याकूब 3:17 - सिरमौरी नौवाँ नियम

¹⁷ पौरौ जू ज्ञान पौरमेशवर दैंव, सै आगै तौ पवित्र हौंव, तेई शान्तै दैणौवाल़ा, कोमल, औरौ सै ओकी कै अधीन रौणौवाल़ा हौंव, ऐजा दया औरौ आछै कामौ शै भौरेयौंदा औरौ ईमानदार औरौ बिना कपट वाल़ा हौंव।

Sirmouri

¹⁷ परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

याकूब 3:17 ပူးပေါင်းရင်းမြစ်များ

मत्ती 23:28

ऐशैकैई तुऐं बै औपरौशै तौ आदमी कै धरमी दैखियौं, पौरौ भीतरो दै ढोंग औरौ अधरम लैई भोरियोदैं हौंव।”

मत्ती 5:8

“धन्‍य औसौ सैजै, जिनकै मन शुध्द औसौ, जिथुखै सै पौरमेशवर खै दैखदै।”

मत्ती 5:9

“धन्‍य औसौ, सैजै जू मैल कौरवाणौवाल़ै औसौ, जिथुखै सै पौरमेशवर कै नानड़िया बौल़ै जालै।”

लूका 21:15

जिथुकै हांव तुऔं ऐशणा बौल औरौ बुध्‍दि दैंदा कै तोंवारै सौबै दुशमन तोंवारा सामणा ना कौरे सौकौ।

लूका 6:36

जैशणा तोंवारा स्वर्ग का पिता दया कौरणौवाल़ा औसौ, तैशैकैई तुऐं बै दया कौरणौवाल़ै बौणौ।”

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 1:47

यीशुए नतनएल खै आपणै ढौबौ खै आन्दी बैई दैखैयो तैसकै बारै मुंजी बौल़ौ, “दैखौ ऐजा अमारै पुराणिया इस्राएल देश का ऐक साचा वंशज औसौ: जू पूरी तरह शै ईमानदार औसौ।”

प्रेरितो कै काम 11:24

बरनबास ऐक आछा आदमी थिया, औरौ पवित्र आत्मा औरौ बिशवाश शै भौरेयौंदा थिया, औरौ औकै भौरिशै लोग प्रभु आरी मिलै गौवै।

प्रेरितो कै काम 9:36

याफा नगर दा तबीता नांव कै ऐक बिश‍वाशनी बैटमाणिश थै, यूनानी भाषा दो तियौंको नांव दोरकास थियु। सै बौहितै भोल़ै-भोल़ै काम औरौ गरीब लोगौ कै मौदद कौरौ थै।

रोमियों 12:18

जांव तौड़ी हौए सौकौ, सौबी आदमी कै साथै मैल मिलाप राखौ।

रोमियों 12:9

औरौ ओकीआरी प्यार कौरणौ का दिखावा ना कौरौ; बुराई शै नफरत कौरौ; औरौ जू आछौ औसौ सैजौ हमैशा कौरदै रौव।

रोमियों 15:14

ओए रै मैरै बिशवाशी भाईयों; हांव आपी बै तोंवारै बारै मुंजी निशोंक हौयौ जाणु, कै तुऐं आपी बै भले लोग औसौ औरौ तुऐं पूरी तरह शै जाणौ कै तुऔं का कौरणौ चैंई औरौ ऐकी दूजै कै शिखांदै रौव।

1 कुरिन्थियों 12:8

पौरमेशवर का आत्मा ऐकी आदमी खै तौ बुध्दि का सौंदेश बौलणौ कै वरदान दैंव औरौ सैजाई आत्मा कोसी औकै आदमी खै ज्ञान का सौंदेश बौलणौ कै वरदान दैंव।

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

2 कुरिन्थियों 6:6

पौरौ आमुए आपी खै पवित्र राखै औरौ ज्ञानी, सौब्री औरौ दयालु रौवै। पवित्र आत्मा कै मौजूदगी अमारै साथै रौए।

2 कुरिन्थियों 7:11

तोबै बै इयौं बातौ लैई तुऔं खै पौरमेशवर कै खातिर ऐशणा दुख महसूस हौआ; इथकारिए ध्यान दैव कै पौरमेशवर कै तरफ शै आएयौंदे दुखै तुऔं मुंजी का-का बौदलाव कौरे राखै: ऐशणै खोशे शै भोरेयोंदे इछा, आपणै तरफ शै आछौ कौरणौ कै ऐशणी बौड़ै इछा, अन्याय कै ढौबौ ऐशणा गुस्सा, कौल़ेश कै सौमय ऐशणी चौकशाए, मुं आरी भैटिणौ कै ऐशणी बोड़ी इछा, सेवा कै ढौबौ ऐशणी खोशे औरौ बुरै काम कौरणौवाल़ै खै सौजा दैणौ कै ऐशणै तैजी कै दवारा तुऐं ऐजौ साबित कौरे दियु कै सौबै ठुँ ठीक-ठाक कौरणौ दै तुऐं कुणजै बै कमी ना छोड़े रैई।

2 कुरिन्थियों 9:10

जिथुकै पौरमेशवर ही औसौ जू किसानो खै बौणौ कारिए बीज़ दैंव, औरौ तिनु खाणौ कारिए भोजन बै दैंव। तौ, ऐशैखैई पौरमेशवर ऐजौ साबित कौरदा कै तुऔं कैई हमैशा पूरु धन हौंव ताकि तुऐं हौजौ जादा दयालुता शै जौरुरतमंद लोगौ कै मौदद कौरे सौकौ।

