याकूब 3:2 - सिरमौरी नौवाँ नियम

² आमै सौबै बौहितै बैई चौकी जोऊं पौरौ जै कुणिए आदमै जू सै बौल़ौए तिथमुंजी कौलोंई गौलती ना कौरौ सैजाई तौ सिध्द आदमै औसौ, औरौ सै आपणै सौबी कामौ दा आपी खै काबू कौरे सौकौ।

Sirmouri

² आँमें बादे झोणें कैथी ना कैथी किऐ ना किऐ भूल-चूक जरूर करह्, परह् सिद्ध-पाक्का सेजा असो, जू किऐ भे बचन दी भूल-चूक ने करदा, किन्देंखे के सेजा आदमी आप्णी देह्-शरीर दी लगाम आप्णें बष दी थऐ सको।

याकूब 3:2 ပူးပေါင်းရင်းမြစ်များ

मत्ती 12:34

तुऐं जोहरिले शोंगोऊं कै नानड़िया जैशणै औसौ, तुऐं बुरै हौयौ बै आछी बातौ बौल़ौ। जिथुखै जू मनो दो भोरै रौंव सैजौई मुँह पांदी आंव।

मत्ती 12:37

जिथुखै ऐक आदमी आपणी बातौ कै बौजैह शै बैकसूर औरौ आपणी ही बातौ कै बौजैह शै दोषी ठोराए जांदा।”

रोमियों 3:10

जैशैकै पवित्र शास्त्र बौल़ौ “पौरमेशवर कै नज़र दै कुणिए बै धरमी ना आथी, ऐक बै ना आथी।

रोमियों 7:21

तौ हांव ऐजै नियम पोऊँ कै जोबै भोलाए कौरणौ कै इछा कौरु, तौ हांव सैजौ कौरु जू बुरु औसौ।

1 कुरिन्थियों 9:27

हांव आपणै शोरीरो खै भ्यास दा लांऊ औरौ बुरी इछाओं कै काबू दी राखु, कोदी ऐशै नै हौंव कै हांव जू ओकी कै सुसमाचार का प्रचार कौरु, औरौ आपी इनाम ना पोऊँ।

गलातियौं 3:22

पौरौ पवित्र शास्त्र आमु बौतांव कै, पूरी दुनिया पाप कै अधीन औसौ। इथकारिए जू कुणिए यीशु मसीह पांदी बिशवाश कौरौ, पौरमेशवर का वादा तिनु लोगौ कै ही भैटदा।

गलातियौं 5:17

जिथुकै अमारी पाप वाल़ी इछाएं पवित्र आत्मा कै खिलाफ औसौ, पौरौ पवित्र आत्मा पाप वाल़ै इछाओं कै खिलाफ औसौ। ऐजी दुईनै तागते लगातार ऐकी दुजैआरी लोड़ो, इथकारिए आमु सौदा तिनु आछै कामौ कै कौरे सौकु जू आमु कौरणा चोऊं।

कुलुस्सियों 1:28

आमै हरेक आदमी कै मसीह कै बारै मुंजी बौतौऊं औरौ पौरमेशवरे जू पूरा ज्ञान आमु दैय राए सौबी कै चैतावणी दियु औरौ सौबी कै शिक्षा दियु, ताकि आमु ऐजौ पाकौ कौरे सौकु कै सौबवे मसीह दा ऐक सिध्‍द बिशवाशी हौए सौकौ जोबै सै पौरमेशवर कै सामणै खौड़ै रौंदै।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

याकूब 1:26

जै कुणिए आपी खै भोक्‍त सौमझौ, पौरौ बुरी बातौ बौलणौ पांदी काबू ना राखौ तौ सै आपी खै धौखा दैंव औरौ तैसकै भोक्‍ती बैकार औसौ।

याकूब 1:4

हरेक परीक्षा दा सब्र राखणा शिखौ, कै तुऐं आत्मिक रुप शै सियाणै हौए जांव, औरौ तुऔं दै कोसी बै आछै गुण कै कमी नै हौंव।

याकूब 2:10

जिथुकै जू कुणिए सौबी कानून का पालन कौरौ, पौरौ ऐकी आज्ञा दा बै चौकी जांव तौ सै सौबी बातौ दा दोषी ठौहरौ।

1 पतरस 3:10

जैशैकै पवित्र शास्त्र बौल़ौए, “जै कुणिए आदमी आपणै जीवन कै खुशी लोणी चांव औरौ आछै दूस चांव तौ तैसी चौकश रौणौ चैंई कै सै बुरी बातौ ना बौल़ौ। औरौ तैसी ऐशणी बातौ बंद कौरे दैणी चैंई जू साची ना आथी।

1 पतरस 5:10

पौरमेशवर जू पूरी तरह शै अनुग्रह लैई भौरेयौंदा औसौ, तैणै आमु मसीह कै साथै अमारै रिशतै कै बौजैह शै स्वर्ग दै तैसकै सौदा कै महिमा दै शामिल हौणौ कारिए बौएदै राए। औरौ तोंवारै दैणिक सौमय तौड़ी दुख सैहणौ कै बाद, पौरमेशवर तुऔं आछा बाणै दैंदा ताकि तुऔं मुंजी हौजौ कुणजाई दोष नी रौंव औरौ सै तोंवारै दिलो खै मोजबूत कौरदा औरौ तैसी पांदी तोंवारै भोरोशे खै सौथीखै मोजबूत बाणै दैंदा।