याकूब 5:7 - सिरमौरी नौवाँ नियम

⁷ इथकारिए ओए रै भाईटु, प्रभु कै आणौ तौड़ी धीरज धोरो, जैशै किसान बागड़ी कै कीमती फसल कै आशा राखौ औरौ आगली औरौ पाछल़ी बारिश हौणौ तौड़ी धीरज शै ठोल़नाए कौरौ, ताकि फसल बौढ़ौ औरौ काटणौ कारिए तैयार हौंव।

Sirmouri

⁷ ईन्देंखे हे भाऐ बंईणों, प्रभू के हजो संईसारी दे आँणों तोड़ी, ढैठ-हिम्मत थह, जेष्णा ऐक जिम्दार आप्णी शाखों बोंणों खे ख्याल थंह्, जाव तोड़ी के जीमी दी शाख बोंणों खे सर्गो शो पाँणी आऐयों बातर ने पड़ो, अरह् से ताँव-तोड़ी सबैर करियों बातर पड़णों दियों।

याकूब 5:7 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 16:28

हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”

मत्ती 24:27

“जिथुकै जैशै बिजली पूरब शै निकल़ैयो पशिचमो तौड़ी चौमकैयो जांव, तैशैकैई मुं आदमी कै बैटै का बै आणा हौंदा।

मत्ती 24:44

इथकारिए तुऐं बै तैयार रौया, जिथुकै जैसी सौमय कै बारै मुंजी तुऐं सोंचै बै ना रैई तैसी सौमय हांव आदमी का बैटा आए जांदा।”

लूका 18:8

हांव तुऔं खै बुलू, सै तावल़ा तिनका न्याय चुकांदा; पौरौ जौल़ौ हांव आदमी का बैटा पाछु ओऊंबा, तौ मुखै धोरती पांदी कैतरै लोग भैटदै जिनुदा बिशवाश हौला?”

लूका 21:27

तोबै मुं आदमी कै बैटै कै अनौखी शौकतै औरौ बौड़ै महिमा कै साथै बादल़ौ पांदी आन्दै दैखदै।

लूका 8:15

पौरौ बड़िया जोमीनो कै बिज़ सैजै लोग औसौ, जू पौरमेशवर का वचन शोणेयो ईमानदारी औरौ आछै मनो दै सोम्‍भालयों राखौ औरौ धीरज राखैयौ फोल़ लांव।”

यूहन्ना 21:22

यीशुए तैसी बौल़ौ “जै हांव चोऊं तौ सै मैरै पाछु आणौ तौड़ी जियुंदी रौंव, तौ ताखै का? तू मैरा चैला बौणेयौंदा रो।”

यूहन्ना 21:23

इथकारिए बिशवाशी भाईयों मुंजी ऐजै बात फोयलै गौए, कै सैजा चैला मौरदा ना। तोबै यीशुए तैसीखै ऐजौ नी बुली, कै सै ना मौरदा; पौरौ ऐजौ कै, “जै हांव चोऊं कै सै मैरै पाछु आणौ तौड़ी जियुंदी रौंव, तौ ताखै इंदु का?”

रोमियों 15:4

जैतरी बातौ आगै पवित्र शास्त्र दी लैखै रैई, सैजी अमारी ही शि‍क्षा खातिर लैखै राए, कै पवित्र शास्त्र शै जू आमु धीरज औरौ हिम्मत भैटौ ताकि आमु तिंदै आशा राखै सौकु कै पौरमेशवरे जू वादा कौरे राए थिया, सै पूरा कौरदा।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

1 कुरिन्थियों 1:7

औरौ इयौं बौजैह शै, पवित्र आत्माए आमुखै सैजै सौबै वरदान दैय राए जिथकै आमु जौरुरत औसौ, जौबेकै आमै उम्मीद कै साथै अमारै प्रभु यीशु मसीह कै पाछु आणौ कै ठोल़नाए कौरे लौए।

गलातियौं 5:5

हांव ऐशै बौल़ै सौकु जिथुकै आमु पवित्र आत्मा पोरे आशा दियांव कै पौरमेशवर आमु धरमी कै रुप दै अपनाए राए जिथुकै आमै मसीह पांदी बिशवाश कौरु।