इफिसियों 5:9

जिथुकै जै कुणिए आदमी पेयाशै दा औसौ, तौ तैसका बर्ताव आछा औरौ धार्मिक हौंव, औरौ तैसी पांदी भोरोशा कौरे सौकौ।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

फिलिप्पियों 4:8

इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

1 थिस्सलुनीकियों 2:7

पौरौ जैशैखै माँ आपणै नानड़िया का पालन पोषण कौरौ, तैशैखैई आमै बै तोंवारै बीच दै रौयौ कोमलता दिखाए।

1 तीमुथियुस 5:21

पौरमेशवर, औरौ मसीह यीशु, औरौ चोणेयौंदे स्‍वर्गदूतौ कै उपस्‍थित जाणैयौ हांव ताखै आदैश दियु कै जू किछै बै तू कौरे, तिथमुंजी कोसी आदमी कै प्रति बिना भैदभाव कै काम कौर।

2 तीमुथियुस 2:24

औरौ प्रभु कै सेवक कै झोगड़ालु नी हौणौ चैंई, पौरौ तैसी सौबी कै साथै दयालु हौणौ चैंई, पौरमेशवर कै वचन कै साफ तरीकै शै शिखाणै दा काबिल हौणौ चैंई औरौ लोगौ कै साथै धीरज राखणा चैंई।

तीतुस 1:15

तिनु लोगौ कारिए जिनकै दिल दै ऐशणै पाप वाल़ै विचार ना आथी, तिनु कारिए सौबै चीज़ौ शुध्द औसौ, औरौ जू बुरै लोग औसौ औरौ जू लोग यीशु पांदी बिशवाश ना कौरौ, तिनु कारिए सौबै चीज़ौ अशुध्द औसौ जिथुकै तिनकै दिल पूरी तरह शै बुरै हौए गौवै।

तीतुस 3:2

कोसी कै बदनाम नी कौर, औरौ शान्त स्‍वभाव कै हौंव औरौ सौबी आदमी कै साथै बौड़ै शराफत कै साथै रौव।

इब्रानियों 12:11

जोबै आमु सौजा दैय जांव, तौ तैसी सौमय डांट आछी ना लागौ, पौरौ बुरै लागौ, पौरौ बाद मै, जोबै आमु इथलैई शिख लोंव, तोबै आमु शान्तै भैटौ, जिथुकै आमै तोबै सोही तरीकै लैई जीणु शुरु कौरौ।

इब्रानियों 12:14

सौबीआरी मैल-मिलाप राखौ, औरौ ऐक पवित्र जीवन जिणौ कै कौचिश कौरणै चैंई जिथकै बिना कुणिए प्रभु खै कौलोंई बै ना दैख सौकौ।

याकूब 1:17

हरेक आछै वरदान औरौ हरेक बढ़िया दान पौरमेशवर ही शै औसौ, जैणै गौयण दै सौबै पेयाशो सुरज, चांद औरौ तारै बाणै। पौरमेशवर हमैशा ऐक जैशणा औसौ औरौ सै कौलोंई ना बौदलौ।

याकूब 1:5

पौरौ जै तुऔं मुंजी दै कोसी कै बुध्‍दि की कमी हौंव, तौ पौरमेशवर कैईंदी मांगो, जू आमु दी बिना गौलती जौए सौबी कै बौड़ी दया शै दैंव; औरौ पौरमेशवर तुऔं कै बै दैला।

याकूब 2:13

जिथुकै जैणै दया ना कौरी, तैसका न्याय बै बिना दया का हौंदा दया न्यांव पांदी जीतै जांव।

याकूब 2:4

तौ का तुऐं आपी मुंजी भैदभाव ना कौरी? औरौ का तुऐं बुरै विचार शै न्याय कौरणौवाल़ै ना हुवे?

याकूब 3:15

ऐजा ज्ञान सैजा ना आथी जू पौरमेशवर शै आंव पौरौ दुनिया कै तरफ शै औरौ शारीरिक, औरौ शैतानी औसौ।

याकूब 4:8

पौरमेशवर कै नेड़िक आव, तौ सै बै तोंवारै नेड़िक आन्‍दा। ओए रै पापियों आपणै जीवन शै पाप कै दूर कौरौ, औरौ ओए रै दुगल़ै लोगौ आपणै मन खै पवित्र कौरौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 2:1

इथकारिए, सौबै भान्त कै बुरै बर्ताव शै छुटकारा पाव। ओकी खै धौखा ना दैव, कपटी नी बौणैया। ओकीआरी ज़लन नी राखैया। कोसी कै बदनामी नी कौरेया।

1 पतरस 2:18

ओए रै सेवको तुऐं जू घौरौ पुंडा काम कौरौ, जू बिशवाशी औसौ, तुऔं आपणै मालिक कै आज्ञा का पालन कौरणा चैंई औरौ हमैशा तिनकै इज्जत कौरणै चैंई। भलैई सै दयालु औरौ सोही हौंव या खडुस हौंव।

1 यूहन्ना 3:18

ओए रै प्यारे नानड़िया, तुऔं साची मौदद कौरेयौ ओकीआरी आपणा प्यार दिखाणा चैंई ना कै सिरफ प्यार कै बारै मुंजी बातौ कौरणी चैंई।

1 यूहन्ना 3:3

औरौ जू कुणिए मसीह पांदी आशा राखौ, सै आपणै आपी खै तैशैखैई पवित्र कौरौ जैशैखै सै पवित्र औसौ।