याकूब 4:11 - सिरमौरी नौवाँ नियम

¹¹ ओए रै भाईटु ऐकी दूजै कै बोदनामी नै कौरौ, जू आपणै भाई कै बोदनामी कौरौ या तैसी पांदी दोष लांव, सै व्यवस्‍था खै बोदनामी कौरौ औरौ कानून पांदी दोष लांव; औरौ जै तू कानून पांदी दोष लांए, तौ तू कानून कै मानणौ वाल़ा ना आथी पौरौ तिथपांदी न्याय कौरणौवाल़ा बौण जाए।

Sirmouri

¹¹ हे भाऐ बंईणों, ओका ओकी के बदनाँमी ने करे, किन्देंखे के जुण्जे भाऐ बंईणों ओका ओकी के नीदया-बदनाँमी करह्, के आप्णें भाऐ कसूरबार बाँणों; से अज्ञाँ-नीय्म के बदनाँमी करह्; अरह् अज्ञाँ-नीय्म कसूरबार बाँणों; अरह् जे तू अज्ञाँ-नीय्म दा चाल्णों वाल़ा ने, परह् तिन्दे का नींयाँईच़ू बंणें।

याकूब 4:11 ပူးပေါင်းရင်းမြစ်များ

लूका 6:37

“ओकी का न्याय नी कौरौ; तौ पौरमेशवर बै तोंवारा न्याय ना कौरदा। ओकी कै दोषी नी ठोहराया, तौ पौरमेशवर बै तुऔं पांदी दोष ना लांदा, ओकी कै बै माफ कौरौ तौ पौरमेशवर बै तुऔं माफ कौरदा।

रोमियों 2:1

इथकारिए, ओए रै ओकी पांदी दोष लाणौ वाल़ै! तुऐं चाहै कुणिए बै काए नी हौंव, भाना ना बाणै सौकौ। जियौं बातौ दा तुऐं ओकी पांदी दोष लांव, तियौंई बातौ दा आपी कै बै दोषी बाणौ, जिथुकै तुऐं, जू ओकी पांदी दोष लांव, आपी बै सैजैई काम कौरौ।

रोमियों 2:13

जिथुकै पौरमेशवर कै नोज़रो दै धरमी सैजै ना आथी जू मूसा कै कानून कै शुणणौवाल़ै औसौ पौरौ धरमी सैजै औसौ, जू मूसा कै कानून का पालन कौरणौवाल़ै औसौ।

रोमियों 7:7

तौ आमै का बुलू? का नियम पाप औसौ? ना! बिल्कुल नी! बल्कि नियम कै दवारा हांव पाप कै जाणै सौकु। मोऐं जाणौ कै लालच कौरणा पाप औसौ जिथुकै नियम ऐजौ बौतांव, “कै लालच नी कौर” तौ हांव ऐजौ जाणै ना पांदा कै लालच कौरणा गौलत औसौ।

1 कुरिन्थियों 4:5

इथकारिए जांव तौड़ी प्रभु ना आंव, तांव तौड़ी कोसी का न्याय ना कौरौ: सै सीधै तरीकै शै तिनु सौबी विचारो खै बौतांदा जू लोगौ कै धोरे औसौ जिथकै बारै मुंजी ओका कुणिए ना जाणौ। सै तिनु मकसदो खै प्रकट कौरदा जू तिनकै दिलो दै औसौ। तोबै पौरमेशवर कै ढौबौशै हरेक आदमी कै तारीफ हौन्दै।

2 कुरिन्थियों 12:20

जिथुकै मुखै डौर औसौ, कोदी ऐशैखै ना हौंव, कै हांव आयौ जैशै चोऊं, तैशै तुऔं ना पोऊँ, औरौ मुखै बै जैशैखै तुऐं ना चांव तैशैखैई पांव, मुखै डौर औसौ कै तुऐं मुंजी झोगड़ा, बौदला, गुस्सा, मतलबीपन, ज़लन, चुगली, घमण्‍ड औरौ बौवाल ना हौंव।

