याकूब 4:4 - सिरमौरी नौवाँ नियम

⁴ ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।

Sirmouri

⁴ ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

याकूब 4:4 ပူးပေါင်းရင်းမြစ်များ

मत्ती 12:39

यीशुए तिनुखै जोवाब दिया, “ऐसी जमाने कै लोग निशान चांव; जिथुखै सै बुरै औसौ, औरौ बिशवाश ना कौरणा चांव, पौरौ योना पौरमेशवर कै बातौ बौताणौवाल़ै कै निशान छोडे़बा ओका कुणजाई बै निशान तिनु दिया ना जांदा।

मत्ती 16:4

ऐसी जमाने कै बुरै, औरौ गौलत सौमबंध राखणौवाल़ै लोग किथुखै निशान चांव, पौरौ योना पौरमेशवर कै बातौ बौताणौवाल़ै कै निशान छोडे़बा कुणजाई बै निशान ना दिया जांदा।” औरौ सै तिनु छोडे़बा आगु हौटा।

मत्ती 6:24

“कुणिए बै आदमी दौ स्‍वामियो कै सेवा ना कौर सौकौ जिथुकै सै ऐकी आरी दुशमनी औरौ ओकी आरी प्यार कौरदा या ऐकी का आदर कौरला औरौ दूजै कै सै बैकार जाणदा: ऐशैखैई तुऐं ऐकी सौमय पांदी पौरमेशवर औरौ धन दु कै सेवा ना कौर सौकौ।

लूका 19:27

पौरौ मैरै तिनु बौयरी खै जू चांव ना थिए, कै हांव तिनका राजा बौणु, तिनु इथै लाएबा मैरै सामणै मारै दैव।’ ”

यूहन्ना 15:19

जै तुऐं इयौं दुनिया कै लोगौ कै जैशणै हौंदै, तौ दुनिया कै लोग आपणै आरी प्यार राखदै, पौरौ इयौं दुनिया कै लोगौ कै साथै तोंवारै संगति ना आथी, जिथुकै मोऐं तुऔं दुनिया पौरैशै चोणे राए; इथकारिए दुनिया कै लोग तुऔं आरी बोयर राखौ।

यूहन्ना 17:14

मोऐं तैरा सौंदेश तिनुकै दिया, औरौ दुनिया कै लोगै तिनु आरी बोयर राखा, जिथुकै जैशै हांव दुनिया आरी सौमबंध ना राखु, तैशैकैई सैजै बै दुनिया आरी सौमबंध ना राखौ।

यूहन्ना 7:7

दुनिया कै लोग तुऔं शै बैर ना कौरे सौकौ पौरौ सै मुं आरी बैर कौरौ, जिथुखै हांव तिनकै खिलाफ दो ऐजौ बुलू, कै तिनकै काम बुरै औसौ।

रोमियों 5:10

जिथुकै जोबै आमै पौरमेशवर कै बौयरै थिए तौ तैसकै बैटै कै मौत कै दवारा तैणै अमारै साथै मैल-मिलाप बाणा, इथकारिए आमु निशोंक हौयौ ऐजै बात जाणुए कै अमारा तैसकै साथै मैल-मिलाप का सौमझौता हौए रौआ तौ सै आमु बौचांदा जिथुकै मसीह जियुंदी औसौ।

रोमियों 8:7

जिथुकै पापी स्‍वभाव कै हिसाब शै जीवन जिणौ वाल़ा आदमी पौरमेशवर शै बैर राखणा औसौ, जिथुकै ना तौ पापी स्‍वभाव पौरमेशवर कै नियम-कानून कै अधीन औसौ, औरौ ना नियम-कानून का पालन कौरे सौकौ।

1 कुरिन्थियों 1:20

तौ तोबै बुध्दिमान आदमी औरौ यहूदी शास्त्री कै दशा का औसौ औरौ जू ऐक माहिर वाद-विवाद औसौ जू इयौं दुनिया पांदी हौंव? जिथुकै पौरमेशवरे आगैई दिखाए राए कै तिनकै संसारिक बुध्दि कै कुणजै कीमत ना आथी।

1 कुरिन्थियों 1:21

जिथुकै पौरमेशवरे आपणी बुध्दि लैई दैखै राए थियु कै आदमी कै ज्ञान कै हिसाब शै दुनिया तैसी कौलोंई ना जाणै पांदै, इथकारिए तैणै बिशवाश कौरणौवाल़ै खै बौचाणौ कारिए ऐसी सुसमाचार कै प्रचार का इस्तैमाल कौरे राए, पौरौ किछै लोग इथु मूर्ख मानौ।

गलातियौं 1:10

साफ सीधै बात ऐजै औसौ कै मोऐं लोगौ कै खुश कौरणौ कै कौचिश ना कौरे लैई, पौरौ पौरमेशवर कै खुश कौरणा चोऊं। जै हांव इबी तौड़ी बै आदमी खै खुश कौरदा रौंदा तौ मसीह का दास नै हौंदा।

याकूब 1:27

अमारै पौरमेशवर पिता खै नेड़िक साफ औरौ निर्मल भोक्‍ती ऐजै औसौ कै, अनाथो औरौ विधवा कै कौल़ेश दा तिनका ख्याल राखौ औरौ आपी कै दुनिया की बुरी बातौ शै बौचाए राखौ।