याकूब 5:19 - सिरमौरी नौवाँ नियम

¹⁹ ओए रै मैरै भाईटु, जै तुऔं मुंजी कुणिए बिशवाशी पौरमेशवर कै साची शिक्षाओं शै भोटके जांव, औरौ जै कुणिए तैसकै पापौ कै छौड़णौ दै मौदद कौरौ

Sirmouri

¹⁹ हे मेरे भाऐ बंईणों, जे तुँओं मुँझ्षा कुँऐं सच्चाई के बाटो शा भट्की ज़ाला, अरह् तेसी कुँऐं पाछू फिरऐयों आँणों। स्वर्गदूत्तों दे हुटे दे भे खुशी मनुवाँ जे कुँऐं बुराई शा पाछू फिरंह्

याकूब 5:19 ပူးပေါင်းရင်းမြစ်များ

मत्ती 18:15

“जै तैरा बिशवाशी भाई तैरै खिलाफ पाप कौरौ, तौ जा औरौ इकली बातचीत कौरेयौ तैसीखै सौमझा; जै सै तैरी शुणल़ा औरौ पाप कौरणा छोड़ दैला तौ तुऐं आपणै भाई खै हासिल कौरे पाए।

लूका 22:32

पौरौ मोऐं तांव कारिए प्रार्थना कौरे राए कै तू बिशवाश कौरणा छोड़े ना दैय, औरौ जोबै तू मैरै धोरे पाछु आए रौआ, तौ तू आपणै भाईड़ी कै मजबूत कौरेया कै सै मुं पांदी बिशवाश कौरौ।”

गलातियौं 6:1

ओए रै बिशवाशी भाईयों, जै कोसी आदमीए कुणजाई पाप कौरे राए। तौ तुऐं जू पवित्र आत्मा कै अगुवाई शै चालौ, तैसी प्यार शै सोही बाटो पांदी पाछु लाणौ कारिए तैसकै मौदद कौरौ। ध्यान राखौ कै कोदी आपी ही तैसी पाप दै नै पौड़ै जांव।

1 तीमुथियुस 6:10

जिथुकै पौयसै का लोभ सौब भान्त कै बुराई कै बौजैह औसौ। किछै लोगै सुलै-सुलै मसीह की शिक्षाओं पांदी बिशवाश कौरणा बंद कौरे दिया जिथुकै सै धन कै बैजाए चांव थिए, औरौ सै कैई तरह शै दुखी औसौ, ऐक ऐशणै आदमी कै जैशणै जैणै आपी कै ऐकी हथियार लैई नुकसान कौरे राए।

1 तीमुथियुस 6:21

कुछैक लोगै ऐशणै झूठै ज्ञान खै अपनाए राए, औरौ ऐशै कौरेयौ, लोग ऐबै मसीह की साची शिक्षाओं पांदी बिशवाश ना कौरौ। हांव प्रार्थना कौरु कै पौरमेशवर का अनुग्रह तुऔं सौबी पांदी बौणेयौंदा रौंव।

2 तीमुथियुस 2:18

तिनुऐ सौचाई पांदी बिशवाश कौरणा बन्द कौरे दिया। तिनका मानणा औसौ कै पौरमेशवरे औगौड़ियौ ही मौरेयौंदे बिशवाशी कै सौदा कै जीवन कारिए मौरेयौंदे मुंजीदै जियुंदी कौरे राए। इयौं बौजैह शै तिनुऐ बिशवाशियौं कै मसीह कै शिक्षाओं पांदी बिशवाश कौरणौ शै रौकै लौवै।

इब्रानियों 5:2

जिथुकै ऐक आदमी हौणौ कै नातै सै आपी बै कमजोरियों खै अधीन औसौ। इथ बौजैह शै सै नासमझ औरौ भोटकैयोंदै लोगौआरी प्यार शै बर्ताव कौरे सौकौ।

याकूब 1:16

ओए रै मैरै प्यारे भाईटु धौखा ना खांव।

याकूब 1:19

ओए रै मैरै प्यारे भाईटु, ऐजै बात तुऐं जाणै पाव, हरेक आदमै शुणणौ कारिए तैयार, औरौ बौल़ाणौ दा सब्र राखणौ वाल़ा, औरौ गुस्सा कम कौरणौवाल़ा हौंव।

याकूब 3:14

पौरौ जै तुऐं आपणै-आपणै मन दै बैजाए ज़लन औरौ स्वार्थ राखौ, तुऐं ऐजा घमण्‍ड नी कौरणा चैंई कै तुऐं ऐक बुध्दिमान आदमै औसौ। जै तुऐं ऐशै कौरौ तौ तुऐं सौचाई खै झूठ दो बौदलै दैंव।

याकूब 5:20

तौ तुऔं ऐजौ पौता हौणौ चैंई कै जू कुणिए आदमी सौचाई शै भोटकैयोंदै पापी कै फैर लांव, तौ सै तैसी पापी कै जिन्दगी कै मौत शै बौचांदा औरौ पौरमेशवर तैसकै सौबै पापौ कै माफ कौरे दैंदा।

2 पतरस 3:17

इथकारिए ओए रै प्यारो तुऐं आगैई जाणौए कै ऐजी बातौ हौन्दीए। इथकारिए, चौकश रौव ताकि जू लोग नियमौ कै ना मानौ सै तुऔं कैई झूठु बौलेयौ तुऔं भौटकाए नी दैंव। तौ तुऐं साची बातौ पांदी बिशवाश कौरणा बंद कौरे दैंदै, जिथपांदी तुऐं ऐक सौमय मोजबूती शै बिशवाशी कौरे राए थिया।

यहूदा 1:11

तिनु पांदी हाय! तिनुऐ आदम कै बैटै कैन कै जैशणै दुष्टता शै बर्ताव कौरा, जैणै आपणै भाई खै मारै दिया। तिनुऐ काल़ैयौ सैजै गौलती कौरे जू बिलामै ओकी लोगौ खै पाप कै ढौबौ लोए जाणौ शै कौरे राए थै ताकि पौयसै पाए सौकौ। जैशैखै मूसा कै खिलाफ आपणै लौड़ाई की बौजैह शै कौरह का नाश हौए गौआ, तैशैखैई ऐजै लोग बै नाश हौए जांदै जिथुकै ऐजै बै प्रभु कै खिलाफ लौड़ाए कौरौ।