याकूब 5:8 - सिरमौरी नौवाँ नियम

⁸ तैशैखैई तुऐं बै धीरज राखौ औरौ आशा कै ना छोड़ो, जिथुकै प्रभु तावल़ा आणौवाल़ा औसौ।

Sirmouri

⁸ तुँऐं भे ढैठ-हिम्मत करह्, अरह् सास पाक्का बंणाँव, किन्देंखे के प्रभू के आँवणीं नंजीक असो।

याकूब 5:8 ပူးပေါင်းရင်းမြစ်များ

लूका 21:19

आपणै भोरोशे कौरणौ शै तुऐं आपणै जिन्दगी कै बौचायौ राखदै।”

यूहन्ना 21:22

यीशुए तैसी बौल़ौ “जै हांव चोऊं तौ सै मैरै पाछु आणौ तौड़ी जियुंदी रौंव, तौ ताखै का? तू मैरा चैला बौणेयौंदा रो।”

रोमियों 8:25

पौरौ आमु किछै ऐशणौ भैटणौ कै उमीद औसौ, जू आमुकैंई इबी तौड़ी ना आथी, इथकारिए आमु सब्र कै साथै तांव तौड़ी ठोल़ु जांव तौड़ी कै आमु सैजी चीज़ भैटी नी जांव।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

फिलिप्पियों 4:5

सौबै लोग तोंवारै कोमल स्‍वभाव कै जाणै पांव। प्रभु झट ही आणौवाल़ा औसौ।

1 थिस्सलुनीकियों 1:10

औरौ सै बौल़ौए कै तुऐं कैशै पौरमेशवर कै बैटै कै औटेयौ पाछु आणौ कै ठोल़नाए कौरे लोए, जैसीखै पौरमेशवरे मौरेयौंदे मुंजीदा जियुंदी कौरा, यानी यीशु कै जू आमु कै पौरमेशवर कै आणौवाल़ै क्रोध शै बौचांव।

1 थिस्सलुनीकियों 2:19

अमारै आशा, या खोशे या बौड़ाए का मुकुट कुण औसौ? ऐजै तुऐंई हौंदै जोबै अमारा प्रभु यीशु मसीह औटेयौ पाछु आन्दा।

1 थिस्सलुनीकियों 3:13

आमै प्रार्थना कौरु कै अमारा प्रभु यीशु मसीह तोंवारै मन खै ऐशै मोजबूत कौरौ, कै जोबै अमारा प्रभु यीशु मसीह आपणै सौबै पवित्र लोगौ कै साथै औटेयौ पाछु आला, तौ सै अमारै पौरमेशवर पिता कै सामणै पवित्रता दै निर्दोष ठौहरौ।

2 थिस्सलुनीकियों 3:5

आमै प्रार्थना कौरु कै प्रभु यीशु मसीह तुऔं दिखांव कै पौरमेशवर तुऔंआरी कैतरा प्यार कौरौ, औरौ सताव खै तैशैखैई सैहन कौरेया जैशैखै मसीहे सैहन कौरे राए।

याकूब 5:3

तोंवारै सूनै-चांदी दा जर लागै गौआ, औरौ जोबै पौरमेशवर तोंवारा न्याय कौरदा, तोबै ऐजा जर तोंवारै खिलाफ ऐक गवाह कै जैशणा हौंदा, औरौ ऐजा जर तोंवारै शोरीर कै आग कै जैशणा जोल़ाए दैंदा। ऐजा आखरी जुग का अन्त औसौ औरौ तुऐं लोगै धन का ढैर लाए राए।

याकूब 5:9

ओए रै भाईटु, ऐकी दूजै पांदी आपणै पौरैशानी कै बौजैह शै दोष ना लाव, ताकि तुऐं दोषी ना ठौहरौ, दैखौ, न्याय कौरणौवाल़ा आणौ कारिए तैयार औसौ।

1 पतरस 4:7

सौबी बातौ का अन्त तावल़ा हौणौवाल़ा औसौ; इथकारिए आछै शै सुंचौ औरौ आपी खै काबू दै राखैयौ प्रार्थना कौरणौ कारिए चौकश रौंव।

प्रकाशितवाक्य 22:20

यीशु इनु सौबी वचनो कै गवाही दैंव, औरौ सै बौल़ौ, “हां, हांव तावल़ा आणौवाल़ा औसौ।” मोऐं यूहन्नाए जोवाब दिया, आमीन। ओए रै प्रभु यीशु आ।