याकूब 5:16 - सिरमौरी नौवाँ नियम

¹⁶ इथकारिए तुऐं आपी मुंजी ऐकी दूजै कै सामणै आपणै-आपणै पापौ खै मानै पाव, औरौ ऐकी दूजै कारिए प्रार्थना कौरौ, जिथलैई तुऐं ठीक हौए जांव, औरौ धरमी आदमी कै प्रार्थना जादा शौकतीशाली हौंव औरौ तिथकै अनौखै नतीजै भैटौ।

Sirmouri

¹⁶ आछो तअ ऐजो असो, के तुऐं आप्णें पाप आपु ओका ओकी के साम्णें माँनी पाँव, अरह् ओका ओकी खे प्रार्थना करह्, जिन्दें लई तुँऐं हजो चाँगै हऐ ज़ाँव, किन्देंखे के धर्मी जंण की प्रार्थना की शक्त्ति लई सब-कुछ हों।

याकूब 5:16 ပူးပေါင်းရင်းမြစ်များ

मत्ती 21:22

औरौ जू किछै तुऐं प्रार्थना मुंजी बिशवाश सै मांगलै सैजौ सौबै तुऔं खै भैटी जांदो।”

मत्ती 3:6

औरौ तिनुऐ आपणै-आपणै पापौ खै मानेबा यरदन नोंदी दा तैसी कैईंदा बपतिस्मा लौआ।

मरकुस 1:5

यहूदिया प्रदेश कै, औरौ यरूशलेम शहर कै रौणौवाल़ै बौहितै लोग निकल़ैयो तैसकै धोरे हौटै, औरौ आपणै पापौ खै मानेबा यरदन नोंदी दा तैसी कैईंदा बपतिस्मा लौआ।

लूका 9:6

औरौ सै निकल़ैयो गांव-गांव सुसमाचार प्रचार कौरदै, औरौ हर कोसी लोगौ कै ठीक कौरदै फिरदै लागै।

यूहन्ना 9:31

आमै जाणुए कै पौरमेशवर पापी लोगौ की ना शुणौ पौरौ जै कुणिए पौरमेशवर कै आराधना कौरौ, औरौ तैसकै इछा पांदी चालौ, तौ सै तैसकी शुणौए।

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

प्रेरितो कै काम 19:18

औरौ जिनुवै बिशवाश कौर राए थिया, तिनुमुंजी दै बौहितै लोगै आयौ आपणै-आपणै बुरै कामौ खै खुलैआम मानै पाए।

प्रेरितो कै काम 8:24

शमौने जोवाब दिया, “तुऐं मुं कारिए प्रभु शै प्रार्थना कौरौ कै जू बातौ तुऐं बौल़ै रैई, तिनुमुंजी दै कुणजै मुं पांदी आए ना जांव।”

रोमियों 3:10

जैशैकै पवित्र शास्त्र बौल़ौ “पौरमेशवर कै नज़र दै कुणिए बै धरमी ना आथी, ऐक बै ना आथी।

रोमियों 5:19

जिथुकै जैशै ऐक आदमी कै आज्ञा ना मानणौ लैई बौहितै लोग पापी ठौहरौ, तैशैखैई ऐक आदमी कै आज्ञा मानणौ लैई बौहितै लोग धरमी साबित कौरे जांदै।

कुलुस्सियों 1:9

इथकारिए जैसी दूसौ दो ऊबु आमुए ऐजौ शौणै राए आमै बै तुऔं कारिए लगातार प्रार्थना औरौ बिन्ती कौरु; कै पौरमेशवर कै आत्मा तुऔं ज्ञान औरौ सौमझ दैंव ताकि तुऐं तैसकै इछा कै पूरी तरह शै सौमझै सौकौ।

1 थिस्सलुनीकियों 5:17

सौदा प्रार्थना कौरदै रौव।

1 थिस्सलुनीकियों 5:23

पौरमेशवर जू शान्तै दैंव आपी ही तुऔं पूरी तरह शै पवित्र कौरौ; तोंवारै पोरे आत्मा, प्राण औरौ शोरीर अमारै प्रभु यीशु मसीह कै औटेयौ पाछु आणौ तौड़ी निर्दोष रौंव।

1 थिस्सलुनीकियों 5:25

ओए रै बिशवाशी भाईयों, आमु कारिए प्रार्थना कौरौ।

इब्रानियों 11:4

बिशवाश लैई आदम कै बैटै हाबिलै आपणै बौड़ै भाई कैन दा बड़िया बलिदान पौरमेशवर कारिए चौढ़ौऊवा; औरौ बलिदान कै दवारा गवाही दैय कै हाबिल ऐक धरमी आदमी थिया। जिथुकै पौरमेशवर तैसकै बलिदान शै खुशी थिया; औरौ हाबिलै आपणी मौत कै बाद बै, आमु शिखाए लो कै बिशवाश कैशणा हौणा चैंई।

इब्रानियों 11:7

बिशवाश लैई ही नूह खै जोबै पौरमेशवर तैसी ऐक बाढ़ कै बारै मुंजी चैतावणी दैय जू तैणै इबी ना दैखै रैई थी, तोबै बै तैणै चैतावणी पायौ पौरमेशवर आरी बैजाए डौर कै साथै आपणै परिवार कै बौचाणौ कारिए जहाज बाणौ, नूह कै बिशवाश शै औकै लोग जिनुवै बिशवाश ना कौरी, दोषी ठौहरै। औरौ नूह आपणै बिशवाश लैई ही पौरमेशवर की नज़र दा धरमी बौणा

इब्रानियों 12:13

औरौ इथै-तिथै दैखणौ कै बजाय, तुऐं तियौं सीधै बाटौ पांदी जाव जू यीशु कै धोरे लोय जांव, ताकि अमारै बीच मुंजी जू लोग आत्मिक रीति शै कमजोर औसौ, सै भौटकै नी जांव पौरौ तिनका बिशवाश मोजबूत हौए जांव।

इब्रानियों 13:18

अमारै खातिर प्रार्थना कौरदै रौव, जिथुकै आमै निशोंक हौयौ जाणुए, कै अमारा विवेक शुध्द औसौ, औरौ आमै जू बै काम कौरो तिनु सौबी कामौ दा पौरमेशवर का आदर कौरणा चांव।

1 पतरस 2:24

जोबै मसीह मौरा, तौ अमारै पापौ कै बौजैह शै क्रूस पांदी तैसकै शोरीर खै सौजा दै। तैणै ऐशै इथकारिए कौरौ ताकि आमु पाप कौरणा बंद कौरे दियु औरौ धरमी जीवन जिणा शुरु कौरे दियु औरौ तिनु जख्मौ कै बौजैह शै जू मसीहे झैलै, आमै आत्मा, प्राण औरौ शोरीर दै ठीक हौए गौवै।

1 यूहन्ना 3:22

औरौ जू किछै आमै पौरमेशवर शै मांगुए, सैजौ आमु तैसी कैईंदु भैटौए; जिथुकै आमै पौरमेशवर की आज्ञाओं खै मानुए; औरौ जू पौरमेशवर कै भाँवए आमै सैजौई कौरु।