याकूब 4:1 - सिरमौरी नौवाँ नियम

¹ तुऔं मुंजी लौड़ाए औरौ झोगड़े कुकै दै आए गौवै? ऐजै तिनु बुरी इछावं शै आंव जू तोंवारै भीतरै लोड़ोए।

Sirmouri

¹ तुँओं मुँझी झगड़ा कैई हों? कियों तिन्देका कारण तुवाँरे सासो का सुख-विलास आथी ने? जुण्जा तुवाँरे अंग दा बास करह्?

याकूब 4:1 ပူးပေါင်းရင်းမြစ်များ

मत्ती 15:19

जिथुखै आदमी कै मनो शै बुरै-बुरै विचार, गौलत तरीकै शै सौमबंध बौणाणै, चोरी कौरणा, हत्या कौरणा, नाजायज सौमबंध राखणै, झूठी गवाही औरौ नेंदैया कौरणा ही निकल़ौ।

यूहन्ना 8:44

तुऐं आपणै बापू शैतान शै औसौ औरौ आपणै बापू कै इछा खै पूरै कौरणै चांव। सै तौ आगै दा उंडा हथियारा औसौ, औरौ सै कौलोंई साचा ना थी, जिथुखै सौचाई तैसदै आथी ना, जौल़ौ सै झूठु बौल़ौ, तौ सै आपणै स्‍वभाव शै बौल़ौ, जिथुखै सै झूठा औसौ, औरौ झूठै का बापू औसौ।

रोमियों 7:23

पौरौ मैरै आपणै शोरीर कै अंगो दै औकै भान्त कै नियम दैखियौं, मैरा मन जिनु नियम कै सोही मानौ, तिनु नियम कै खिलाफ मैरा शोरीर लोड़ो औरौ ऐजै नियम मुखै पाप का कैदी बाणौ, औरौ पाप जू मैरै शोरीर दा काम कौरौ।

रोमियों 7:5

जिथुकै जोबै आमै आपणै पापी स्‍वभाव कै बश दै थिए, तौ पापी अभिलाषाएँ जू नियम कै दवारा थी, मौत का फोल़ पौयदा कौरणौ कारिए अमारै शोरीर दी काम कौरौ थी।

रोमियों 8:7

जिथुकै पापी स्‍वभाव कै हिसाब शै जीवन जिणौ वाल़ा आदमी पौरमेशवर शै बैर राखणा औसौ, जिथुकै ना तौ पापी स्‍वभाव पौरमेशवर कै नियम-कानून कै अधीन औसौ, औरौ ना नियम-कानून का पालन कौरे सौकौ।

गलातियौं 5:17

जिथुकै अमारी पाप वाल़ी इछाएं पवित्र आत्मा कै खिलाफ औसौ, पौरौ पवित्र आत्मा पाप वाल़ै इछाओं कै खिलाफ औसौ। ऐजी दुईनै तागते लगातार ऐकी दुजैआरी लोड़ो, इथकारिए आमु सौदा तिनु आछै कामौ कै कौरे सौकु जू आमु कौरणा चोऊं।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

2 तीमुथियुस 2:23

पौरौ मूर्खता, औरौ अनजानी शिक्षा शै दूर रौव, जिथुकै तू जाणैए, कै इथलैई झोगड़े हौंव।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

तीतुस 3:9

पौरौ मूर्खता खै बैहस-बाजी, औरौ पुराणिया कै पीढ़ी की लाम्बी चौड़ी सूची औरौ विरोध कौरणौवाल़ै औरौ झोगड़े शै दूर रौव जू मूसा कै कानून कै बारै मुंजी औसौ। जिथुकै ऐजी बातौ कोसी की मौदद ना कौरौ औरौ ना तिनका किछै बै फायदा आथी।

याकूब 1:14

पौरौ हर आदमी आपणै ही बुरी इछाओं कै बौजैह शै गौलत कौरणा चांव, औरौ पाप मुंजी फोशैयो परीक्षा दै पौड़ै जांव।

याकूब 4:3

तुऐं मांगोए पौरौ तुऔं ना भैटौ, जिथुकै तुऐं बुरी इछा लैई मांगो, ताकि आपणै मोजै कारिए उड़ाए सौकौ।

1 पतरस 1:14

पौरमेशवर कै आज्ञा कै मानैया कौरौ जिथुकै तुऐं तैसकै नानड़िया औसौ। तिनु बुरै कामौ खै ना कौरौ जिनु तुऐं तोलो कौरणौ कै इछा राखौ थिए, जौल़ौ तुऐं पौरमेशवर कै सौचाई खै ना जाणौ थिए।

1 पतरस 2:11

ओए रै बिशवाशी भाईयों तुऐं आपी खै इयौं दुनिया दै प्रदेशी औरौ यात्री कै जैशणै सौमझौ। हांव तुऔं खै चैतावणी दियु कै शोरीर की सौबी बुरी इछा शै बौचौ जिथुकै सै तोंवारै आपणै आत्माओं कै खिलाफ हमैशा विरोध कौरौ।

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

2 पतरस 3:3

सौबी दै खास बात, तुऔं पौता हौणा चैंई कै मसीह पाछु आणौ दै आगै आखरी दूसौ दै ऐशणै लोग हौन्दै जू तोंवारा मजाक उड़ांदै जिथुकै तुऐं बिशवाश कौरौ कै मसीह औटेयौ पाछु आन्‍दा। सै आदत शै मजबूर हौयौ बुरै काम कौरदै जू तिनु खुश कौरौ।