यूहन्ना 1:1 - सिरमौरी नौवाँ नियम

¹ इयौं सारै दुनिया कै बाणणौ दै औगौड़ियौ ऐजौ थियु, जैसी वचन बौल़ै जांव, सैजा पौरमेशवर कै साथै थिया, औरौ सैजा पौरमेशवर थिया।

Sirmouri

¹ आदि दा बचन थिया, बचन पंण्मिश्वर की गईलो थिया; अरह् बचन ही पंण्मिश्वर थिया।

यूहन्ना 1:1 ပူးပေါင်းရင်းမြစ်များ

मत्ती 1:23

“दैखैया, ऐकी कुंवारी कै होल़किणु हौल़ौ औरौ सै ऐकी बैटै खै जन्म दैलै, औरौ तैसकौ नांव इम्मानुएल राखैया,” जिथका मतलब औसौ पौरमेशवर अमारै साथै औसौ।

लूका 24:53

औरौ सै हर दूस मन्दिर दै जाऐबा पौरमेशवर कै स्तुति कौरौ थिए।

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 1:18

पौरमेशवर कै कोसीए कौलोंई ना दैखै रैई, सिरफ तैसकै इकलोतै बैटै दैखी राए ‍‌जू सौथी कै पौरमेशवर औसौ, औरौ पिता पौरमेशवर कै सौबिदा नेड़िक औसौ, तैणै आमु दिखाए राए, कै पौरमेशवर कैशणा औसौ।

यूहन्ना 1:2

सै शुरुआत शै ही पौरमेशवर कै साथै थिया।

यूहन्ना 16:28

हांव पिता पौरमेशवर कै ढौबौशा दुनिया दा आए रौआ, हौजौ दुनिया कै छोड़ेयौ पिता पौरमेशवर कै धोरे पाछु जांदा लागै रौआ।”

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

यूहन्ना 20:28

ऐजौ शोणेयो थोमाए जोवाब दिया “ओए रै मैरै प्रभु, ओए रै मैरै पौरमेशवर!”

यूहन्ना 8:58

यीशुए तिनुखै बौल़ौ, “हांव तुऔं खै साचौ-साचौ बुलू, कै अब्राहम कै पौयदा हौणौ दा आगै, हांव औसौ।”

रोमियों 9:5

अब्राहम, इसहाक औरौ याकूब तिनकै पुराणिया औसौ, जू यीशु मसीह कै पुराणिया बै थिए। पौरमेशवर, जू सौबी पांदी राज कौरौ, तैसकै तारीफ हमैशा हौंदै रौंव। आमीन।

इफिसियों 3:9

औरौ मुखै इयौं राज़ौ कै योजना खै सौबी कै सौमझाणौ कारिए बै चोणे राए थिया। पौरमेशवर, जू सारी दुनिया का बाणणौवाल़ा औसौ, तैणै शुरु शै ही इयौं योजना कै गुप्‍त राखै राए थै।

फिलिप्पियों 2:6

जैणै पौरमेशवर खै रुपो दै हौयौ बै पौरमेशवर कै बराबर हौणौ खै आपणै काबू दै राखणौ खै चीज़ ना सौमझी।

कुलुस्सियों 1:15

कुणिए बै पौरमेशवर कै ना दैखै सौकौ, पौरौ जोबै तैसका बैटा ऐक आदमी कै रुप दा ओऊवा तौ तैणै पौरमेशवर खै लोगौ कै सामणै प्रगट कौरे दिया; औरौ सौबी चीज़ौ कै बाणणौ दा आगै सै बजूद दा थिया औरौ पूरी दुनिया पांदी तैसका औधिकार सौबिदा बौड़ा औसौ।

कुलुस्सियों 1:17

औरौ मसीह ही सौब चीज़ौ कै बाणणौ शै आगै दा ही मौजूद थिया, औरौ सौब चीज़ौ तैसदी ऐक साथै काम कौरौ।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

इब्रानियों 13:8

यीशु मसीह दोतियो औरौ ऐलो औरौ हमैशा ऐक जैशणा औसौ। सै कौलोंई ना बौदलौ।

इब्रानियों 7:3

पवित्र शास्त्र दै तैसकै माँ-बापू, औरौ पुराणिया या तैसकै जन्म या तैसकै मौत कै बारै मुंजी किछै बै ना लैखै रैई। सै सौदा कारिए ऐक महा पुरोहित औसौ। इथकारिए सै पौरमेशवर कै बैटै कै जैशणा औसौ।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

1 यूहन्ना 5:7

औरौ गवाही दैणैवाल़ै तीन औसौ;

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”

प्रकाशितवाक्य 1:17

जोबै मोऐं तैसी दैखा, तौ हांव तौलोंई तैसकै लातो पांदी रिड़ै गौआ। हांव ऐक मौरेयौंदे आदमी कै जैशणा हौए गौआ। पौरौ तैणै मुं पांदी आपणा सोंवा हाथ राखैयौ ऐजौ बौल़ौ, “डौरेया नी; हांव आगला औरौ आखरी औसौ, हांव सैजा औसौ जू हमैशा जियुंदी औसौ,

प्रकाशितवाक्य 1:2

यूहन्नाए सैजौ सौब ठुँ लिखु, जू तैणै दैखौ, यानी सैजा सौंदेश जू पौरमेशवर कै ढौबौशा आए रौआ थिया औरौ सैजौ सौब ठुँ जू यीशु मसीहे बौल़ै राए थियु।

प्रकाशितवाक्य 1:8

पिता पौरमेशवर बौल़ौ, “हांव अल्फा औरौ ओमेगा औसौ, यानी कै, शुरुआत औरौ अंत औसौ। हांव ही औसौ जू औसौए, जू थिया, औरौ जू आणौवाल़ा औसौ, हांव सौबिदा बौड़ा शौकतीशाली औसौ।”

प्रकाशितवाक्य 19:13

सै लोऊ मुंजी डौबेयौंदे लुस्कै कै बाम्बैयौंदा औसौ, औरौ तैसकौ नांव पौरमेशवर का वचन औसौ।

प्रकाशितवाक्य 2:8

स्मुरना शहर कै बिशवाशी लोगौ कै मंडली कै स्‍वर्गदूत खै ऐजौ लिख: हांव आगला औरौ आखरी औसौ, हांव एकबेई मौरे गौआ थिया। पौरौ ऐबै हांव जियुंदी औसौ, औरौ हमैशा जियुंदी रौन्दा, जू हांव ऐजौ बुलू तिथु शुणौ:

प्रकाशितवाक्य 21:6

तोबै तैणै मुखै बौल़ौ, “ऐजी सौबै बातौ पूरी हौए गोई। हांव अल्फा औरौ ओमेगा औसौ, यानी आदि औरौ अंत औसौ। जू कुणिए बै तीशै औसौ, हांव तैसी तिथ पाणी कै फटवाणी पौरैशौ ऐई मुंजी पिणौ कारिए दैंदा जू बिना अंत का जीवन दैंव।

प्रकाशितवाक्य 22:13

“हांव अल्फा औरौ ओमेगा औसौ, यानी आदि औरौ अंत औसौ।”

प्रकाशितवाक्य 3:14

लौदीकिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जैसी आमीन बौला जांव। सै बिशवाश योग्यता कै साथै पौरमेशवर कै बारै मुंजी सौचाई कै प्रकट कौरौ, औरौ हांव सैजा औसौ जैसकै दवारा पौरमेशवरे सौब चीज़ौ कै रचना कौरे राए, हांव जू बुलूए सैजौ शुण: