’

रोमियों 8:3

जिथुकै जू काम मूसा कै कानून अमारै पापी स्‍वभाव दै कमजोर हौयौ ना कौरे सौकी, तैसी काम कै पौरमेशवरे कौरा, यानी आपणै ही बैटै कै अमारै जैशणा आदमी हौणौ कारिए, औरौ अमारै पापौ कै बलिदान हौणौ कारिए भैजा। आपणै बैटै कै शोरीर कै दवारा पौरमेशवरे पाप कै शौकतै कै मिटाए दी।

रोमियों 9:5

अब्राहम, इसहाक औरौ याकूब तिनकै पुराणिया औसौ, जू यीशु मसीह कै पुराणिया बै थिए। पौरमेशवर, जू सौबी पांदी राज कौरौ, तैसकै तारीफ हमैशा हौंदै रौंव। आमीन।

1 कुरिन्थियों 15:47

आगला आदमी जू आदम थिया, धोरती पौरैशा यानी माटी लैई बौणेयौंदा थिया। मसीह जू कै दूजा आदमी औसौ, स्वर्ग पौरैशा ओऊवा।

2 कुरिन्थियों 12:9

औरौ तैणै मुखै बौल़ौ, “मैरा अनुग्रह तैरै खातिर काफी औसौ, जिथुकै मैरी अनौखी शौकतै कमजोरी दी सिध्द हौंव।” इथकारिए हांव बौड़ै खुशी लैई आपणै कमजोरी पांदी घमण्‍ड कौरदा, कै मसीह कै शौकतै मुं पांदी छाया कौरदै रौंव।

गलातियौं 4:4

जोबै सोही सौमय ओऊवा तौ पौरमेशवरे आपी आपणै बैटै खै ऐसी दुनिया दा भैजा, औरौ ऐक बैटमाणिशै तैसी जन्म दिया, औरौ सै यहूदी पौयदा हौयौ, मूसा कै कानून कै अधीन इथकारिए रौआ,

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

कुलुस्सियों 1:19

जिथुकै पिता पौरमेशवर कै खुशी इदै औसौ कै तैसकै सारै परिपूर्णता मसीह दै मौजूद रौ।

कुलुस्सियों 2:3

जिथुकै सै सैजाई औसौ जू पौरमेशवर कै बुध्‍दि औरौ ज्ञान कै पौछेयाण कौरांव जू कै तैसी खजाने कै जैशणा औसौ जू छिपैयौंदा औसौ।

कुलुस्सियों 2:9

इथकारिए इनु लोगौ कै धौखै दै नी आव जिथुकै जोबै मसीह आदमै बौणा तोबै बै सै पूरी तरह शै पौरमेशवर थिया।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

इब्रानियों 1:3

बैटा ही पौरमेशवर कै महिमा कौ पेयाशो औसौ, औरौ तैसदा ही आमै दैखै सौकु कै पौरमेशवर कैशणा औसौ, औरौ सौबी चीज़ौ खै आपणै शौकतीशाली वचनो लैई संभाल़ो तैणै लोगौ खै तिनकै पापौ शै शुध्द कौरे, औरौ तिथकै बाद स्वर्ग दा महिमामय पौरमेशवर कै सोऐं ढौबौ बौठै गौआ।

इब्रानियों 1:5

पवित्र शास्त्र दो पौरमेशवरे आपणै कोसी बै स्‍वर्गदूत कै ऐशै ना बुली, तू मैरा बैटा औसौ; ऐलो हांव ताखै बैटै कै रुप दा प्रकट कौरु औरौ ऐजौ तैणै ऐशै आपणै कोसी बै स्‍वर्गदूत कै ना बुली, हांव तैसका पिता बौणदा, “औरौ सै मैरा बैटा बौणै जांदा।”

इब्रानियों 10:5

इथकारिए जोबै मसीह दुनिया दा ओऊवा, तौ तैणै पौरमेशवर खै बौल़ौ, तू बलिदान औरौ भैंट ना चांए; सैजा बलिदान जू जानवरो खै पूरी तरह शै जौल़ायौ खै चौढ़ाया जांव औरौ बलिदान जू पापौ कै माफी कारिए भैंट चौढ़ाया जांव, सै ताखै खुशी ना कौरौ। पौरौ तुऐं मुखै बलिदान हौणौ कारिए ऐक आदमी बौणणौ दिया।

इब्रानियों 2:11

जिथुकै जू लोगौ खै तिनकै पापौ शै शुध्द कौरौ औरौ जू पवित्र लोग आपणै पापौ शै शुध्द कौरे जांव सौबै ऐकैई पिता कै संतान औसौ, यानी पौरमेशवर तिनका पिता औसौ, इयौं बौजैह शै यीशु तिनु भाईटु बौलणौ शै ना शर्मावं।

इब्रानियों 5:5

तैशैखैई, मसीहे बै आपी खै महायहूदी पुरोहित बौणैयौं आपी खै आदर दैणौ का फोयसला ना कौरी। पौरौ पौरमेशवरे मसीह का ऐजौ बौलेयौ आदर कौरा कै, “तू मैरा बैटा औसौ, ऐलो हांव ऐजौ साबित कौरु कै हांव ही तैरा पिता औसौ।”

1 यूहन्ना 4:14

औरौ आमुए बैटै कै दैखै बै पाया औरौ तैसकै गवाही दैंव कै पिता पौरमेशवरे बैटै कै दुनिया कै लोगौ का उध्दार कौरणौ कारिए भैजै राए।

1 यूहन्ना 4:9

जू प्यार पौरमेशवर आमुआरी कौरौ, सै ऐशैखै प्रगट हौंव कै पौरमेशवरे आपणै इकलौतै बैटै खै दुनिया पांदी छाड़ै राए कै आमै तैसकै दवारा सौदा कै जिन्दगी पांव।

2 यूहन्ना 1:7

मोऐं ऐजौ इथकारिए बौल़ै लो जिथुकै बौहितै सारै लोग झूठी शिक्षा दैयौ लोगौ कै धौखा दैय लौआ, सै दुनिया दै आए गौवै। औरौ सै बौल़ौए यीशु मसीह ऐक आदमी बोणेयो इयौं सोंईसारी पांदी ना आए रैई। जै कोसी आदमीए ऐशणै बात बौल़ै लौए तौ सै मसीह का दुशमन औसौ जू लोगौ कै सौदा धौखा दैंव।

प्रकाशितवाक्य 19:13

सै लोऊ मुंजी डौबेयौंदे लुस्कै कै बाम्बैयौंदा औसौ, औरौ तैसकौ नांव पौरमेशवर का वचन औसौ।

प्रकाशितवाक्य 21:3

तोबै मोऐं ऐक आवाज़ शौणै जू पौरमेशवर कै सिंहासन पौरैशै जोर शै आए, “दैख, ऐबै पौरमेशवर लोगौ मुंजी आपणा घोर बाणदा औरौ सै तिनकै साथै रौंदा, औरौ सै तैसकै लोग हौंदै, सै तिनु आपणै लोगौ कै रुप दै अपनांदा औरौ सै तिनकै साथै रौंदा, औरौ लोग बै तैसी आपणै पौरमेशवर कै रुप दै अपनाया कौरदै।