याकूब 3:13 - सिरमौरी नौवाँ नियम

¹³ तुऔं मुंजी ज्ञानी औरौ सौमझदार कुण औसौ? जै तुऐं औसौ तौ तुऔं ऐक आछा जीवन जिणौ कै दवारा औरौ तियौं नम्रता कै साथै जू तोंवारै ज्ञान शै आंव आछै काम कौरेयौ दिखाणै चैंई।

Sirmouri

¹³ तुँओं मुँझी ज्ञाँनी अरह् ठगड़ा सम्झदार कुँण असो? जुण्जा ऐशा हों के आप्णे आच्छ़े सभाव अरह् करंम के जाँणें ज्ञाँन पय्दा कर्णो वाल़ी नरमाँऐं आरी पर्गट हों।

याकूब 3:13 ပူးပေါင်းရင်းမြစ်များ

मत्ती 11:29

मैरै जोवांऐ आपी पांदी टैपै पांव; औरौ मुं कैईंदु शिखौ; जिथुखै हांव नम्र औरौ मन दा दीन औसौ: औरौ तुऐं आपणै मन दा विशांव पांदै।

मत्ती 21:5

“सिय्योन की बैटी खै बौल़ौ, ‘दैख, तैरा राजा तैरै धोरे आन्दा लागै रौआ; सै नम्र औसौ औरौ सै गाधड़ू पांदी बौठै रौआ; यानी गोधी कै गाधडू पांदी।’”

मत्ती 5:5

“धन्‍य औसौ सैजै जू नम्र औसौ, जिथुखै सै धोरती कै औधिकारी हौंदै।”

मत्ती 7:24

“इथकारिए जू कुणिए मैरी ऐजी बातौ शौणैबा तिनुखै मानला, सै तैसी बुध्दिमान आदमी कै जैशणा औसौ, जैणै आपणौ घोर चट्टानो कै नियुं पांदी बाणौ।

1 कुरिन्थियों 6:5

ऐजौ बौलेयौ तुऔं खै बैज्जित कौरणा ही मैरा मकसद औसौ। का तोंवारै बीच मुंजी ऐशणा बुध्दिमान आदमी बै ना आथी, जू बिशवाशियौं कै झोगड़े सुलझाए सौकौ?

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

2 कुरिन्थियों 8:24

इथकारिए आपणा प्यार औरौ अमारा सैजा घमण्‍ड जू तोंवारै बारै मुंजी औसौ कलीसियाओं कै सामणै तिनु सोही कौरेयौ दिखांव।

गलातियौं 5:23

नम्रता औरौ संयम औसौ; ऐशणा कुणजाई कानून ना आथी जू ऐशणी बातौ का विरोध कौरौ।

गलातियौं 6:1

ओए रै बिशवाशी भाईयों, जै कोसी आदमीए कुणजाई पाप कौरे राए। तौ तुऐं जू पवित्र आत्मा कै अगुवाई शै चालौ, तैसी प्यार शै सोही बाटो पांदी पाछु लाणौ कारिए तैसकै मौदद कौरौ। ध्यान राखौ कै कोदी आपी ही तैसी पाप दै नै पौड़ै जांव।

गलातियौं 6:4

हरेक आदमी आपणै खुद कै कामौ खै जांचो कै का सै आछै औसौ या आथी ना। जै तैणै आछै काम कौरे राए, तौ सै आपणै कामौ पांदी घमण्‍ड कौरे सौकौ।

इफिसियों 4:2

औरौ पूरै दीनता, औरौ नम्रता कै साथै, औरौ धीरज धोरेयौ ओकी कै बर्ताव कै सैहन कौरौ,

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

कुलुस्सियों 3:12

पौरमेशवरे तुऔं आपणै पवित्र लोग हौणौ कारिए चोणे राए औरौ सै तुऔंआरी प्यार कौरौ इथकारिए बौड़ै दया औरौ भोलाए, दीनता औरौ नम्रता औरौ सैहन शीलता धारण कौरौ।

1 तीमुथियुस 4:12

ऐशैखै बर्ताव कौरौ कै कुणिए बै तैरा अनादर नी कौरौ, जिथुकै तू जोवान औसौ, पौरौ ताखै आपणै बौल चाल दो आछै बर्ताव कै साथै, प्यार कै साथै, मसीह कै बिशवाश कै साथै औरौ पवित्र जीवन जिणौ कै साथै बिशवाशी लोगौ कारिए नमूना बोणणौ चैंई।

