याकूब 4:12 - सिरमौरी नौवाँ नियम

¹² कानून दैणौवाल़ै औरौ न्याय कौरणौवाल़ा ऐकैई औसौ जू पौरमेशवर औसौ जैसयांगै बौचाणौ औरौ नाश कौरणौ कै शौकतै औसौ, पौरौ तू कुण औसौ, जू आपणै पड़ोसी पांदी दोष लांए?

Sirmouri

¹² अज्ञाँ-निय्म देंणों वाल़ा, अरह् नीयाँईच़ू ऐक ही असो सेजा, जेस्दी रंक्क्षा कर्णो के शक्त्ति अरह् नाँष कर्णो वाल़ा भे असो, तुऐं कुँण असो, जू आप्णें भाई पड़ोसी दुषी कसूरबार बाँणी सको?

याकूब 4:12 ပူးပေါင်းရင်းမြစ်များ

मत्ती 10:28

जू शोरीर खै मारै सौकौ, पौरौ आत्मा खै ना मार सौकौ, तिनुदै नै डौरेया पौरौ पौरमेशवर दै डौरेया जू आत्मा औरौ शोरीर दु खै नरक दा नाश कौरे सौकौ।

लूका 12:5

पौरौ हांव तुऔं बौतौऊं कै तुऔं कोसी दो डौरणो चैंई, तुऔं पौरमेशवर दौ डौरणो चैंई, जैसी तुऔं मारणौ कै बाद नरको दै पाणौ का औधिकार औसौ, तैसदैई डौरेया।

रोमियों 14:13

इथकारिए औगौड़ियौ कै आमु ऐकी दूजै पांदी दोष नी लाणा चैंई, पौरौ तुऐं ऐजौ ठाणै पाव कै कुणिए आपणै साथी बिशवाशी कारिए पाप कै जाल दै फोशणौ कै बौजैह ना बौणौ।

रोमियों 14:4

इथकारिए तुऔं कोसी कै दास का न्याय नी कौरणा चैंई? सै चाहै कामयाब हौंव या ना हौंव, तैसकै स्‍वामी ही शै सौमबंध राखौ, यानी सै कामयाब ही कौरे दिया जाला जिथुकै प्रभु तैसी कामयाब कौरे सौकौ।

रोमियों 2:1

इथकारिए, ओए रै ओकी पांदी दोष लाणौ वाल़ै! तुऐं चाहै कुणिए बै काए नी हौंव, भाना ना बाणै सौकौ। जियौं बातौ दा तुऐं ओकी पांदी दोष लांव, तियौंई बातौ दा आपी कै बै दोषी बाणौ, जिथुकै तुऐं, जू ओकी पांदी दोष लांव, आपी बै सैजैई काम कौरौ।

रोमियों 9:20

ओए रै भाईयों आमै आदमै, कुण औसौ, जू पौरमेशवर शै सवाल कौरु? का चीज़ आपणै बाणणौवाल़ै कैईंदु पूछै सौकौ, “तुऐं मुखै ऐशणै किथु बाणै राए?”

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

याकूब 5:9

ओए रै भाईटु, ऐकी दूजै पांदी आपणै पौरैशानी कै बौजैह शै दोष ना लाव, ताकि तुऐं दोषी ना ठौहरौ, दैखौ, न्याय कौरणौवाल़ा आणौ कारिए तैयार औसौ।