इफिसियों 4:31

सौबै भान्त खै कड़वाहट औरौ प्रकोप औरौ गुस्सा औरौ कलह, औरौ सौबै बैरभाव औरौ नेंदैया तक आपणै जीवन शै दूर कौरौ।

1 तीमुथियुस 3:11

ऐशैखैई तिनकी घोरवाल़ी सौबी कै दवारा आदर पाणौ कै लायक हौणी चैंई। निन्दा कौरणौवाल़ी नी हौणी चैंई, शान्त तरीकै शै बर्ताव कौरणौवाल़ी हौणी चैंई औरौ पूरी तरह शै भरोसेमंद हौणी चैंई।

2 तीमुथियुस 3:3

दया ना कौरणौवाल़ै, माफ नी कौरणौवाल़ै, दोष लाणोवाल़ै, औरौ जिनकी इछाएं आपणै काबू दी ना आथी औरौ ढीठ, औरौ भोलाए शै नफरत कौरणौवाल़ै हौंदै।

तीतुस 2:3

तैशैखैई बुजूर्ग बैटमाणिशौ आरी तैशणा बर्ताव कौरौ जू पौरमेशवर कै प्रति भोक्‍ती का जीवन जियौं। सै निन्दा कौरणौवाल़ी नी हौणी चैंई, औरौ ना पिणौ वाल़ी हौणी चैंई; पौरौ ओकी खै आछी बातौ शिखाणौ वाल़ी हौणी चैंई।

याकूब 1:16

ओए रै मैरै प्यारे भाईटु धौखा ना खांव।

याकूब 1:19

ओए रै मैरै प्यारे भाईटु, ऐजै बात तुऐं जाणै पाव, हरेक आदमै शुणणौ कारिए तैयार, औरौ बौल़ाणौ दा सब्र राखणौ वाल़ा, औरौ गुस्सा कम कौरणौवाल़ा हौंव।

याकूब 1:25

पौरौ जू आदमी पौरमेशवर कै सिध्द कानून कै ध्यान शै पालन कौरौ, जू लोगौ कै पाप शै आज़ाद कौरौ; सै आपणै काम दा इथकारिए आशीष पांदा कै सै कानून कै शोणेयो बिसरो ना पौरौ जू सै शिखौ तैशैखैई तिथका अभ्यास कौरौ।

याकूब 2:8

जै तुऐं पवित्र शास्त्र कै खास नियम कै मानौए, जू बौल़ौए, “आपणै पड़ोसी आरी तैशणा प्यार कौरेया,” तौ तुऐं सोही कौरौ।

याकूब 5:10

ओए रै भाईटु, जिनुऐ पौरमेशवर कै बातौ बौताणौवाल़ै प्रभु कै नांव शै बातौ कौरी, तिनुखै दुख उठाणै औरौ धीरज धोरणो का ऐक आर्दश सौमझौ।

याकूब 5:7

इथकारिए ओए रै भाईटु, प्रभु कै आणौ तौड़ी धीरज धोरो, जैशै किसान बागड़ी कै कीमती फसल कै आशा राखौ औरौ आगली औरौ पाछल़ी बारिश हौणौ तौड़ी धीरज शै ठोल़नाए कौरौ, ताकि फसल बौढ़ौ औरौ काटणौ कारिए तैयार हौंव।

याकूब 5:9

ओए रै भाईटु, ऐकी दूजै पांदी आपणै पौरैशानी कै बौजैह शै दोष ना लाव, ताकि तुऐं दोषी ना ठौहरौ, दैखौ, न्याय कौरणौवाल़ा आणौ कारिए तैयार औसौ।

1 पतरस 2:1

इथकारिए, सौबै भान्त कै बुरै बर्ताव शै छुटकारा पाव। ओकी खै धौखा ना दैव, कपटी नी बौणैया। ओकीआरी ज़लन नी राखैया। कोसी कै बदनामी नी कौरेया।