गलातियौं 6:9

आमु भले काम कौरणौ दै पाछु ना रौं तौ जै आमै कौलोंई हार ना मानु, तौ पौरमेशवर शै आपणै सौमय पांदी इनाम पांदै।

कुलुस्सियों 1:11

आमै प्रार्थना कौरु कै पौरमेशवर आपणी अनौखी शौकतै कै हिसाब शै तुऔं जादा ताकतवर बौणादा रौंव ताकि तुऐं सब्र औरौ खुशी शै आपणै दुखो कै सैहन कौरे सौकौ।

1 थिस्सलुनीकियों 1:3

औरौ जोबै आमु पिता पौरमेशवर शै प्रार्थना कौरु, तौ सैजै काम जू तुऐं बिशवाश कै बौजैह शै कौरौ, औरौ बिशवाशियौं कै मौदद कौरणौ कारिए जू कड़ी मैहनत कौरौ जिथुकै तुऐं तिनुआरी प्यार कौरौ, औरौ तुऐं सैहन कौरौ जिथुकै तुऐं प्रभु यीशु मसीह कै पाछु आणौ कै उमीद कौरे लोए।

1 थिस्सलुनीकियों 2:19

अमारै आशा, या खोशे या बौड़ाए का मुकुट कुण औसौ? ऐजै तुऐंई हौंदै जोबै अमारा प्रभु यीशु मसीह औटेयौ पाछु आन्दा।

1 थिस्सलुनीकियों 3:13

आमै प्रार्थना कौरु कै अमारा प्रभु यीशु मसीह तोंवारै मन खै ऐशै मोजबूत कौरौ, कै जोबै अमारा प्रभु यीशु मसीह आपणै सौबै पवित्र लोगौ कै साथै औटेयौ पाछु आला, तौ सै अमारै पौरमेशवर पिता कै सामणै पवित्रता दै निर्दोष ठौहरौ।

इब्रानियों 6:15

अब्राहमै सब्र राखैयौ लाम्बै सौमय तौड़ी इंतजार कौरा। तोबै तैसी सैजौ भैटौ जिथका वादा पौरमेशवरे कौरे राए थिया।

याकूब 4:11

ओए रै भाईटु ऐकी दूजै कै बोदनामी नै कौरौ, जू आपणै भाई कै बोदनामी कौरौ या तैसी पांदी दोष लांव, सै व्यवस्‍था खै बोदनामी कौरौ औरौ कानून पांदी दोष लांव; औरौ जै तू कानून पांदी दोष लांए, तौ तू कानून कै मानणौ वाल़ा ना आथी पौरौ तिथपांदी न्याय कौरणौवाल़ा बौण जाए।

याकूब 5:10

ओए रै भाईटु, जिनुऐ पौरमेशवर कै बातौ बौताणौवाल़ै प्रभु कै नांव शै बातौ कौरी, तिनुखै दुख उठाणै औरौ धीरज धोरणो का ऐक आर्दश सौमझौ।

याकूब 5:3

तोंवारै सूनै-चांदी दा जर लागै गौआ, औरौ जोबै पौरमेशवर तोंवारा न्याय कौरदा, तोबै ऐजा जर तोंवारै खिलाफ ऐक गवाह कै जैशणा हौंदा, औरौ ऐजा जर तोंवारै शोरीर कै आग कै जैशणा जोल़ाए दैंदा। ऐजा आखरी जुग का अन्त औसौ औरौ तुऐं लोगै धन का ढैर लाए राए।

2 पतरस 3:4

औरौ सै बौलदै, “तैसका आणौ का वादा साचा ना आथी! सै कौलोंई ना आन्‍दा, जिथुकै जू शुरुआत दै अमारै अगुवे थिए, सै सौबै जोणे मौरे गौवै, पौरौ तोबै बै किछै ना बौदल़ी। चीज़ौ तैशैखैई हौन्दी लागी रौई जैशै सै तौलौ हौंव थी जौल़ौ पौरमेशवरे दुनिया कै बाणै थै।”