1 तीमुथियुस 6:11

पौरौ ओए रै तीमुथियुस, तू पौरमेशवर कै सेवा कौरणौवाल़ा आदमी औसौ, ताखै इनु सौबी चीज़ौ कै कौरणौ शै बौचणौ चैंई जू सोही औसौ सिरफ सैजौ कौरणौ कारिए हर तरह शै कौचिश कौरेयौ ऐक ऐशणा जीवन जी जू पौरमेशवर कै आदर दैंव। मसीह पांदी भोरोशा राख, ओकी लोगौआरी प्यार औरौ शराफत शै रौया औरौ कौलोंई बै हार नी मानैया।

2 तीमुथियुस 2:25

तैसी दया शै तिनु लोगौ खै सौमझाणे चैंई जू तैसकै खिलाफ औसौ, शैतानै इनु लोगौ कै फोशाए राए औरौ तिनका कैहणा मानै राए। पौरौ पौरमेशवर तिनु पाप छोड़णे औरौ सौचाई खै जाणणौ दै मौदद कौरदा, ताकि सै आपणै होशो दै आंव औरौ तैसदै दूर हौए जांव। शैतानै तिनु धौखै शै सैजौ कौरवाए राए जू सै चांव कै सै कौरौ।

तीतुस 3:2

कोसी कै बदनाम नी कौर, औरौ शान्त स्‍वभाव कै हौंव औरौ सौबी आदमी कै साथै बौड़ै शराफत कै साथै रौव।

इब्रानियों 13:5

आपणै जीवन कै धन कै लालच शै आज़ाद राखौ। औरौ जू तुऔं कैई औसौ, तिथमुंजी खुशी रौंव; जिथुकै पौरमेशवरे आपी बौल़ै राए, “हांव ताखै कौलोंई बै ना छोड़दा, औरौ ना कौलोंई बै ताखै त्यागदा।”

याकूब 1:21

इथकारिए सारै गंदगी औरौ बैरभाव कि बोढ़ोतरी खै दूर कौरेयौ पौरमेशवरे कै वचन कै नम्रता शै मानै पाव, जैसी तुऐं दिल दा राखै राए थिया, औरौ जू तोंवारै जिन्दगी कै बौचाए सौकौ।

याकूब 2:18

जै कुणिए बौल़ौए, “मुखै बिशवाश औसौ, औरौ हांव भले काम कौरु।” पौरौ हांव बुलू तू आपणा बिशवाश मुखै भले काम कै बिना साबित कौर; औरौ हांव आपणा बिशवाश ताखै आपणै भले कामौ कै दवारा साबित कौरदा।

याकूब 3:1

ओए रै मैरै भाईटु, तुऔं मुंजीदै बौहितै लोग कलीसिया कै उपदैशक ना बौणौ, जिथुकै तुऐं जाणौए कै ओकी कै तुलना दा अमारा न्याय हौजौ बै जादा सख्ती शै हौंदा।

याकूब 3:17

पौरौ जू ज्ञान पौरमेशवर दैंव, सै आगै तौ पवित्र हौंव, तेई शान्तै दैणौवाल़ा, कोमल, औरौ सै ओकी कै अधीन रौणौवाल़ा हौंव, ऐजा दया औरौ आछै कामौ शै भौरेयौंदा औरौ ईमानदार औरौ बिना कपट वाल़ा हौंव।

1 पतरस 1:15

पौरौ ऐबै तुऔं हर काम मुंजी जू तुऐं कौरौए पवित्र हौणौ चैंई, जैशैकै पौरमेशवर पवित्र औसौ जैणै तुऔं आपणै संतान हौणौ कारिए चोणे राए।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।

1 पतरस 3:4

पौरौ तुऔं भीतरो शै आणौवाल़ै नम्र औरौ शान्त बर्ताव कै सुन्दरता लैई आपी कै सुन्दर बौणणौ चैंई। ऐजी सुन्दरता कौलोंई ना मिटौ, औरौ पौरमेशवर कै नज़र दै बैजाए कीमती औसौ।