याकूब 5:11 - सिरमौरी नौवाँ नियम

¹¹ आमु दुखो दै धीरज धोरणो वाल़ौ खै धन्‍य बुलू। तुऐं अय्‍यूब नांव कै ऐक आदमी कै धीरज राखणौ कै बारै मुंजी तौ शौणै राए, औरौ तुऐं ऐजौ बै जाणौए कै पौरमेशवरे आखरी दी तैसकै कैशै मौदद कौरे, जिथलैई प्रभु कै बैजाए करूणा औरौ दया प्रगट हौंव।

Sirmouri

¹¹ दे:खो, आमें सबैर माँर्णों वाल़े खे सभासी दियों; अरह् तुऐ अय्यूब के धीरज-सबैर के बारे दो तअ शुणी ही थुओ! अरह् तेसी प्रभू के कृपा शा जुण्जा प्रतिफल़ भेटा; तुँऐ सेजा भे जाँणोंऐं, जिन्दें लई प्रभू के बैजाऐ करूणा, अरह् दया पर्गट हों।

याकूब 5:11 ပူးပေါင်းရင်းမြစ်များ

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

लूका 1:50

औरौ तैसकै दया तिनु लोगौ पांदी बौणैयौंदे रौंव जू पीढ़ी शै पीढ़ी तौड़ी तैसिदै डौरौ।

लूका 11:10

जिथुकै जू कुणिए मांगलै, तैसीखै दैय जांदो, औरौ जू कुणिए जौला, तैसीखै भैटी जांदो, औरौ जू कुणिए खोट-खोटाला तैसीखै दवार उंडु खोले जांदो।

लूका 6:36

जैशणा तोंवारा स्वर्ग का पिता दया कौरणौवाल़ा औसौ, तैशैकैई तुऐं बै दया कौरणौवाल़ै बौणौ।”

रोमियों 2:4

का तू पौरमेशवर कै भोलाए, औरौ सहनशीलता, औरौ सब्ररुपी धन कै बैकार जाणै? औरौ का ऐजौ ना सौमझै कै पौरमेशवर कै भोलाए ताखै पाप छोड़ेयौ मन फिराणौ कै शिखांव?

इफिसियों 1:6

इथकारिए आमै पौरमेशवर कै महान अनुग्रह कारिए तैसकै बौड़ाए कौरु, जू तैणै आमु ऐई मुंजी दैय राए जिथुकै आमै तैसकै प्यारे बैटै कै साथै ऐक औसौ।

इफिसियों 2:4

पौरौ पौरमेशवर बैजाए दयालु औसौ; आपणै तैसी बौड़ै प्यार की बौजैह शै तैणै आमुआरी प्यार कौरा,

इब्रानियों 10:39

पौरौ आमै तिनु लोगौ मुंजी ना आथी जू पौरमेशवर पांदी भोरोशा कौरणा छोड़े दैंव औरौ जिनकै जिन्दगी नाश हौए जांव। पौरौ आमै तिनु लोगौ मुंजीदै औसौ जू आपणा बिशवाश बाणैयौंदा राखौ।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।

याकूब 1:2

ओए रै मैरै बिशवाशी भाईटु, जोबै तुऔं सांत भान्त की पौरैशानी आंव, तौ इथुकै खुशी कै बात सौमझौ।

1 पतरस 1:13

इथकारिए, जू किछै तुऐं सुंचौए तिथपांदी तुऔं काबू राखणा चैंई। औरौ ऐशै कौरेयौ आपणै जीवन दै पूरै तरह शै आपणै बिशवाश कै साथै चालौ। औरौ तियौं मोक्ति कै आशा राखैयौंदे राखौ जू पौरमेशवर अनुग्रह शै तुऔं तोबै दैंदा जोबै यीशु मसीह स्वर्ग पौरैशा आला।

1 पतरस 3:14

पौरौ जै तुऐं सोही औसौ औरौ ऐजौ कौरणौ कै बौजैह शै तुऐं दुख सैहलै तौ पौरमेशवर तुऔं आशीष दैंदा। तैशैखै कौरौ जैशै याशायाहै लैखै राए थियु: “तिनु लोगौ दै नी डौरेया, जू तुऔं डौरांव औरौ इयौं बातौ कै फिकर नी कौरेया कै लोग का कौरे सौकौ।”

2 पतरस 2:9

जोबै कै प्रभुए इनु सारी चीज़ौ खै कौरे राए, तौ इथलैई पौता चालौ कै सै जाणौए कै तैसकै लोगौ खै तिनकै दुखो लैई कैशै छुड़ाणे, औरौ कैशै बुरै लोगौ खै न्याय कै दूस तौड़ी लगातार सौजा दैणी।